原來你一直在我身邊: （13）

大家突然變得安靜齊齊望向皓兒。

阿J：『下，無端端瞞你啲咩』

此時阿慧把她的手握著阿J的手臂，雙眼看著阿J， 阿慧的面部表情加上利用雙眼就像傳達一些訊息一樣，霎時令阿J變得不知所措。

皓兒再次在Kelly的手機按上密碼，屏幕的whatsapp group對話呈在各人的眼前......

皓兒向大家數盡心中情：『近排我同佢疏落咗好多，我以為...我以為係因為大家因為要返暑期工所以少咗見面先變得無咩野講，我一直都係咁諗，因為我....我唔想有其他第二啲原因，但係點解你地發現依個原因你地唔話我知？』





皓兒說到雙眼通紅，眾人即刻走到皓兒旁邊安慰她....

阿慧：『咁其實我地都仲未知William係咪真係出軌，唔可以一早認定佢同果個女仔有野嘅係咪？』

阿J：『2個人行到咁埋一齊去海洋公園玩仲有咩原因？』

Kelly：『係咪親戚嚟架？』

Tania：『可能佢地係一大班人呢？』





皓兒：『咁點解唔叫埋我去？個女仔係我同學嚟』

場面又再次靜了一靜.....皓兒頭低低的說：『我應唔應該問清楚佢？』

阿J：『問囉，睇下佢有咩野講都好』

其實皓兒心裏已經有答案，她決定忘記這件事，就當William是一時貪新鮮跟別的女仔一起外遊。只因此事，皓兒變得不敢主動跟William聯絡，她怕William會無意中跟她說什麼。