《曾經懵懂的日子》（真人真事）: 中秋節的完結

-------------------
中秋節的完結

該發生的還是會發生的
最主要的心理變化出現了

一路錫，我腦海係度諗：點算，呢個時候去邊度解決好。第一次我希望係床上，唔好係草堆打野戰呀。凌晨5點幾好多公公婆婆晨運。慈雲山又無酒店。

我地錫完，小江就拉我起身。
靠單手插袋來避免巨龍的漲起被發現。


起身行準備走了，其他的女同學都一齊走。
某女同學：有冇扯旗呀？哈哈哈哈哈。
(下，單手插袋都被你見到 )(pk, 咁多女仔係度，打死都唔好認呀。踢下就扯行，陣間番學校被人唱你 易扯張/性奮張 呀，你知d女仔把口幾疏。）
(冇錯，我當時就係咁純咁膠，care埋d無謂野）
如果係小江問我，我諗我會細細聲去佢耳邊咬耳仔：係，大獲，你話點算好。
小江望向巨龍微笑左下，再羞答答地望一望我   
我：er.. 冇..冇呀。你..見到有..咩。
小江繼續微笑
其他同學開始離開。由於足球場同小江屋企好近，3分鐘路程左右。



就係呢3分鐘，我腦海出現好多野，點算，點算，點算。慈雲山無酒店，個個時間又唔適合野戰。我屋企又成埋人，3間房，妹一間，老豆同弟弟一間，我同老母一間訓碌架床。好，一於請老母去同我妹訓，話知你知我拍拖搞野呀。
呀，頂，Hi Hi都唔通喎，老母早兩年將我間房木門拆左，空門對廳  老母點解你咁玩我。仲有我間房另一道門連住老豆房。道爛鬼木門邊擋到聲呀，弟弟仲讀緊幼兒園，萬一被仲讀緊小學的他聽到對佢成長唔係幾好
咁唔通上小江屋企？唔得，好似食人地個女，仲光明正大咁貼埋床？唔得，過唔到自己。
好。我同巨龍講：一世人兩兄弟。有今生無來世。
你再忍忍。我同你番去從長計議，點樣令屋企無哂人。到時巨龍你獸性盡現都無問題，無人左手左腳，無人大殺風景。
巨龍：暗戀你個Hi Hi。呢個時候叫我收包皮。你好野，鬼叫你係大佬，我就俾d時間你，你同我拆掂佢呀。Hi Hi大佬 

我：小江，我送到你呢到啦。洗唔洗送埋你上去。
小江：嗯..唔洗啦，自己上去得。（口不對心？um..唉，唔知呀，唔諗住。拆掂屋企個彈先）



番到屋企老母：去邊呀
我：冇呀，眼訓，訓先。
由於我平時星期6日慣左訓12粒鍾。（你係豬？冇錯平時星期1-5 11/12點訓，7點幾起身，訓7-8個鍾，星期6日有得補我習慣補。
女人唔補好易老。男人唔補好易無。
訓訓訓，訓死你呀。無錯，訓死左，起身，哇夜晚6點。浪費左一日。屋企全家齊人，要夜晚逼佢地出去無可能。
星期日到。點算好呢。細我10年的幼稚園弟弟，有啦，貼我自己零用錢叫老母帶佢去玩，無7點咪同我番來。雖然7點可能都意猶未盡。
老母：唔得呀，我番大陸有事做呀。 
咁老豆你放唔放假？
老豆：無呀。番工。夜晚8點先番唔洗搵食咩。
我：無同事掉更？咁耐無俾細佬去公園玩。
老豆：你帶佢去咪得囉。
我：er..你知我唔鍾意帶佢出去，咁百厭又唔聽話。不如呀妹你聽日帶下佢去玩呀。
呀妹：點解係我，唔帶呀。我約左同學去玩啦。

呀。天呀。點解你咁玩我。老豆老母細妹都唔係度，偏偏你留個細我十年的幼稚園細佬俾我？你係咪玩勁我  


唔通叫我咁忍心關佢係房，自己同小江搞野呀。屋企d木門隔唔到聲，開歌大聲d都聽到。 
同埋虐兒罪呀，更係唔得啦，一陣爬窗點算呀。 

唯有寄望星期一，點知，星期一，老豆番工，老母仲係大陸，細妹留校活動。