《曾經懵懂的日子》（真人真事）: 星期一的到來

前面有更正，2006年中秋節係10月6日先正確。
-----------------
星期一的到來

如常番學，小息到，又可以抖下。個時唔知咩事，俾人掉左去課堂最左邊窗口個行第三個位，好似係因為我曾經開學無耐講過話唔想太後，坐前d我可以睇清楚d黑板。因為我200度近視，所以係戴眼鏡。
突然小江行出課室門口，隔離c班個高佬黃行過來（都係高唔過我，樣？好彩我好過佢。）
小江突然去攬住高佬黃。

對於高佬黃，我中2 係學校籃球場打波識佢。第一眼見佢講野下下有骨已經無好感，打埋波後，俾我感覺係無球品。我有個friend 同佢一樣鍾意吹到自己好勁，但用行動證明俾你睇講得出做得到。高佬黃齊up, 9upper, 無用行動證明。咁唔該你Stop la啦。
就連中7有次反佢枱後，同佢1 on 1, 1 on 1 實係打7分啦，打打下，佢6我4, 佢控球，射失，控球權落我度。個時我地係打in左繼續控球權。in 3球姐，一於認真爆你底，我鍾意打逆境波，何況輸少少姐。唔難追。


當時得兩個旁觀者，兩個都係佢個派，其中一個高瘦柴話唔好1 on 1啦一齊打啦，過來拿我波走。（Auntie，波落我手到我追，你搞事。）算，反正又唔係輸。
多人hea打後，打鍾，上體育堂，入更衣室換衫。
入到去，換完出去，呀sir未到，番入更衣室洗臉。隔住道牆聽到高瘦柴同高佬黃係度講我壞話。Auntie話同我和好你依加講我壞話，話自己剛剛1 on 1 贏左我？你未向左走向右走夠7分，點叫贏呀？仲唱埋俾所有同班同隔離班知。偽君子 
呢個偽君子咁小氣，當然無咁易放過我啦。佢竟然走去向個特別錫我的中史miss面前講我壞話。
哇，你真係唔係男人來，成個講是講非的女人咁。

講番我見到小江攬高佬黃。
我個心其實唔好受。
因為我份人重視輸贏，認為人生就好似一局國際象棋咁。有各場大大小小的戰役，攻守。而我今次就好似被人食左queen一樣，輸大仗。唔甘心。但後來發現其實無被人食queen, 係我自己將queen 推出左我的人生棋局。



我心難受，但我好識收埋自己感受。無將感受放上面。我見小江老死米子望住我，我擺出一副"無表情"
小江都攬住高佬黃望向我，心如刀割。
我心諗，我輸咩，應該係輸錢，聽聞高佬黃屋企小康之家，有間舖頭仔。
到底個weekend 發生左咩事？兩日點解有如此巨變。
我輸身家。我輸身家。我輸身家呀。
都係個刻我發現自己好失敗，英文唔得，讀書唔得，出來做野點養自己養屋企養小江？
我要將連"of"係點用都唔識的英文文盲改變下。（雖然出來做野後識少少英文都唔一定搵到錢 ）
見完呢個場面，我想自己靜下。同時又諗，佢會唔會只係想激下我？

打鍾，體育堂。我拎住陣間要交俾visual art miss 的相碼相機落去換衫先。到操場後，小江再一次係我面前靚高佬黃 我呆左，傷口被倒鹽水般。


刺痛。
我心諗，我又唔係死纏難打型。我唔會好似當日袁小田咁。死纏難打。你想飛我直接同我講。唔洗咁落我面法呀。知唔知有d男人唔激得？ 

而我就咁親手將queen 放棄了。