當殺人變成習慣: 第二十二節

我們坐在大廳的位置，很快我們便可以解開自己被困在這個監獄之謎，還有是什麼原因要我們完成這些荒謬的任務。
 
「你可以講啦，究竟係咩原因我要完成呢啲咁荒謬既任務先至走得；我係犯左咩法而要被你地拘留；我之前殺人既時候，你話呢個監獄係冇法律可言，咁究竟呢度係咩鬼地方；我同敏晴係咪一定要完成任務，贏到二千萬先走得，仲有冇其他方法？」我說。
 
「我都想知點解我俾人困住，我又冇做過咩犯法既事，仲有你地成日話我係‘支’，蘇樂係‘兵’，究竟係代表啲咩？」敏晴也搶著問。
 
馬尾男把我的平板電腦拿起說：「唔好咁緊張啦你地，不如我地叫野食先，好嗎？」
 
「你唔好轉話題分散我地既注意力，我希望你而家就回答我既提問。」我說。
 


「本來我都想全部回答晒你既提問，不過我而家都係決定改變初衷，我今日只係會回答你地總共三個問題。」馬尾男說。
 
「你呃我？你之前唔係咁講架！」我激動得用手捉著馬尾男的衣領。
 
馬尾男迅速的推開我的雙手，並連番的給了我「幾巴掌」，我被這突如其來的攻擊而被打倒在地上。
 
「我一早同你講左，嚮呢度就會我話晒事，唔係你地想點就點！你唔好激嬲我，唔係我即刻殺左你地兩個都仲得！你要記住同我講野要客氣啲！你係兵黎架咋！」馬尾男大聲的呼喝著說。
 
敏晴馬上走過來扶起我，並向著馬尾男說：「知啦！我地唔會再有下次！」，敏晴接著扶我往梳化的位置坐下。
 


馬尾男坐下，整理一下自己的衣服後說：「好啦，你地可以問三個問題，答完我就會走，直至下一個任務開始我地先會再見面。」
 
只可以發問三個問題，這個機會一定要好好把握，我整理一下自己的思緒，想著什麼才是整件事情的核心，我可不想白白的浪費了這個機會。
 
「第一個問題，我想問我地係咪一定要完成任務，加埋有二千萬先可以走到？仲有冇其他方法？如果要錢既，我可以叫我屋企人攞錢過黎俾你地。」我說。
 
「哈哈哈哈，蘇樂，你咁樣即係問左兩條問題，唔好以為我唔知，不過咁啦，我之前又打左你幾巴掌，今次我只係當你問左一個問題，你地想離開呢度就只有一個方法，就係要完成任務去贏取獎金會為自己贖身，以一個人計，贏左一千萬就走得，不過有啲人會選擇唔走留喺到，再贏多啲錢先走，下一個問題。」
 
「第二個問題，我同敏晴究竟犯左咩事而要被你地困住嚮到？我地只係一個普通既香港人，我地冇犯法！」
 


也許是問到整件事情的核心，馬尾男也沈思起來。
 
「唔………你地事實上係冇犯事，不過……係有一啲原因令到我地要困住你地兩個，下一條問題。」
 
「咁即係點？我唔太明你個答案點解，我想要詳細啲既答案！」我說。
 
馬尾男用一個凌厲的眼神看著我說：「下一條問題！」
 
我被馬尾男的氣勢壓倒，說實話，我們而在的命運掌握在馬尾男的手裡，我根本不敢再向他有任何的冒犯。
 
「第三條問題，我估呢度唔係監獄，而你都唔係公安，咁我地而家究竟身處邊度？」
 
「冇錯，呢度唔係監獄，而我都唔係公安，你地身處嚮一個非常之安全既地方，放心！好似我之前所講，呢度殺人係唔會犯法架，哈哈哈哈！」馬尾男說完便轉身走去大門的位置。
 
「我仲有一個請求！我可唔可以聯絡我屋企人？」我說。


 
馬尾男一聲冷笑後說：「好好享受呢七日，下一個任務等緊你！」
 
說完後，馬尾男便轉身離開。