《香港革命軍首部曲：洋紫荊共和國》: 第四章 求同存異

第四章 求同存異
 
黃聽易整個人輕微顫抖，淚水再忍不住奪眶而出。
 
黃聽易默默道：「無錯，我哋要做嘅係散播革命種子，就算到最後失敗又點？孤容……我唔可以繼續，我決定支持無條件釋放人質。」
 
此時，張語靈（女班長）和梁訪凡（非凡哥）都站在黃聽易身旁，輕拍他的肩膀，為他送上一片紙巾。
 
二人同聲道：「我哋都改變立場，支持無條件釋放人質。」
 




頓時，所有人雙眼一潤，司徒依風所說的正正是他們進行革命的原因，為了使香港人醒覺，他們決定成為罪犯，也許到最後他們不會成功，不過！他們卻不會成為如中共般的犯罪者，他們只會用香港人獨有的方法，用理性務實再加上強而有力的革命，用香港獨有的革命方式為香港揭開新的一頁。
 
我笑著說：「既然係咁我就去安排人質交收嘅詳情，司徒依風，你同埋我一齊去，我哋要親自完成呢次交還行動。」
 
司徒依風笑著點頭。
 
我點算好島上的人質數目，再用電腦安排了運送人質的船隻，就走到監困著人質的大樓內。
 
「各位，我係洋紫荊共和國總統廖孤容，佢係外交部部長司徒依風。我諗你哋都知道呢家嘅處境，石鼓洲已經成為我國領土範圍，由於你哋既身分係中華人民共和國香港特別行政區嘅居民，所以無權停留係我國領土內。我哋將會帶你哋離開，將你哋送返香港境內。」
 




台下人質七嘴八舌，熱烈的談論起來。
 
「總統大人！我有一個問題想問！」台下某青年說。
 
「請講。」
 
「有咩嘢方法可以申請移民過黎？」
 
「有關移民政策我哋仍然制訂緊，當政策決定之後就會透過傳媒發放。」
 




說實話，現在還未做好基本生活所需的建設以及必須的防衛設施，實在未能夠安排外來者加入。
 
「收皮啦你，香港就係比你班仆街搞衰晒！」台下一大叔叫罵著。
 
我輕托眼鏡，微笑的看著他。
 
司徒依風瞪著那位大叔，「我係洋紫荊共和國外交部部長司徒依風，針對於岩先位阿叔既發言，我想澄清返幾樣野。第一，呢度係洋紫荊共和國，唔係香港；第二，香港之所以會失去競爭力，全因為有你呢種盲撐政府既渣滓存在，一方面享受被政府揸乾你哋，一方面又埋怨政府，根本就係精神分裂病患者；第三，如果你再係度挑釁我國官員，我唔排除對你進行拘捕行動，我重申一次，你哋全部人都係非法入境者！！！」
 
在司徒依風一輪毫無間斷的言論下，所有人質都不敢再開腔發問。
 
「很好。」司徒依風說。
 
我說：「系統，安排機械人運送人質到碼頭，把人質一一帶到船上。」
 
『指令收到，執行指令。』熟悉的機械聲由牆上揚聲器傳出。




 
兩台兩米高機械人，很快就到達我所身處的房間中，人質們井然有序的排成一行，由機械人帶領他們前往碼頭。
 
「唔好咁勞氣，呢啲阿叔一個招牌跌落黎起馬死十個。」我說。
 
司徒依風搖頭苦笑，「我唔勞氣，只係登佢哋可憐，或者全世界就只有佢哋係會以奴隸既身份站係暴政者既角度黎諗野。」
 
我輕嘆口氣，「無錯，好無奈佢哋已經慣左做一隻食用豬，你呢家去話比佢地聽『你留係度會比人食嫁』，佢地只會鬧你，話你唔知足，人地比埋豬餿你食，比埋豬棚你訓，要食你都好應份。」
 
司徒依風無奈一笑，「要令到市民唔敢甚至唔會出黎為自己嘅權益抗爭，最好嘅方法果然就係當佢地豬咁養，比足夠嘅生活水平佢地，但係又唔好比太多，等佢哋覺得自己有目標可以奮鬥，自自然然就會變成一堆唔識思考嘅奴隸，為國家、為政府、為既得利益者努力咁付出自己嘅血汗，去換取完全唔合理嘅報酬。」
 
我與司徒依風互望苦笑，往碼頭走去。
 
碼頭。
 




人質們已經登上了我為他們準備的船隻，而香港政府在我們的安排下已經做好了接收人質的準備。
 
我接駁到石鼓洲的革命系統中，透過內聯網(Local Area Network)連接到一台電腦，再以接駁在電腦上的一個光點投射裝置，把我的指令以光點形式投射到另一個光點接收裝置上，這個光點系統能夠使隔絕在互聯網(Wide Area Network)之外的革命系統超級電腦仍然能夠把指令傳送出去，原理是透過裝置投射出複雜的1與0訊號，再經過光點接收解碼器把訊號傳送至其中一台連接了互聯網的電腦內，這樣就可以做到只有輸出，沒有輸入的情況，把需要做的指令傳送開去。
 
「香港政府聽清楚，我哋將會如期將人質運送到去指定區域，請你哋準時安排人手接收人質。」
 
船隻依照我們的安排起航，我早就把船隻設入「白名單」中，它能夠輕易穿過力牆，穿過力牆後再行駛三分之一海里後，它就與香港政府的船隻會合，安照早前的安排在指定時間內完成人質轉移，派出的船隻也沒有受到阻撓，順利回到碼頭。
 
「系統，成個過程有冇威脅存在？」
 
『船隻上並未有其他生物或物件進入，以船隻為中心的二百米方圓內也感應不到特殊反應，判定這次行動沒有威脅存在。』
 
我鬆了口氣，完成了人質交還，才是我們最忙碌的時間，我們要在短時間內完成石鼓洲內的重建，建設出住宅、商業、農地等等日常所需，更要準備軍事設備，以及外交問題等等，光是想想也讓我頭大如斗。
 
「一於搞掂食物同埋食水先，好在呢個島有儲水庫，不過到左旱季就未必應付到……即係要起一個簡單既海水化淡系統，而農地方面就係南面個面開墾，再加上有機械人幫手捉魚，短期內完全無問題。」




 
其實早在佔領石彭洲前，我們早已有了一系統的計劃，計劃包括到日後發展，長遠來說我們一定要從外國輸入糧食，不過這些都是後話，當務之急是要盡快完善生活必須，否則戰爭還沒開始，我們就先餓死渴死了。
 
香港，某戶人家中。
 
這個家庭一家四口，正在邊吃飯邊看電視。
 
「特別新聞報導，係石鼓洲既香港市民已於今日下午三時由水警保護下到達長洲，係五十位市民入面有三位市民因為情緒激動而要入院治療……」
 
「屌，班仆街都痴撚線，好在無搞出人命遮。」父親說。
 
兒子不屑的道：「點痴線法啊又？」
 
父親無明火起，「你個仆街仔唔好同我講你要去個島度啊？十幾年前啊，你個仆街阿哥就係去個乜鬼佔領中環，搞到比人拉左，留埋案底又返唔到大陸，仲同我脫離左父子關係，你個死仔包係唔係想好似你阿哥咁啊？」
 




兒子低頭說：「唔係佔領中環，係雨傘革命。」
 
「我理尻得你乜春雨傘定佔中，總之你敢去搞搞震我就唔差在唔認你呢個仔！」
 
兒子心中暗想：「阿哥，你呢家係邊啊？我好討厭呢個家，好討厭呢個香港啊……」