你被app選中了嗎？: 第1章 怪事發生

你被app選中了嗎？
第1章
     “今日係dse文憑試中文科教試，請把手機關掉，取出電池，放在座椅下當眼處…”

   “超，聽到厭啦。”天矢依言照做，把手機放係座椅下，細聲講道。

    文憑試對天矢來黎講只是一件無聊的事。佢根本唔係讀書既料。可以講是黎陪跑既。天矢睇了睇四圍認真緊張既考生。又瞄了瞄後面的考生。佢後面係一個四眼仔。一睇就知道讀書讀上腦個啲人。

   四眼仔見我望佢，佢閃閃縮縮地望了我一眼。天矢扭了扭背，豎起手指指了指自己背上的字：u will be fail!   意思好明顯啦。





    “依家是7點30分。請各考生開始作答。”miss宣佈完之後，翻開考試答題紙的聲音刷刷刷地響起。

   人生的轉折點要開始了嗎？天矢打了個哈欠，想道。

   過了十五分鐘…天矢已經停咗筆。可以答既，佢已經答曬。剩低既就真係得個睇字。訓教嗎？翻去實畀老媽子插死。

   此時，音樂響起了：

   “來忘掉錯對，誰懷念過去…”





   “你啊媽找你，你啊爸找你，你…”

   “鈴…鈴…鈴…”

   考試場上，為數唔少既手機響起。眾考生們都抬起頭來四處張望。因為這奇景唔係成日都有架。Miss同阿sir都皺曬眉頭，巡緊既miss行過去手機響既考生個度，一個肥姐外型既miss不悅地敲了敲考生張檯，道：“熄左手機佢，你知唔知咁樣會扣分架。”

   “我…我手機熄咗架啦。”那考生一面難色。

   “熄咗？熄左又會響？攞出來。”肥姐喝令道。





    當黑考生乖乖地彎下腰攞起手機，手機畫面果然是著既。當黑考生真是百嘴莫辨。正當佢疑惑嗰時，佢一邊解釋一邊翻轉手機道：“我明明攞左舊電池出來架。”

   “咦！無電池！！”當黑考生道。

    此時既天矢同樣是吃驚，佢攞起佢不停播越難越愛既手機，發現到同樣的問題。

   點解會咁既！天矢翻轉睇熒幕。熒幕上顯示既野好似一部老虎機。上面仲有一個手指向下撥既動作。打慣機既人一定識。

   出於好奇，天矢用手指往下一撥。果然，老虎機開始翻轉啦。

    ..........

  天矢一邊等著結果，一邊留意住四周的情況。唔想畀阿sir發現。不過，佢都係白擔心啦，因為阿sir同miss都畀呢個怪異既現象嚇親。

   終於…結果出來啦。





   一個app既icon顯現在天矢的眼前。

   “wtf, 金山電池醫生。車，有春用啊！仲以為有咩怪野發生添。”天矢大失所望，正當佢想移開視線個時，熒幕又變化了。

   金山電池醫生既icon移向左上角，一段文字出現係下面：
   金山電池醫生
   能力：電池，持有者能成為電池。

    “姐係點啊！”天矢呆了一呆，佢還未諗到發生咩事，手機就黑mon了。無再發出鈴聲。

    天矢無言地注視著黑mon, 對呢個狀況大惑不解。

   天矢開始四處張望，佢見到唔少考生都係同樣情況。更有d醒既都開始周圍睇。





   “咦！有靚女喎！”天矢睇到個戴黑色粗框眼鏡既靚女。一睇就知精明人黎。呢個靚女此時也留意到天矢。兩人對視了一陣。

   此時，慌亂既老師開始有對策。佢地宣佈道：“手機響既考生全部同我出黎。”

   “嘿，睬你都傻。你又捉我唔到。我先唔出！”天矢冷笑一聲。

    天矢唔出姐，有幾條傻仔乖乖咁出左去。大概是四男二女。比剛才響鈴的數目少好多。

   天矢打量咗佢地幾眼。大概認住咗佢地。見阿sir佢地同嗰四男二女傾咗陣。好快就放番佢地啦。

   中文考試繼續…繼續無聊…天矢很快就進入左夢鄉。

   直到…....

   “考試結束，請大家停筆…....”





   天矢終於訓醒，他伸了伸懶腰。等收咗卷之後就隨便執咗下野，開番手機，二話不說就向外走。畢竟，佢根本不在乎成績。

   行出左考試場不久，天矢就畀人叫住。而且是一把女聲。

    天矢轉身一睇，竟然是嗰個眼鏡靚女。睇黎佢係特登追出黎既。難道咁快就有艷遇。果真是考場失意，情場得意呢。

    點知靚女喘吁吁地show手機mon畀天矢睇，道：“你知唔知發生咩事啊！”