有咩恐怖得過同自己玩MSN？: 第十九節 - 夜襲

上回講到第二場比賽打完，好簡單就贏左一場，不過因為入夜，同埋要修理返個比賽場地，暫時休息。


冥通：「喂，你地唔洗預地方比我訓，我出去食枝煙仔再行下夜市。」

我：「最少依家得返一張床，因為星仔係訓緊私人病房，阿風你一定要好好訓返教，因為你打完第一次比賽都唔少野。」

玥風：「你唔講我都會爭個床位訓，因為真係好攰，我刷個牙就訓。話說有可能下一個出場既會係你，有咩對策？」






老實講，以我咁既戰鬥力，對住邊個贏面都唔大，唯一希望就係第四場抽中我，用個奇怪既比賽黎分勝負。


我：「我實力真係廢開就廢開，我又無左果個波，都變唔到身，咪望第四場抽中我，然後我決定用21點黎分勝負囉。」

玥風：「下，咁兒戲？但你運氣都唔係好好，咁同包剪揼差唔多咋啵......」

我：「我明既，我出去行陣先，順便睇下星仔，晚安。」






依家諗返起，成件事真係好突然，自己一時既好奇竟然令自己招惹重重殺機，唔知我會唔會又做左失蹤人口呢？上次去未來果轉都話快，依家呢轉都唔知點計。

呢個無啦啦有個人係後面拍我膊頭，原來係雷切爾。


雷切爾：「一定有心事啦，點都好，星夜佢情況有好轉，去睇下啦。」

我：「嗯，正有此意。」

-------------------------------------------------------------------------------------------------------





另一方面，冥通偷偷地上酒店天台靜靜地食枝煙，但突然收到一個電話。

冥通：「乜料，點解呢個世界都會收到電話，不過又無來電顯示先好野。喂，喂，喂！邊位呀？」

鬼邪：「係我。〝影纏〞！」

鬼邪原來早已潛伏在黑影之中，一直等待時機行動。

冥通：「乜你唔係元氣大傷架咩？仲有你輸左又關我乜事呀！」

鬼邪：「其實我同你一樣都係殺手，我收左錢要係你殺我委託人之前解決你，岩岩場比賽我都係用左我半成力。」

冥通心想：可惡，早知行上山先沉思，依家我都唔知點樣召喚骨獸黎幫拖，咦，唔係喎，我把巨劍都跟身，就搏下啦。





冥通：「不過岩岩你都應該未回好氣啦，劍靈召喚！〝星魂斬〞！」

鬼邪：「哼，估唔到你可以令把巨劍自己郁，但咁既攻擊對我又有咩用？」

冥通用盡全身氣力提起左手，並且大喝一聲：「返！」，剛才斬成的星形陣放出一道閃光，而巨劍已經回到冥通手中。

鬼邪：「可惡......既然係咁，我就出盡全力解決你！」

冥通鬆纏過後再點過枝煙，吸一淡再攞返起自己趺左既手機講：「無用架，你已經死左。」

鬼邪左擰右擰：「點解到我郁唔到架？！」　

冥通：「第一，我唔係新仔，第二，我唔係盲既，睇完第一同第二場比賽，我緊係學到少少野。你應該估到我會想點架嘛？」

鬼邪：「唔係掛？斬我果陣都可以係我果少少傷口放到炸彈？！」





冥通又舉起左手，大喝：「〝符文引爆〞！」

面對經驗老到的冥通，相信是殺手也會不敵，更何況自身戰力本來就已經被削了一半。

冥通沒有放鬆，馬上握緊劍柄，聚精會神，趕緊把四散的鬼邪吸進劍內，令巨劍的靈氣強了不少，接著當然繼續若無其事看星星。

-------------------------------------------------------------------------------------------------------

另一邊廂，當然是私人病房的情況。

我：「估唔到你又復原得咁快喎。」

星仔：「可能係因為星光既力量啦，始終呢個位係對住夜景。」





雷切爾：「呢間酒店既設施同位置真係唔可以睇少，總之放心啦，你地一個仙都唔洗比。」

我心想：痴線，你叫我比一晚既錢真係唔知點樣死出黎比你啦。

星仔：「我諗休息多陣聽朝都可以坐返係戰場邊觀戰，大家都係早少少休息準備啦。」


我當然食個宵夜先再返房訓啦，不過雷切爾又話有啲野做，但都唔關我事架啦，諗下聽日點作戰仲好。


待續。