[男籃]一球穿Jump: 第廿三回 – 完場

呢個時候，元山既Ivan都出番埸，剩低呢2分鐘，唔係你死，就係我地亡﹗
 
講真，大家既體力都用得7788，呢2分鐘相信都係靠意志頂住，咩戰術呀，差波呀，只可以睇臨場發揮。
 
而我，只更甚。基本上我連跑都成問題，加上頭痛欲裂，好似下一秒就會暈低咁。但我唔可以放棄，我同犀牛同高佬既夢想，見到佢地都氣喘如牛，就知大家為左呢個信念，都豁左出去。再者，李SIR已經係最後一次帶我地隊波，如果輸左，就真係最後一次，所以一定一定要羸，跟得李SIR多一場就係一場。最後，我望到MACY，佢默默咁支持我，為我擔心，我想將場勝利送俾佢。由一開始借佢過橋到我地真係係埋一齊，我都係對佢唔住，亦冇真真正正送過D咩比佢，我冇錢，又唔叻，剩係打得幾球好波，呢場勝利係我唯一可以送俾佢既野。
 
就係呢個時候，眼前萬物好似停哂落黎咁，身邊既人全部慢動作咁樣走過，聲音消失了。「停頓時空」再次出現﹗
 
我唔知道今次「停頓時空」會唔會再出現，所以一定要把握呢次機會，一擊KO元山。而最直接既方法，就係令到Ivan foul out。呢個時候Ivan仲有一犯，只要埋到佢身，「停頓時空」既作用我要博佢foul應該唔難。
 




我示意控緊波既高佬俾個波，但可能我仲係三分線，高佬冇即刻俾我。錯有錯著，Ivan見到我要波，行左出黎準備mark我。高佬慢動作帶左個波埋我身，估到佢係想用pick and roll入去上籃。其實呢個不失為一個好辦法，因為Ivan都出左黎，籃底應該有D機。
 
可惜我而家進入左「停頓時空」既狀態，我既機會就會比入緊去既高佬大。眼見佬係我身旁走過，我冇笠番個波俾佢，而係轉去反方向，直接埋Ivan身。突然間，我個頭劇痛，「停頓時空」既作用亦好似慢慢流逝。
 
「唔得，一定要頂住。」我強忍痛楚，挨住Ivan 身上籃，當佢起跳打算封我時，我感覺到佢都有D避忌，冇直接入我上籃既線道。道高一呎魔高一丈，加上我既目的就係要佢foul out，我做左一個up and under，隻手由下而上係佢手底上籃放波。
 
Ivan隻手縮都縮唔到，「咇咇」。球證哨子聲響起，Ivan既比賽已經完結。個頭好痛，眼前既影像開始分散，好攰，成個人真係好攰，好想訓一覺好。
 
====醫院====
 




「駿。。。你快D醒呀，唔好再嚇我喇。。。鳴鳴。。」
 
一把熟悉既聲音係我旁邊飲泣。
 
「MACY﹖」係MACY坐左係床邊。「MACY，你做咩喊呀。。。呢度係邊度呀﹖」(好老套既對白，但我真係唔知自己入左廠囉sor9y)
 
「駿，你醒喇﹗」MACY一野攬左過黎。「得喇得喇，我呼吸唔到呀MACY，MACY，放手先講，放手先講。」
 
「呢求係醫院﹖」我問MACY。「嗯。」「我做咩會入左黎既﹖」我繼續追問。「你唔記得左呀阿駿﹖」「冇咩印象。。。呀。頭先我地距對緊元山既，做咩無啦啦我會入左黎醫院﹖」
 




MACY拖住我隻手「你仲好講，你真係嚇死我地呀。你上籃博到Ivan犯規後，做成個人軟左咁，訓左係地。我地拍極你都唔醒呀，李SIR咪即刻CALL白車囉。」「你前前後後訓左成半個鐘呀﹗﹗你知唔知。。。嗚嗚。。人地幾擔心你。」
 
「SORRY呀 MACY，我都唔想你擔心架。。。係呢，場波點呀﹖我地最後羸唔羸到元山﹖出唔出到線呀﹖」面對我一連串既問題，MACY都唔知點答。「我唔知喎，頭先你暈左之後，我同李SIR講我跟白車同你去醫院，攪左好耐，我走個陣場波都未開始。。。呀不過佢地話一陣一完場就會黎睇你呀。」「佢地﹖」
 
「你D好隊友呀！」MACY說。