你被app選中了嗎？: 第10章 denzel的決意

第10章
    “啊，救命啊！”慘叫聲不止，不單止係普通人，連app owner也陷入恐慌之中。

   Ally被撞擊而倒地，暈眩間，Ally還本能地抬起頭，想逃生。抬頭望住前面，佢頓時嚇咗一跳。因為撞到佢嘅人已經係一副屍體。佢死唔眼閉，仲七孔流血。

    “噢！！！”野蠻人的叫聲在Ally身邊響起。Ally瞬即毛孔都豎埋起來，身體嘅力量似是被抽幹咗一樣，動彈不得。

   耳邊吵鬧嘅慘叫聲，自己暈陀陀又想嘔，身體再沒有力逃跑。“唔通就要死係度！！！”Ally打定輸數。

   “喂，有無人可以打爛出口嗰啲臺櫈啊！”一把熟悉嘅聲音響起！





   呢句話提醒咗手足無措嘅小肥，“等我黎！”一招月牙天衝，堵住出口嘅臺櫈被炸開咗。

   而同一時間，Ally個頭被野蠻人單手抓住，提咗起來。一股壓力開始從頭骨傳黎，Ally已經想像得到自己嘅頭被一手揸爆嘅可怕情境。

   “我唔想死啊！”眼淚流過Ally嘅臉，係野蠻人手中，佢只是一隻待宰的羔羊。

   就係呢個時刻，Ally見到前面有一模糊嘅境像。昏暗的前方露出了曙光，曙光中站著兩個黑影。Ally睇唔到黑影係邊個，而下一秒，佢就感到頭一鬆，身體沾到了冰冷嘅水。噗通一聲，她倒在了地上。

   “是誰！”Ally嘅眼神有些散渙，她吃力地睜開眼睛看著前方。





    “踏！”Ally只見到一雙近在咫尺的鞋。還有從上方滴下來的水。Ally努力地抬起頭，看到嘅係一張出乎佢意料嘅臉。

   天矢扎住馬，雙手捉緊消防喉。Denzel也喺背後支撐住消防喉，強大的水柱射向野蠻人。把面前嘅野蠻人逼得節節敗退。“你哋快啲走啊！”天矢大喝一聲。

   聽到天矢嘅叫聲，大家向出口瘋湧而去。

    “哈，喺天矢同Denzel啊！”阿飛喜出望外。

   天矢反了反白眼，對阿飛講：“頂你，仲唔走。”





   “左邊個兩個啊！到，到右邊，喂，喂，中間又黎啦。”Denzel雖然臉色蒼白，但是依然打醒十二分精神指揮。對面有六個野蠻人。一條消防喉根本唔足够應付。水柱的射擊反而引咗啲野蠻人向天矢佢哋進攻。

   雖然佢哋叫野蠻人，但係並唔係蠢人一個。佢哋三個人合抱埋一齊，開始頂住水柱向前進。

   “Denzel, 消防喉開到最大未啊！”天矢冒出冷汗咁問。

   “早就係最大啦！”Denzel同樣係好驚。

    天矢見危機逼近，也不忙睇下有無人走唔甩。一睇先知有幾嚴重，起碼有五六人未死，只是斷手斷腳行唔到。嗰個人都掛住逃亡，根本無人理佢哋。

    啱啱有一個阿sir係天矢身邊跑過，天矢企圖叫住佢。但是嗰個阿sir連應都唔應，頭也不回咁走咗。

    “仆街，你哋係唔係大人黎架！！！”天矢大聲喝罵。





   呢嗰時候，天矢一驚！因為三個野蠻人已經接近到身邊。只要再行前三步，佢哋就可以一掌拍死天矢。

    “點算啊！”天矢嚇得腦hang機。

   “縮低頭啊！月牙天衝！”小肥嘅聲音從後面傳來，天矢和Denzel感到一股強大嘅風壓從頭上掠過。斬擊就直接飛向三個野蠻人。

     “砰！”月牙天衝與三個野蠻人對碰，三個野蠻人竟然合力抵抗，與之僵持。足足僵持了五秒。野蠻人先至被彈開。

   沒錯，只係彈開，並沒有劈成兩邊。小肥都估唔到10%嘅力量都殺唔死野蠻人。

    天矢狂喜，叫小肥道：“喂，小肥，繼續啊！我哋要救埋嗰啲受傷嘅人。”

    但是小肥嘅樣好唔妥，佢望住自己嘅手機mon, 驚青咁諗：唔得啦。仲番30%電量。岩岩掛住走，根本黎唔切執翻幾舊電。依家啲後備電都濕曬。我身上只剩低一舊。如果浪費係佢哋身上，我…我點算啊！

     “小肥，快啦。咦…”天矢見到小肥轉身逃走，O咗嘴。





    而家人都走得七七八八，只剩低個啲郁唔到嘅傷者，七八個走唔切嘅考生，仲有來勢洶洶嘅敵人。天矢本來以為可以靠小肥招技加消防喉滅咗個幾隻野蠻人。睇黎依家自己都要鬆人啦。天矢暗罵小肥細膽，而自己都諗住撇了。

   天矢對Denzel講走人，但Denzel竟然望住嗰啲傷者，道：“唔得，我哋要救埋佢哋。唔救嘅話佢哋會死㗎。”

    “我哋嘅義務盡架啦。救咗唔少人。我哋唔係英雄，無能力救佢哋架。撇啦。”天矢道。

   “要走你走。英雄都要有人走出黎先會誕生。我…絕對唔會留低佢哋。”Denzel決意道。

    “白痴，你呢個白痴！”天矢拎起佢衣領罵道。但好快佢就妥協了，天矢講：“唉，我條命係你救嘅。我唔會丟低你！”

   Denzel感激地一笑，道：“好，我無跟錯對。一陣我想辦法拖住佢哋。你救得一個得一個。”

   “你唔好死啊！”天矢擔憂地道。