第2章
    “下?你要我睇乜啊!美圖秀秀?你想同我影相咩?”天矢見到手機mon上只顯示咗一個美圖秀秀既icon, 好笑地道。

    眼鏡靚女搖了搖頭,道:“梗係唔係啦。你有無仔細睇架。”眼鏡靚女在手機上撥了一撥,再show畀天矢睇。

   天矢皺著眉,定睛一看。佢終於發現咗不妥。

   “咦?點解有兩個美圖秀秀既。仲要有一個icon特別啲.係用黑色粗框圍住!!”天矢道。

   “唉,睇你既樣都係咩都唔知架啦。曬我時間!”見天矢既表情,眼鏡美女嘆咗口氣,轉身想走。



   難得一見靚女,天矢梗係唔想咁快拜拜啦。佢搭著靚女的膊頭,對靚女講:“哈哈哈,唔使咁快走住。雖然我唔知姐,但我都揀咗一個app. 你依家周圍找人問答案都應該差唔多。不如我地找間店坐低研究下啦。呢度北角,我哋去山腳既吉野家好無先。”

   眼鏡靚女諗咗陣,最後都係跟咗天矢落去。

   “黎黎黎…坐低先。食唔食野啊!唔食?咁我自己叫啦。”天矢毫不客氣地道。完全無理靚女既不耐煩。

    拿咗個照燒雞排飯過黎,天矢一屁股坐係靚女對面。佢一邊拆開五香粉一邊對靚女講:“我叫天矢啊!你叫乜名啊!”

   “我叫焉凝。你都可以叫我ally. ”Ally依然在苦思,道:“喂,講翻嗰個美圖秀秀。我記得手機顯示過美圖秀秀既能力。是改變身體構造。”



   “係啊,沒錯啊!美圖秀秀是化妝既極致僑裝啊嘛。”天矢大口大口地咬著雞排,理所當然地道。

   “......你諗野可唔可以唔好咁簡單啊。”Ally道。

   “可以幾複雜啊!?”天矢打趣道。

    “等等!唔使咁勞氣。”見ally想走,天矢馬上勸阻道。佢神情一肅,摸著下巴道:“我估佢既能力唔係咁簡單。可能可以影響到現實。我諗呢個可能係神之app!! ”天矢見ally一副咦,難道真係既想法,不由得佩服自己既老吹能力。

   “你係講美圖秀秀可以改變現實中人既身體構造。”Ally驚訝地道。



   “沒錯,有咗佢,你就可以化身成為柯南,收集咗七龍珠,成為海賊王。”天矢打趣地道。

   “啪!”Ally一招力劈華山打到天矢啊啊大叫。“正經啲得唔得!”Ally皺著眉道。

   “係…係…係…”嘗試過力劈華山的威力,天矢開始變乖了。

   “唔通真係?”現代人睇過咁多科幻片,信呢啲野一啲都唔出奇。

    天矢爬著飯,邊道:“你咪試下羅,又無死既。如果得咗你就發囉。無痛整容。嗱,到時你就找啲闊太,同佢哋整。哈,到時你分分鐘發過猪頭。”

     Ally雖然半信半疑,但是還係一副躍躍欲試的模樣。“找邊個呢?”Ally四處張望。

    “就找佢啦。你睇下佢,隻左眼都唔應該係嗰個位既。”天矢指住對面檯嗰件猪排道。



   “好!”Ally開始搞呢個目標人物。

   過咗一陣,Ally一面失望咁講:“唓,我搞咗咁耐,佢一啲變化都無。只係好似分屍咁拆佢啲手手腳腳落。有乜用姐。”

    此時,天矢食飽飯。佢講:“可能呢個只係新app, 美圖秀秀既更新版姐。無野既。”

   “但是,你唔覺得怪咩。我覺得件事無咁簡單既。手機無電無端端會響!”Ally仍存在疑心。

   “可能是嗰度有乜李氏力場or GT力場掛,電磁場集中形成電流啟動咗手機掛。我理科唔掂,亂吹。”天矢猜道。

   “嗯…可能你啱呢!”Ally諗咗諗,依然唔放棄咁講:“你既app呢!”

  天矢攞出手機,翻咗一翻。果然,金山電池醫院同樣被一個粗框圍住。

    “真係有喎!”天矢睇住個mon.



   Ally覺得不耐煩,佢一野搶咗天矢既手機,直接開個app. “開黎試下啦。”

   金山電池醫生開咗,進入咗介面。但等咗一陣,都係乜事都無發生。

   Ally一臉失望,相反,天矢卻無乜野。本來佢就唔care個結果。天矢志在識個靚女姐。

   最後,兩人係吉野家門口分開咗。天矢興高采烈地睇住手機通訊錄上Ally既電話號號。完全無在意側邊豐澤入面液晶電視上報道的一則新聞:

  各位,今日是中文文憑試考試。而這個考試開始不久,各個考場均出現咗一件怪事。考場上為數不少既考生手機在無電芯既情況下響起。我哋請教咗相關既教授黎解釋…...
                                         cctvb  XXX報導     
已有 0 人追稿