大學可以幹的事很多，但不包括走堂: 夢想比什麼都來得珍貴

時間過得好慢好慢，終於都下課了。

組爸說得一點也不錯，Professor King教的課是雞肋：上之無味，走之可惜。有上課的好處是穩約會記得Professor King解釋的化學觀念，條件就是要有對抗睡魔的意志力，或是對化學的強烈興趣，就像坐在我左邊的Shirley。

「Kevin，介唔介意同為師傾兩句？」Professor King整理好文件，誠懇地問道。被這突如期來的一問，我呆在當場，正在思索如何間接地拒絕。

「慘喇你，佢實係捉你去照肺啦，咁夠膽走佢堂丫拿，祝你好運。」Tommy道。

「Kevin，你好似啲中學生曠課完，第二日就比訓導老師捉左去訓導處，你去到快啲求Professor King唔好記你缺點啦。」剛上完化學堂，Shirley就像發動了的引擎，開始活躍起來。





「記著表情要真誠啲喎。」Hazel再補上一句。

騎虎難下，如果我再請Professor吃閉門羹的話，那真是大大不敬了。於是我跟Professor King 入了他的辦公室。互相面對面坐下之後，教授就問道：「上一堂你訓過龍所以冇番黎？」

「係……」我沒作多餘的解釋。

「原來真係咁，咁都好啲，至少今堂你都有番黎。」教授微笑了一下，看到我沒有回應他的意欲，繼續道：「為師好耐都未見過學生黎齊晒上堂，好似都有成差唔多廿年喇。不過我唔會怪你地，我知道大學生好忙，要搞學會啲野。家境比較窮困既夜晚仲要番埋part-time，出面又多野玩，要靜靜地係到聽人講兩粒鐘野係痛苦既事。」

仔細想一想，大學的professor不像中學的老師，可以鬧學生，懲罰學生，有權力令學生循規蹈矩。而在大學就剛好相反，主動權在學生的手上，學生有任意走堂的權利，上課時又可以隨時whatsapp、 Facebook，一來沒有尊重說話的人，8亦白白浪費了教授許多心血。





我點頭表示同意。

「可以係坐滿學生既課室教書，係我每年都渴望既事，今日已經實現左第一步。相反有時去到學期尾得番幾個學生黎聽書，都真係幾沮喪，希望去到最後一堂都好似今日咁齊人。」

今日第二次聽到Professor King講呢句話，看來他對我們這一班抱有很大的期望。

「我買過最貴的東西，是夢想」九把刀曾經說過。

大學的professor在我印象中只是負責授課，加上偶爾在課堂後解答一下學生學術上的問題，其他時間都會表現得非常冷淡，與學生甚少交流。





但原來我錯了，大學裡也有有血有肉的professor，外冷內熱的Professor King就是其中之一，也是第一個。

這一刻我打定了主意：我要送Professor King最貴重的東西。我無辦法強迫人家上課，但至少我可以作好本份，上足Professor King的課。

有了目標，自然有動力繼續去星期四的Lecture。

「係呢，頭先Professor King同你講左啲乜，係咪好似上堂咁同你講佛偈。」Hazel在關心我。

在聽完Professor King的夢想後，我就飛奔數百米到另一個上課地點上英文課。由於是小班教學，一個tutor配著五個學生，我們「二世祖」遭打散了，剩下我和Ron在一起，其他的被分開到不同的課室。這時我們一組人又在一起嘆下午
茶。我飲了一口可樂，就將剛才的情形全部告訴他們。

「Professor King係咪教書教左傻左喇，邊有可能次次都咁好彩丫，我估下堂就已經有人走佢堂，佢教書真係好boring。」Ivy首先回應，她一直都在打訊息，想不到也有在聽。

「既然係咁，不如我地比試下，睇下邊個最快頂唔順要走佢個兩堂九半堂。」Tommy提出。





「怕你麼？」我立即說，以表明我的決心。

「怕你麼？」Hazel學著我的語氣說了一遍。

「怕你麼？」「怕你麼？」「怕你麼？」又重覆了三遍。

比試開始。

「咁今晚一唔一齊食飯？」我問，期待著Hazel的答覆。

「唔了，我約左我boyfriend出旺角食飯。」Ivy說。

Hazel搖一搖頭，說道：「我都唔得呀今日，要番屋企食，下次先再約啦。」

「我今晚去選籃球校隊，有冇人會黎睇？」Tommy說。





我咬著吹管，此刻我的心情在陰暗的谷底，哪有心情再去看籃球，所以我索性回避他的問題。

「如果選到咁幾時會練波？」我問。

「逢星期一、三晚係學校個體育館，下個禮拜就開始。」