你被app選中了嗎？: 第8章 分歧
第8章 分歧
“點解當時能力會解除咗！”天矢怒睥住訓喺地上嘅VT,問。
“無計，我估唔到同時抹去三個人嘅存在，耗電量會倍增。發現嗰時已經太遲了。”VT一邊企翻起身一邊無辜地道。
“哼，無電？以你嘅智慧，你會無諗到呢一步！？”天矢冷笑咁質問。
“你啱啱連自己app有咩能力十中唔知？我未熟悉又有幾出奇啊！”VT嘲笑咁講。
“你哋相信佢嘅鬼話！”天矢望住大家，問道。只是大家都係一副焦慮，手束無措的模樣。失去了應有的判斷力。所有考生都係試場，試場上能睇到曬自己陣地以及探索者的情況。佢哋親眼目睹咗人死喺自己眼前。又點會冷靜分析呢。只能捉住VT呢條救命草。
“算啦，天矢，你都平安翻黎啦。而家最緊要是點樣對付啲怪物啊！"阿飛勸道。
“唔可以就咁算！VT呢種人我絕對唔會相信佢。佢可以毫不猶豫地放棄我和Denzel. 亦都可以犧牲你地。我絕對不會把生命托付畀呢啲人！”天矢對所有人講。
“好簡單姐，我就最民主啦。想跟我嘅，就企係我呢邊。想跟天矢嘅就跟佢走。不過，你哋要認清一個事實。跟住佢，你哋實死路一條。以我嘅推算…哼哼，不出十秒便一頭落地。”VT嘲笑咁講。
VT和天矢對峙著，大家望著兩人，開始有些猶豫。
呢個時候，嗰啲miss啊，校工啊。終於覺得唔對路，開始向校外逃走。校工未喺試場見識過鬼異情況。佢地只是不安地從正門走出去。不足五秒就被箭塔收拾幹淨。至於自以為聰明嘅miss和阿sir, 佢哋選擇爬牆離開，都一一被對面的箭塔和炮台殺死。
呢一幕落喺呢班年輕人眼中，絕對是無比驚悚。所能依靠的成年人竟然都死得七七八八。佢哋深深明白到而家真係困獸鬥。巧合地，呢一幕影響了所有人的選擇。在場的考生和兩個miss都企咗係VT嗰邊。連Ally都…佢嘅表情是歉疚嘅，但更多是無助與驚恐。
十幾歲人，你會覺得佢哋有幾多膽量呢！
“天矢，你都加入我哋啦。我哋齊心合力先有得打！”Ally勸道。
“佢啱啱講到咁有骨氣，唔會呢個時候縮沙掛！”VT好笑咁講。
“你放心！我唔會！即使得我一個，我都會戰鬥落去。我只係希望你地係佢嘅帶領下唔好死得快過我。”天矢講完之後，轉身離開。
呢個時候，一把虛弱嘅聲音響起：“帶…帶埋我！”Denzel吃力地站起來。
“Denzel! ”天矢回頭正見Denzel企起身。
“如果呢度邊個同我出生入死過，嗰個人就係你了，戰友。我唔相信你個app係廢app. 一定唔止咁簡單。我願意把自己嘅性命賭係你個app上。”Denzel一往無前咁講。
“但是你嘅身體…”天矢點會唔想帶走Denzel呢。只係考慮到Denzel嘅身體狀態。跟住大家總比佢自己好。
“放心，貧血姐。我好快無事。阿飛嘅食物效果非常好。傷口好咗之後，力量也可始回復。只是速度就慢少少。”Denzel講。
“哼！兩個人可以做到啲乜野！”VT冷笑咁睇住佢哋離開。
接下來，VT開始指揮大家。Vt以考場為營地，把所有嘅臺櫈擺出黎當壁壘。主要放喺幾個入口處。按照clash of clan, 怪物唔係操控者自己操控的。佢哋會自行攻擊。所以炸彈人炸唔到入黎咁遠。VT唔使擔心牆壁會被打破。仲有，要知道對面嘅狀況，必須要有人仔來探路。對手應該唔會蠢到亂咁用炸彈人，亦都唔可以肯定vT個邊會以考場為營地。
其實，呢個game看似對考生不利，但是其實最不利嘅係clash of clan擁有者。雖然佢嘅怪物力量強大，但是唔可以操控。這個是最不利嘅因素。只要考生們採取守勢，再用app owner續個攻破入黎嘅怪物。咁就得啦。呢個敵人應該估唔到我哋有最強補給app owner alan嘅存在。只要有電，我地絕對可以長期防守。VT心中盤算著，自信地笑道。
“你哋呢啲普通考生，唔好以為自己唔使戰鬥啊！快用長棍綁住菜刀裝備自己。同埋攞曬lab嘅本生燈出黎做燃燒彈。用一切武器武裝自己。知道無！”VT命令道。見到其他人驚青得黎又聽自己支笛，VT嘅虛榮心升到極點。佢開始要感謝敵人了，無佢，VT邊會有享受做王嘅感受。
“王！？咁係米應該有皇妃。”VT把主意打到專心做野嘅Ally身上。姣好嘅身材，精緻嘅下巴。仲有嗰種乖乖女嘅味道。
“啊！”Ally感到到屁股畀人狠狠地摸咗一下，佢氣惱地轉身。啱啱見到VT向所有人講：“各位聽住，想贏敵人。我們只可以採取守勢。但是時間唔會長。只要摸清楚呢個game嘅玩法。以我嘅能力，絕對可以神不知鬼不覺咁殺死敵人。只要有我，你哋一定可以平安離開！”
“好啊，VT,Vt, VT.......”歡呼聲不絕於耳，VT露出奸詐的笑容。
“好了，clash of clan要開始了！”app owner把三隻弓箭手放係門口。從正門突入…......