你被app選中了嗎？: 第7章絕處逃生

第7章
    嘩，要死啦！天矢驚到震。三樓啊，雖然未到跌死嘅程度，但都足以够一個高中生驚啦。

    “捉住對面啊！”跳個刻，天矢不忙提醒Denzel.

   “對面?”Denzel記得教學樓後面應該係一塊空地。雖然依家睇唔到對面。但佢嘅印象應該無錯。可以捉住乜呢。

   但係denzel好快就知道啦，穿過一度黑色嘅幕場之後，面前嘅景像竟然又係教學樓。原來兩個桂華山中學就好似一面鏡咁！進出的位置完全係一樣嘅！

    Denzel飛越到咗對面，啱啱好捉住對面嘅窗臺位。





    “咦！”天矢心中暗叫不妙，因為佢根本掂唔到對面嘅窗臺。只能睇住自己嘅手離窗臺仲有幾分米，然後畫面就開始下落。

    突然間，Denzel隻腳掂到天矢心口，天矢下意識地捉住。耳邊聽到Denzel講：“捉住我隻腳啊！”

   下墮的力度一緩，緊隨著Denzel的慘叫聲傳來。原來穿過Denzel肩胛骨嘅箭頭剛好卡係窗臺上。Denzel本來無咩野。雙手够力支撐住。但多咗天矢，窗臺位啱啱卡實咗箭頭。兩個人嘅重量令到箭頭開始撐開Denzel嘅傷口。呢種痛楚根本唔係尋常人可以忍受。

   “做乜啊Denzel?你點啊！ ”天矢擔心地問。

    “無，無野。我依家甩你入去二樓。你自己睇住！”Denzel咬緊牙關用力一踢，天矢順勢跳入到二樓。





    雖然跌到天矢好痛，但是佢依然掩蓋唔到劫後餘生的狂喜。佢興奮地跑上三樓，還大叫道：“我沒死啊，哈哈！”

   點知上到三樓，見到平訓喺到嘅Denzel同埋地上既一攤血跡。箭頭已經折咗，只有幾條木絲吊住。

   “點解會咁架！”天矢跪喺Denzel旁邊，Denzel 嘅情況越來越差。天矢摸到Denzel嘅手，佢隻手有啲冰凉啦。

    “我唔可以死住，我…”Denzel只係不停重複呢句話，似乎只剩下講呢句話既力氣。係呢句話支撐住佢沒有暈低。

   天矢捉緊佢隻手，露出從未有過嘅堅毅。佢講：“放心，我係唔會畀你死嘅！”





    “你地見到架啦，去嘅人死咗一個。呢個唔係遊戲。對面係抱住殺死我地嘅想法。你地如果唔想死嘅就要團結起來。”VT對全體考生講。

  “對付佢地，你都白痴嘅！我報警唔得？”一個考生攞起電話，但係佢根本接唔通。

   “沒用嘅！報警得嘅話，啲miss同阿sir就唔會咁騰雞啦。依家你地可以靠嘅就係得我地呢啲app owner. 所以你地快啲拿曬你地嘅手機電池出黎。”VT命令咁講。

    啲考生你眼望我眼，最後開始陸陸續續有人交出手機電池同埋尿袋。考生大約有一百人倒。當中有唔少係蘋果迷。攞唔倒電幫助唔大。就好似VT同阿飛咁，兩個都係用iphone. 只可以用尿袋充。而Alan, 小肥係用三叔機。各自攞到十幾舊電。hugo同ally用sony機，分別攞到七舊電。

   呢個時候，天矢背著denzel衝咗入來。見到真實受傷嘅人，好多女考生都尖叫起來。

   天矢唔理得咁多，佢一支箭咁衝到alan面前。焦急咁同佢講：“Alan, 你講過你嘅能力可以治癒傷勢。你快啲救下Denzel啦，求求你！”

   Alan早就準備好了，佢攞出一碗湯圓，講：“我已經揀咗一間評分足足有144嘅福元湯圓。因為佢太高分，足足使咗我一舊電嘅電量。不過，唔緊要啦。救人要緊，你快啲畀佢食啦。”





  天矢感激咁望咗Alan一眼，佢接過湯圓。開餵畀Denzel食。唔親眼見過，大家都唔知威力咁驚人。隨著Denzel食湯圓，Denzel的傷勢以肉眼可見嘅速度好轉。為咗唔影響埋口，天矢更狠心咁幫Denzel拔咗支箭出黎。話都無咁快，Denzel已經好翻。只係因為失血過多，仍然處於虛弱的狀態。

   “哈哈哈，太好啦。Alan個app咁勁，我地受傷幾重都好。都可以立即好翻。”hugo興奮咁講。其他app owner都好驚喜。

   “我都估唔到效果咁好。之前試過三十分左右既餐廳。效果只係將輕微嘅傷口止痛和止血。睇黎評分越高，治療效果越好。”Alan分析道。

    “但是效果越好，耗電量就越高。咁啦，Alan你而家用所有電池製作恢復藥。評分唔好全部過百。最後一部份是止血止痛。一部份是過百既回復藥…”VT吩咐。

  喺VT指揮嘅期間，天矢仲Denzel旁邊企咗起身。然後一步一步咁向VT行黎。大家都聽緊VT嘅指揮，無人留意到天矢做緊咩。

   突然間，VT感到膊頭畀人往後一拉。佢轉身見到來人正是天矢。天矢嘅拳頭已經狠狠咁打落佢塊臉度。VT成個人被打到跌低。大家都愕然咁望住天，望住一臉激奮嘅天矢。佢嘅眼神似乎可以殺死VT無數次了。

     VT就咁大字形訓喺度，只喺若無其事咁舔咗舔嘴角嘅血跡。

   究竟事態會點發展落去呢，天矢等人可唔可以逃出clash of clan呢。下章寫平凡。哈哈