[男籃]一球穿Jump: 第廿四回 – 反勝

「喂阿駿﹗」係犀牛把聲。佢地一班人已經打完比賽黎左醫院探我。「你覺得點呀﹖」「頭先嚇撚死我地呀。」「醫生有冇講咩呀﹖」「係咪打得飛機多腎有事呀你﹖」佢地你一言我一語咁，真係有D煩。
 
「唔好嘈住﹗」我叫道。「場波點﹖」大家即刻唔出聲，一片死寂。我見到大家死老豆咁既樣，佢地唔講都知場波兇多吉少。咁辛苦打到去最後一場，而家咩都冇喇，下一年大家唔可以一齊打波喇，而李SIR帶既最後一場波我都打唔哂喇，呢一刻，我覺得好遺憾。
 
「阿駿﹗」係李SIR，佢呢個時候都黎埋。「你點呀﹖醫生點講呀﹖」李SIR問。係喎，究竟我咩事會暈左，係咪同「停頓時空」既出現有關，到呢一刻都未有人話我知。我問MACY「係喎，醫生有冇話點解我會暈到既﹖」「你入左醫院之後，醫生同你候左一D基本檢查，發覺冇咩異樣，所以話等你醒番之後再同你做D詳細檢查喎。」「咁神奇。。。」
 
我轉身望住李SIR「Sorry呀李SIR，最後都係幫唔到你羸元山。」李SIR「下﹖咩話話﹖你班兄弟冇話你知咩﹖」我同李SIR都一齊望住班友仔。
 
阿傑「唔係呀李SIR，我地費事呀駿太興奮影響病情呀，你知啦，病人要好好休息架麻。」咁即係話。。。即係話我地羸左元山﹖「我地羸左元山﹖」大家一齊點點頭。「YEAH﹗」我大嗌，攪到成個病房既人都聽到，即係話我地以首名出線，同埋李SIR可以帶多我地打起碼一場波啦。太好了。。。呢一刻。
 




李SIR「你送左去醫院之後，大家除左為我(笑)想打好D場波之外，都想打埋你個份。我見佢地個個都走多幾步，完全唔覺得攰咁。最後一球，高佬偷到元山個波，打左個快攻俾阿傑上籃，就係靠呢球我地反先元山一分58:57，最後亦都係以呢個比數贏左。」
 
阿傑「我地贏左都冇慶祝，個個衝番入更衣室沖涼就過黎睇你喇，算係咁呢係下話。」「多謝你地，多謝你地幫我羸左場比賽，我好番之後一齊羸埋落去﹗」「好﹗﹗﹗」
 
護士A「好喇，病人醒左要去做檢查喇，麻煩你地讓一讓開啦。」「駿，咁我地走先喇，聽日再黎睇你啦下。」「好啦，聽日見。」「BYE BYE。」
 
過左一陣，醫生入左黎病房，「沈子駿，覺得點呀而家﹖」「冇咩野呀，頭先打波時D頭痛都冇左咁。」「唔，我幫你安排左一D檢查，包括MRI同腦掃瞄咁，都係為左安全起見者。除左頭痛，仲有冇覺得邊度唔舒服﹖」我將「停頓時空」時既感覺講左俾醫生聽，佢聽完抄低左，就話「唔，呢種感覺之前我都未聽過，一係咁，我地同你做左D檢查先，攞多D數據再研究下到底個一種係咩反應。」「。。。唔該醫生。」
 
醫生走左之後，我捉實MACY隻手，「辛苦你喇傻豬，我而家冇事喇，你都返去休息下啦。」MACY「唔，咁你都好好休息下喇，我聽日再黎睇你，順便買D野黎俾你食。」「乖。」我錫左MACY額頭一下，便目送佢離開。
 




接著黎呢幾日，醫生周我做左大大小小十幾個化驗，又抽升，又去做掃瞄咁。我心諗都唔錯，咁平價錢可以做左全身檢查，睇黎往後十年都唔使做。做完哂D檢查後，醫生見我身體呢幾日都冇咩異樣，就放左我出院，兩個星期後再返寺睇報告。
 
我既生活，亦回復正常。