遺傳的眼: 第七篇～好高的人

大家有冇聽過Slender man？Slender man係美國嘅一個都市傳說中嘅怪物，而佢個名嘅解釋都係照譯嘅，Slender解纖細、苗條、好瘦嘅意思，特徵係全白無輪廓嘅面，長得非常高，同背脊有好多觸手，鐘意匿埋喺樹林?面玩偷襲，比較鐘意攻擊小朋友（跟本就係變態扮嘅?），如果大家見到佢嘅話，又會有咩反應呢？

呢件事發生喺我打的回家途中，果晚我又喺大埔道見到野，而且見到嘅野好奇怪，詭異。
有一次我同阿媽出左去食飯，食到大概10:30嘅時候，我地打的返屋企，我地行嘅正正係我開眼嘅路，所以每一次經過大埔道我都打醒十二分精神，
我略略形容下我經過嘅大埔道係點嘅，大埔道整體上離講冇咩燈位，有好多彎路，算係一條山路，
有一部份嘅街燈成日都壞，路邊嘅樹上面大多數都會有猴子，其中有一段路可以見到有個水溏，仲有一片芭蕉樹林，
總恬離講，大埔道無論夜晚定日頭都係一條好適合佢地存在嘅地方，因為每次經過我都見到好多，旁邊嘅涼亭，停車場，山墳都一定會有佢地嘅身影，
果一晚我如常坐喺車嘅左邊望住窗外，
望住行人路d路人咁夜都仲敢一個人喺大埔道行，真係好佩服，我又不時見到d街鬼坐喺路邊，
有種好可憐嘅感覺，有時真係有d難過，




阿爸教落切勿對果d野產生任何情感，面對住佢地要兇神惡煞，佢地自然會忌你三分，
我一路望一路望，突然見到前面有一個好高好瘦嘅人形生物跳下跳下咁向前行，佢隻手長到小腿位，
佢嘅高度係唔正常嘅，因為前面架小巴經過果陣，我見到佢高過小巴一個頭，
佢塊全白無輪廓嘅面係向後面望嘅，過左佢之後我即刻另轉望，先知佢著住一套啡色嘅西裝，
打著紅色領帶，仲有正面睇都係白色嘅面，即係話佢嘅頭前後都有一塊面，
好詭異，我心離一離，佢唔係slender man吖麻，有人話見到佢嘅人一定會死，
我當時真係好不安，不過結果最後都係冇事平平安安返到屋企。

上網睇有人話slender man只係一個傳說，亦有人話真係見過佢，唔知我果晚見到嘅係咪佢呢？





小弟開左一個同步嘅ig:Theyallaroundyou，希望大家多多支持?