65. 食屍鬼貴族
 
上水大宅,地牢。
 
我把老人家困在監倉內,只要不是女的,我就不想把他吊在十字架電鎖上,這是我的原則。
 
我還帶了頌恩和Mandy來一起審問老人家。
 
「你係食屍鬼?」我問道。
 




老人家在監倉內瑟縮在一角,沒有理會我的問題。
 
「你係唔係Abby爸爸?」
 
老人家身體一震,慢慢回頭看著我。
 
他有聲無氣的問:「你……你識Abby?」
 
「無錯。」
 




他咬著牙,用力的撞過來,不過他忘掉了正身處在監倉中,撞上了堅硬的鐵柱。
 
「你如果敢對佢出手,我一定會殺咗你!」他雙眼布滿紅筋。
 
「點解你咁激動?」
 
他深呼吸了一口,「佢係我個女,我唔可以比佢有事。」
 
「不過你已經係階下囚,就算我要點做,你又奈我咩嘢何?」我嘴角上揚。
 




「你……!」他氣急敗壞的說。
 
我微笑道:「我?我做乜?」
 
「哼!」
 
他哼了一聲,再次背向著我,坐在角落。
 
「我睇下你可以有幾口硬……Mandy、頌恩,幫我守住門口。」
 
Mandy和頌恩齊聲道:「知道。」
 
我拿著朗基努斯槍尖走進監倉。
 
「雖然大多數傳說生物都有好強嘅復原能力,但係只要比我呢枝槍尖刺過,傷口就唔可以復原,就算你係食屍鬼都會流血不止而死。」




 
說罷,我用槍尖刺破他的肩膀。
 
「啊!!」他痛得尖叫。
 
鮮血不停自傷口湧出,他用手蓋著肩膀。
 
原來死屍鬼的血液也是鮮血色的。
 
「點?你肯答我問題未?」
 
「吐!」他往我吐口水。
 
我敏捷的往身旁一閃,躲開了口水,同時用槍尖刺去他另一邊肩膀,再刺出一個血洞。
 




老人家兩邊肩膀都被我刺出一個血洞,被迫交叉雙手按著傷口。鮮血不停從傷口滲出,把他的兩袖染得鮮紅。
 
「我就看看你的血可以流多久。」我敲打著槍尖說。
 
老人家嘴角上揚,「就算我死,我都唔會比任何情報你。」
 
「哦……」
 
「頌恩,幫我捉Abby返黎。」
 
頌恩點頭,轉身往樓梯走去。
 
老人家滿頭青筋,咬牙怒道:「停手!!你想做乜啊!!」
 
我兩指輕撫下巴,「想做乜?當然係嚴刑迫供啦,你唔會以為請佢返黎飲茶啊?」




 
老人家放下雙手,任由鮮血流出,「好……你哋想知乜我都講,但係你哋唔可以傷害佢……」
 
我滿意的點頭,「一早肯合作未幾好,咁未唔駛受咁多皮肉之苦。頌恩可以返黎!」
 
我用指甲在手腕劃開了一個小傷口,鮮血從傷口流出,在血液接觸到空氣的同時就化作血霧,往老人家肩膀飛去。血霧在老人家雙肩傷口上依附,並化作血甲,暫時為他止血。
 
這是血霧化和血甲的混合使用方法之一。
 
Mandy走到我身旁,瞪著老人家問道:「你係第幾代食屍鬼?」
 
「第三代……」
 
頌恩疑惑的問道:「第三代?你身體上氣息明明只係第四代。」
 




老人家苦笑搖頭,「因為我比人硬生生打落一個階級,而且實力永遠唔可以恢復。」
 
我雙眼發亮,到底是用甚麼方法可以做到這個效果?
 
Mandy奸笑道:「打落一階?你唔係當我哋乜都唔知啊……」
 
老人家炯炯有神的看著Mandy,「無錯……就係發生咗你所諗嘅事。」
 
Mandy和頌恩二人身體微微一震,皆望向我。
 
「咩嘢事?」我微微側頭問道。
 
頌恩輕吸一口氣,「係王,佢係比食屍鬼嘅王打落一階。」
 
「王……?」
 
Mandy站前一步,「等我話比主人聽……」
 
傳說中每一種傳說生物誕生(不包括變異物種),都會先生出一位王,當王誕生後,他能夠轉化出十位純種第一代,組織成自己的家族,也就是傳說生物貴族。貴族會努力轉化人類,壯大自己的族群,傳說生物勢力就此誕生。
 
王者,在每一個時代皆只會有一位,當王壽命終結,下一任的王就會自動補上王位。每一位傳說生物,都有可能成為自己種族的下一任王,不管他的血脈有多薄弱。任何人成為了王位的候選人,都會在王死後快速成長,成為新一任王,統領整個族群。
 
成為該種族的王,能夠控制該種族內的所有成員,該控制包括行使「王的烙印」。所謂的王的烙利,就是能夠在族人身上刻上「王的烙印」,被刻上王的烙印後,該人實力將會被打落一層(失去50%血脈之力),而且實力將永世不能寸進。
 
我搔頭問道:「即係佢係比王用咗『王的烙印』?」
 
Mandy點頭。
 
「哦……咁又點?」我皺眉道。
 
頌恩氣得吐出舌頭,「咁即係呢個阿伯一係同食屍鬼嘅王有牙齒印,但係王又唔捨得殺死佢,所以先會對佢用王的烙印;一係王就好想佢死,但係又唔可以親手殺死佢。」
 
我皺眉續問:「所以?」
 
「所以!!!!一係佢對王黎講好重要,甚至有可能重要到會因為我哋捉咗佢返黎而搞到食屍鬼嘅王黎追殺我哋,又或者佢係王候選人嘅監護人,所以王唔可以殺佢!」
 
只有一個情況王不可以殺想殺的族人,那就是該族人是候選人的「監護人」。到底如何成為監護人?沒有人知道,只是每一位候選人的出現,都會有一位族人成為監護人,並負責保護候選人的安全。
 
「咁我唔明啦,點解王要對付監護人?」我問道。
 
老人家閉上眼,「等我話比你哋聽,關於食屍鬼嘅故事……」
 
食屍鬼,一個很特別的傳說生物種族,其他的傳說生物為了爭奪土地,大都會不斷去感染人類,直至到光明組織受不了他們的規模才會著手,然而,食屍鬼卻因為天生喜歡食人類,沒有花太多精力去壯大族群,令到食屍鬼的勢力比起第二線甚至第三線傳說生物家族還要弱得多。
 
食屍鬼王的壽命亦快將走到盡頭,候選人亦都已經出現,不過,那位候選人卻不是食屍鬼的族人。在傳說生物的歷史中,亦有過這樣的案例,這個情況下的候選人被稱為「滅絕者」,原因是在非族人的候選人成為王之後,都會把整個族群完全滅絕,再重新創造新的族群。
 
沒有人知道「滅絕者」為何會有這個滅族的行為,然而歷史中有記載的「滅絕者」並不多,只不過有寥寥數位。