遺傳的眼: 第十篇～樓梯

樓梯可以話係我嘅天敵，我好明白以前生活嘅人有紀辛苦，樓梯有分迴旋式，同一條過嘅，迴旋式嘅往往都會喺鬼片用離做驚嚇情節，尤其係d轉角位，好多時都會有野企喺角落頭背住你，甚至明刀明槍問你有冇見過佢張成績表。

舊式嘅唐樓多數都係用迴旋式樓梯上去，而且有d重會冇燈嘅，夜晚自己一個行其實真係好驚，
有一次去左深水埗踢波，之後成班人去左朋友屋企玩，呢個朋友自己搬左出離住，租左深水埗嘅唐樓，住6樓，
我能夠想像到每日自己一個喺呢度上上落落係紀危險同紀可怕，
但由細到大佢都天不怕地不怕，
我都覺得佢係屬於唔會見到果d野嘅類型，
問題應該唔大，
我其實都上過去一次，不過係下午，所以冇咁黑，同冇咁靜，感覺冇咁驚。
我地7個人食完個m記就慢慢行去佢屋企了，果時都已經10:00，途中見到嘅數量其實都幾多，多數都係企係d暗行，




有d都會大遙大擺咁喺馬路行，
終於無驚無險行到佢樓下，一望入去，係一個申手不見五指嘅黑洞，我見屋主頭也不回咁入左去，我都頭也不回咁硬著頭皮咁跟著入去，我地幾個人嘅腳步聲好一致，一致到我覺得其實有d奇怪，同埋大家都一言不發，我心諗可能係因為太黑所以要專心行，
我一路行一路感覺到前後都都有野，同埋前後面好凍，其實都貼得幾近，但又黑到一d野都睇唔到，況且我又跟住我朋友，後面又有其他朋友，心諗應該冇事嘅，
終於都行到淨返最後一段樓梯，果種感覺冇一刻停過，不斷係前後起雞皮，行到佢門口，腳步聲同一時間停左，果種感覺就一路移左去左邊，好似繼續上去咁，貼得好近好有壓迫感，
因為我睇唔到野，我又聽唔到我朋友羅鎖?開門，我就出聲話開門拉，跟著我聽到我朋友把聲喺後面答我行緊上離拉，同時聽到下面一大堆雜亂無章嘅腳步聲同我d朋友嘅傾計聲，

有d咁嘅事？

我即刻心離一離，我冇出聲，廢事嚇到佢地，我腦?面不斷諗，我頭先跟住果個明明係我朋友個背影，而且後面的確有腳步聲，
一言驚醒夢中人，我其他朋友係咁問我做咩自己一枝箭咁沖左入去，話頭先佢地喺樓下諗住食埋枝煙先一齊上去，成班見到我一個沖左入去，係咁叫我等陣我都唔理，格左一陣先一齊上去。




聽到呢到終於真相大白，原來我係比一堆鬼圍住咁行上去，所以我先會有咁強烈嘅被包圍感，奇怪嘅腳步聲，而且我真係完全聽唔到佢地有叫住我，呢d就係鬼遮耳？
我繼續扮冇野等我朋友開門，佢開燈我心即刻安定左，我等所有人入哂離，準備關門時我感覺到門口斜對面嘅樓梯好似有野，我望一望出去，
因為屋內有燈照出去所以我終於望到，我見到有五個白色嘅頭係樓梯嘅轉角位，由上至下咁一排過，五對黑色嘅眼同時望住企喺門口嘅我，佢地開始笑起離，
同一時間申左隻手出離向我召手，示意叫我跟佢地行，我即刻關鐵閘，就有一大班喊得好淒厲嘅嗚嗚聲喺我耳內轟炸，
好可怕嘅聲音，我即刻關埋大門，遠離大門，終於平靜左，然後先有時間慢慢平伏我嘅心情，好彩到天亮都冇發生d特別事。

小弟開左一個同步嘅ig:Theyallaroundyou，希望大家多多支持?