你被app選中了嗎？: 第11章 十萬伏特
“我放手啦！”天矢對denzel講。 “好！”Denzel 扎行馬，企圖捉穩消防喉。其實對於佢黎講，捉穩消防喉實在太勉強了。Denzel畀條喉甩得跳下跳下咁，幾乎要甩手。所幸的是Denzel 夠大隻，暫且叫做捉得住。 天矢當機立斷馬上扶起Ally, 拼咗命咁往門外走去。 三個野蠻人越行越近Denzel, Denzel 深知頂唔住了。佢直接放開消防喉，然後拼命往一邊逃走。受到強力水柱推進，消防喉開始不定向地擺動。三個野蠻人胡亂地捉向消防喉，相繼畀消防喉擊中。三個野蠻人亂成一團。 三個野蠻人算是暫且解決。眼見另一個野蠻人想踩死一個女學生，Denzel 諗都唔諗就擲向野蠻人。野蠻人挨咗一下，好似無事咁扭頭凶狠地盯住denzel. 睇黎佢下一個目標就係Denzel啦。 天矢把ally扶咗出去考試大堂外一邊o既牆下，然後對Ally 講：“Ally你要振作啲，我只可以把你帶到黎呢度，入面仲有好多人要我救。你自己執生啦。” Ally 依然臉色蒼白，手軟腳軟，她嚇得失魂落魄，只是死死地捉住天矢o嘅衫，不肯讓天矢離開。 天矢最擔心入面既Denzel, 佢掙脫開Ally 隻手，對Ally 保證：“放心，我會保護你的。你一定唔會死係度。你等我翻黎。” 天矢翻入考場，見Denzel岩岩滑過一個野蠻人o既褲浪。已經有兩個野蠻人被Denzel 吸引住。 “頂住啊！”天矢一邊對Denzel 講一邊跑到一個右手嚴重扭曲o既男仔身邊。天矢已經顧不得客氣，佢道：“你係男仔黎架，咬實牙關。”天矢捉住佢衣領，如保齡球咁把佢推出去。因為地下早就 濕曬，係可行o既。推到出口附近，因為求生的本能，男仔開始向出口爬去。天矢見方法可行，向著下一個目標進發。 “砰！”Denzel 右肩中咗一擊，成個人向一邊滑出數米。 “哈哈哈…引得太多野蠻人添。”Denzel 望住前面5個野蠻人，仲有時間苦笑咁講。 一張檯又擲中咗野蠻人，所有野蠻人望向天矢o既方向包括剩低嗰一個。“仆街，人地班仆街死啦，過黎殺我。”天矢爬到臺櫈堆成o既牆上爆粗。 “天矢，唔好啊，以你o既體能，你逃唔到架。”Denzel 企起身講。 “而家得翻嗰邊個兩個扎，靠你啦Denzel. ”天矢講。 Denzel 一望，果然真係得佢左手邊兩個人。其他人已經逃到考場門外。 天矢不停咁擲臺櫈，真是把所有o既野蠻人引咗過去。 Denzel 見機不可失，一野把一個男生好似天矢咁推咗出去。然後佢單手抄起個柔弱女生就向出口狂奔。Denzel 岩岩隻手已經骨折咗。呢個已經係佢最好o既方法。 “隆…”野蠻人撞到曬臺櫈，天矢一躍從上面跳咗落黎。跳過咗佢地。臺櫈跌落黎堵住咗佢哋o既道路。野蠻人有咗片刻o既遲滯。 天矢拼命咁跑向出口，順手用力拉岩岩Denzel 推出去o既男仔。男仔都算大份，天矢搏曬命都係蟻速前行。加上地下又滑呢。 呢個時候，野蠻人已經推開曬啲臺櫈，本來啲臺櫈。本來啲臺櫈對佢哋黎講就好似啲紙咁。佢地已經開始向天矢追黎啦。 “今次仆街了！”天矢講。 呢個時候，側邊伸出一隻手一拉個男仔。天矢頓時感到壓力一鬆，原來是Denzel 折返幫自己。佢地合力把個大隻男拉出考場。野蠻人好快已經衝到了出口。 出奇地，危機已經逼近啦，但是天矢卻鬆咗口氣，佢悠閒咁轉身，攞出手機一開，然後雙手掂住地面。天矢對著六個來勢洶洶的野蠻人講：“岩岩我去咗物理實驗室，試咗一下1%電量有幾多。原來有一千伏，咁如果係100%呢！哈哈哈…你地係野蠻人，對你地講都係無用架啦。” “十萬伏特！”天矢大喝一聲。 頓時間，強大的電流經水傳導流過六個野蠻人的身體。電弧在四周狂跳。野蠻人紛紛發出慘叫。眨眼間，六個野蠻人已經變成了焦黑。無力地倒下。 Denzel 和天矢望著眼前的一幕，都禁不住嚇得呆一呆。十萬伏特，比卡超o既絕招。火箭兵團次次都係焦黑，然後飛走。下一次又生猛咁出翻黎。但是面前o既野蠻人卻死透了，整個考場彌漫著一股肉香味。 天矢望了一下自己隻手，只見上面有兩個符號。左手是+,右手係-.呢個就是天矢發現o既金山電池醫生o既秘密。只有+-相接，形成電路，天矢o嘅電先可以展露出來。天矢算是一個真真正正o既電池。 兩人鬆了口氣，他們靠著牆壁休息著。 “頂，呢種野蠻人仲有十個。弓箭手死咗兩個。仲有八個。pk啦，點殺得殺啊！”天矢抱怨咁講。 “唔打都要打，為咗生存落去。喂，你快啲換電啦，再為自己舊電叉電。無咗你，我哋實死無生。”Denzel 提醒咁講。 “啪！點解會咁架！”見自己六個野蠻人全滅，clash of clan 的owner嚇咗一跳，一絲慌亂露咗出黎。 “Ally, 你得唔得啊！”天矢問。 “我可以架！”Ally 扶著一個女生回答道。 天矢佢哋帶著受傷o既人出咗去，行上樓梯。經走廊向下望去。唔睇都好，一睇先知有幾大獲，原來不少弓箭手和野蠻人已經突入咗學校，開始追殺生還者。生還者不停亂咁走，根本就係弓箭手的好箭靶。 “我哋把呢啲人藏係呢間課室先啦。帶住佢哋，我哋根本戰鬥唔到。”天矢建議。 安置好佢地。天矢和Denzel, Ally 三人討論一下接下來的策略。 “我哋點算啊！得我地三個好難贏倒.”Ally 問。 “沒錯，想贏o既話一定要找翻其他app owner. ”Denzel 道。 “嗰個小肥，找翻佢我第一時間打獲佢先。”天矢摩拳擦掌道。 “好，就咁話啦。天矢叉完電，我同佢就出去。Ally, 你留係度。”Denzel 建議。 “我跟埋你地去。我，我一個唔敢留係度。”Ally 驚青咁講。 “出到去可能畀呢度凶險得多wow”天矢講。 “我寧願跟住你地。”Ally 道。 “嗯…好啦。一陣我哋就出去。”Denzel 對兩人道。