黑暗比人嘅感覺都係不太好,鬼片情節,鬼屋,都好多時利用呢d陰暗位嚇你,因為你根本睇唔清楚,冇辦法做好準備,心裡面嘅不安感令你不斷想像,下一步會唔會有咩怪物出現呢,試想像一下,如果唔係陸地,喺夜晚你置身喺海中心,望到嘅只有一大片黑色嘅海,甚至乎連陸地都睇唔到,你怕嗎?

呢件事係發生喺有一次我同朋友一行7個人去西貢遊船河嘅經歷,
果日我地7個人好早就去左西貢食早餐,我覺得我地食野嘅速度其實可以同小林尊鬥下,
我地9:00去到西貢等,行左半個鐘搵地方食野,
但係由入去開始計,落單,食,飲杯野,埋單,9:45就出返離,我心諗,我地用左半個鐘揾嘅野食用左3個字就搞掂,先唔好理其實d野食過左成2個字先到,我淨係覺得好唔成正比,
不過點都好,食飽之後就開始玩,踩下單車,放風爭好似70年代咁,
到下午3:00我地正式上船出海,船內好正,有電視,雪櫃,仲有個燒烤爈,海境一流~
出到海中心,終於停低,時間大概4:30,遠到已經望唔到陸地,不過遠處見到舊形狀好奇怪嘅大石,
好似鐵達尼號個冰山咁,其實格好遠,大概都有50碼(大概半個草地足球場),感覺不大好,石中段有一棵冇樹葉嘅樹,總覺得樹上面有人吊住望過離咁,但係又冇,




咁我都唔理咁多,美境當前,當我望返過去嘅時候已經得返我同另一個fd,其他5個人已經一早跳左落水,
我唔係唔識游水,但我唔鐘意海,有一種唔知水下面會有咩咁嘅心態,
過左個幾鐘,成5:30了,我見大家圍左一個圈,玩排球,我見到中間有個黑影喺水?面,我即刻話:大家上水拉,海水浸得多會脫水,
黑影除即消失左,上離之後就透爐燒野食,時間6:00,開始入黑,
估唔到喺海上燒野食係正到咁,大家一路吹水,大叫,氣氛相當好,不過我依然都係好介意果棵樹,但係依然都見唔到有野,
時間過得好快,話咁快已經成10:00,船上雖然有燈,但係好似進入左一個全黑嘅海域咁,我連行近船邊都有d怕,
我地7個人決定玩大富翁,喺一輪激戰中有3個地產霸權早就淘汰左4個無地商人,
而我就係其中一個無地商人,我手揸住一張沙田,同一張電燈公司,然後就不斷比錢,比錢,比錢,再比錢⋯⋯
玩左都唔知有冇十個圈,就已經收了皮子,我的媽牙,公平咩?
我地4個破產協會會員就睇住佢地3個明爭暗鬥,勝利者終於喺1:00誔生,




之後我地決定釣魚,人地話釣夜魚會好正,我雖然唔想行近船邊,但係我想體驗下,
個個都釣到,又有墨魚,有石九公,仲有人釣到條20幾cm嘅,
得我一個釣唔到,等左成2個鐘,終於有d動靜,突然有野好大力拉左一下,我即刻向後用力拉,感覺好似好輕咁,我以爲只係魚毛,點知拉上離嘅其間我feel到有好強烈嘅感覺愈離愈近,到我拉哂成條魚絲上離,我感覺到好似有人企左喺我前面嘅水面,但係太黑我睇唔到,我fd 突然張船燈另左過離,

我見到佢,

佢個外表好似千與千尋果隻野咁,塊面係全白嘅,表程好恐怖,成個乒乓波咁大嘅全黑眼睛同埋果個好恐怖嘅笑容,我地4目交頭左5秒,佢喺個黑色身體裡面申左隻白色嘅手出離指左去棵樹果邊,我望過去,
雖然我完全睇唔到棵樹,但係我見到棵樹果個位有好多白影飄下飄下,我再望返前面嘅時候佢已經企左喺欗杆上面同我面貼面咁,佢奸笑左三聲,然後消失左,
我好驚,我即刻行返去枱果度坐低,
然後望返過去,仔細睇一睇呢片黑海上面其實有好多白影企喺度,




我望一望錶3:00,我怕大家比野拉落海,
所以我提出不如玩多次大富翁,
大家都贊成,結果我又再一次第一個破產,
喊出離!
不過好彩直到太陽升起都冇咩問題。

小弟開左一個同步嘅ig:Theyallaroundyou,希望大家多多支持?
已有 0 人追稿