原來你一直在我身邊: （14）

說是要忘記，始終心裡總有一條刺。自己心愛的人同另一個女仔出街，怎能夠不介意，可惜，皓兒不知怎辦，不知應否對William質問還是如何。每人總有惡魔與天使在身旁，所以人類周不時會遇到掙扎的時刻。

天晚了，皓兒心想今晚William應該不會給他打電話，她坐在床上無所事事而且也不想到廳外看電視，她唯有無聊的拿著電話看看fb看看instagram…..

皓兒在看instagram的時候發覺她之前實在follow了很多關於名人和時尚的instagram，她用手scroll down 幾個post全是他們的，現在的皓兒暫時對這些post都沒有興趣。皓兒習慣在search一欄去搜尋一些她特別關注的人，其中一個就是麗琪。

可能她剛才沒有看完所有最新更新的post，皓兒果然看到麗琪有最新upload的相片。相片中是一些模型車的零件，caption 是幾個開心表情的emoji。好吧！看似無特別，可惜皓兒留意到相片的左下角有一個tag的標示。皓兒輕輕按相片一下，她發覺麗琪tag了@William_W_1015

皓兒心急起來，她想向William問個清楚。她即刻拿起電話按上William的電話號碼，手指停在撥號按鍵的半空......





皓兒承認沒有膽量致電William，因為她不願意以一個質問的態度質問William，更加怕聽到不想聽的說話，所以皓兒決定質問麗琪。

面對情敵，女人會毫不畀面以一個強烈的姿態質問對方。相比剛才對於應否打電話給William的游移不定，皓兒毫不猶疑快快的按下撥號按鍵。

嘟...嘟嘟....嘟嘟...... 在等候接通期間皓兒雖然心跳加快並且有少少想縮沙的感覺，但無論如何既然電話已接通就不能cut線了。

麗琪：喂

皓兒：麗琪我有野要問你





麗琪：啊，皓兒咩事呀

皓兒：你係咪鍾意William？

皓兒無謂轉彎換角，她決定直問麗琪，好讓她能夠說甚麼解釋。

麗琪：ha 點會呢，佢同你拍緊拖我點會鐘意佢？

皓兒：點解你要post你同佢嘅合照上ig，最近又post咗張相tag佢個名？





麗琪：咁朋友之間影張相有咩問題？而且佢帶我去買模型車零件咁我咪tag佢囉

皓兒只是以為麗琪知道William鍾意模型車所以才tag他，豈知William曾經再次跟她單獨相處，皓兒實在忍不下去了。

皓兒質問：咁上次你同William去海洋公園你點解釋？

麗琪突然窒了一下：啊.....你...你點知架？你跟蹤我地？無可能William會話你知架喎，係佢叫我唔好同任何人講

皓兒再次質問：咁點解你地會一齊去海洋公園？

麗琪此時換了語氣：好啦，咁我都唔瞞你咩了，係呀！我鍾意William，咁點？我覺得佢對我都有feel喎

皓兒：佢係我男朋友，佢唔會鍾意你

麗琪：佢有無鐘意我咁你就要問下佢了，我只係知佢曾經向我講過你地最近嘅關係好疏落同埋唔知同你講咩好，所以大概係因為你地無乜共同話題可以講掛。不過我同佢就唔同，我同佢d興趣都相似，我話想去邊度佢都話可以陪我，咁....係囉，就係咁！





皓兒聽完後心情非常低落，從第三者得知自己和William的處境覺得好荒唐，為何William不願意和她坦誠相對，反而收收埋埋和選擇逃避，令到事情更加難以解決。或者聽完麗琪的說話她或許估到William的心已經移向她，而且心知自己比不上女神級的麗琪....