遺傳的眼: 第九篇～的士

士，方便快捷，好多人都會喺趕時間嘅時候打的，又或者喺唔識路嘅時候打的，而我多數都係因為懶而打的，唔洗等，又快到目的地，但係你又知唔知夜更嘅的士係點嘅呢？我經歷咁多次，當中我留意到一樣野，果d野對紅色嘅野好似好大興趣，無論係惠康，麥當勞，紅茶館，甚至乎太和廣場嘅招牌上面都會有幾個黑影，對於佢地離講一架紅色嘅的士又可以撘順風車，姚樂怡不為呢？

其實每一次凌晨撘的士都會見到野，但係都係好普通嘅黑影，但係有一次經歷好深刻，
事原係有一次我去左大埔搵朋友吹水，提外話：其實大埔本來就比較多果d野，無論係普通嘅黑影，奇怪嘅種類我都見過，尤其係運頭塘，我親身體驗到果種數量同壓迫感（之後會分享），
今次我去搵朋友嘅地點係太和，到步都11:00，我地兩個人隨便喺7仔買左6枝大啤就地搵左個比較光猛嘅公園開始吹，途中都有不小嘅'聽眾'喺我地身邊行過，一路飲就一路吹，
我地傾計傾到成3:00鐘，終於飲哂，咁我就起行拉，我朋友好好咁送我撘的士，一打開門我見到個黑影喺右邊車門穿過走左，都預左嫁拉，
開車之後我一如以往有哂心理準備，望住路邊嘅街鬼，好似走馬燈咁，每格一段路一個接一個，終於到左大埔公路，
司機叔叔突然間好似好悶咁同我講足球，我當然唔執書，大家有講有笑，
我好小會望住車頭，叔叔開車都幾快，突然感覺到前面有野，一望前面我見到個著住紅色旗袍，紅色繡花鞋，目無表情，白得過份嘅女子企左喺前面，
我都未離得切反應已經撞左埋去，佢直接由車頭穿過我身邊，隻手仲掂到我膊頭，好凍（比鬼掂到嘅感覺就係果個位會好似比靜電電到咁而且會好凍），




最慘係我感覺到佢仲喺車後面冇走，我望一望倒後鏡，又見唔到，我另一另過後面，見到佢原來好似成龍咁捉住車頂，
而且佢仲望住我笑，佢對眼係全紅色嘅，有種深不見底嘅感覺，我好驚，佢有咁奇特嘅外表相對地應該都有奇怪嘅特技，
佢個頭開始由下至上咁轉，180倒轉左，我驚到即刻望返前，我見叔叔好似若無其事咁揸車，我真係有d羨慕，
突然聽到後面轟一聲好大聲，我嚇到彈起左望後面，見到個女人仲喺後面，佢個已經另返正，
原來佢用個頭不斷撞落個車尾玻璃度，叔叔可能見我突然彈起左問我做咩事，

竟然？！

咁大聲都聽唔到？而且佢仲未停，仲不斷轟轟轟，叔叔好似咩事都冇咁，我回個神來答叔叔，冇，我打機嚇到姐，
答完我望一望過去見到個人女人成面都血，個頭就離甩咁，得返小小定住，




我留意到佢係冇骨冇肉嘅，係黑色好似黑洞咁，突然一轉灣佢個頭直情甩左，
我即刻望返前面，同時我感覺到同佢愈離愈遠，望返後面終於見唔到，
我鬆左一口氣，過左一陣終於返到家。

小弟開左一個同步嘅ig:Theyallaroundyou，希望大家多多支持?