突然做左人地老豆，多左個女: 11
校長見我一臉疑惑，就解釋道：「小貞曾經有段時間係兒童院生活過。」
我恍然大悟，唔通我有機會破解到小貞既身世之迷？
我有啲緊張，但同時亦有啲驚。
緊張既係我終於可以了解多啲小貞，擔心既係無啦啦院長會走過黎呢到，唔通想接返走小貞？
唔好呀……我真係好鐘意小貞呢個女，一諗到起身見唔到佢、食飯無佢餵、無得同佢一齊沖涼、夜晚無得氹佢訓教、無得抱起佢、無得俾佢攬住、無得吱到佢叫救命……無得再見佢眯埋眼既笑容，我……我真係好唔捨得，我無諗過咁快架，我真心打算將佢撫養成人架……我仲有好多野未同佢一齊做架……我好想好好咁照顧佢，唔好搶走佢得唔得呀？唔好搶走我既生存意義得唔得呀？
係我腦內無限ff既期間，我嗱埋哂口臉，高院長似乎睇穿左我既憂慮，佢笑笑口咁講：「其實佢都只係住左好短時間，而家見佢過得咁開心，我地都好欣慰。」
哦？聽佢咁講，即係佢無意欲要帶走小貞啦？
我即刻面露歡顏，「唔係，係小貞帶俾我地好多歡樂就真！」
「唔知你有無興趣去行下兒童院呢？」院長問。
「有呀！非常有！」
能夠了解更多小貞既過去，走過小貞曾經住過既地方，我當然樂此不疲！
院長話小貞所住既兒童院就係附近，所以我地可以慢慢行過去。
「其實聖心會聖心潔兒童院成立左好耐架啦，我地專門收留一啲有家庭問題既小朋友。」院長邊行邊講。
「係咪即係孤兒院？」我無知地問。
「係呀，不過我地係唔會叫佢地做孤兒，因為係我地心目中，佢地唔係孤兒。」
原來香港都有呢啲地方，亦無諗過香港都需要有呢啲地方。
「咁佢地多數因為咩事而入住兒童院？」
「原因有好多，包括父母精神出現問題、健康問題、犯左事、離港、失蹤、虐兒等等，凡係經過社工轉介，都有機會入黎我地兒童之家到暫住。」
「咁小貞係因為乜事而黎你地到住？」
「小貞既個案比較特別，連我地接手既時候都唔清楚佢既親生父母係邊個，佢咩資料都無，只係有個收養人轉介左俾個社工，社工再轉介俾我地。」
仲以為可以了解多啲小貞既背景，但原來資料都只係得咁少。
「咁小貞係到住左幾耐？」
「小貞四歲嗰時過左黎，住左四個星期就走左啦。」院長唏噓地說。
「得住四個星期？」
「係呀，所以其實小貞好細個就已經成日轉換環境，佢變到好怕面對陌生人，唔敢對人投放太多感情，而且佢留既時間又短，係呢到佢都無乜點識到朋友。」
我諗院長都未係好了解留左係到四個禮拜既小貞，小貞係有啲怕羞，但佢絕對係一個好善良既孩子。
「不過而家你地家庭收養左佢，咁就太好啦。」院長笑笑道。
話咁快，我地已經行到去兒童院。兒童院唔係好大，個規模就好似一間中學咁，有主樓，操場同一個小花園。
「呢到其實只係我地其中一個兒童之家，全香港唔同區總共有百幾間兒童之家。」院長再解釋道。
原來係咁。
一入到去就係操場，右手邊有個露天小花園，小花園後面有幅大牆壁，剛好有兩、三個男女係牆壁到用水彩筆畫緊啲花花草草，但驟眼睇落，嗰三個男女衣著好潮，似係啲十靚歲既mk妹、mk仔。
「佢地係黎呢到做社會服務令既，要幫手修補張牆。」院長解釋道。
原來係咁。
再望下個操場，有幾個七、八歲既細路仔係到玩緊傳波仔，有個一路傳一路個身抖下抖下咁，間中不期然係到傻笑，似係有唐氏綜合症，另外又有個企唔定周身郁，跑黎跑去，要其他職員幫手控制住佢。
「佢地好多時係屋企人本身都有精神問題或者環境唔好，更加無能力照顧到呢啲有特殊需要既小朋友。」
我凝視住院長，覺得佢除左好慈祥之外，仲好唏噓，佢到底見證過幾多細路係呢到聚合離散，又見證過幾多人間悲劇？
錯既並唔係啲細路，錯既亦可能唔係啲大人，錯既只係呢個世界，呢個愛莫能助既世界。
「小貞平時最鐘意就係係花園到觀察啲昆蟲同螞蟻架啦。」提到小貞，院長臉上重新展開笑靨。
我同院長走到去花園到，院長指住左其中一盆緋紅色既花朵話：「呢盆花係小貞有份種架，係梅花黎，因為花語係堅強，所以小貞好鐘意。」
我望住盤花，想像當時小貞點樣用自己細小雙手去堆泥、施肥同灌溉，想像佢到底對「堅強」呢個詞語認識有幾深，想像佢點樣眼仔碌碌咁去觀察、點樣小心翼翼咁去愛護呢盆花……
「我可唔可以拎返去俾小貞？」
「可以可以，但係有啲重量喎……」
「唔緊要，我可以叫我朋友過黎車走。」
邊個？屌！問黎都多餘既！梗係仆街南啦！
院長笑笑口咁。
我再問：「呢到會唔會有啲咩捐助計劃架？」
「有有有，你過去寫字樓到，我地有捐助計劃既，幾多錢都唔驅既。」院長笑瞇瞇咁答。
我知，我都估到你想我問呢條問題好耐架啦，咁無啦啦拎走人地成盆花，佢地又話哂照顧左我個女成四個禮拜，唔多唔少都要捐啲既。
無幾耐阿南就到左，最後我地拎埋盆花，車埋去幼稚園接小貞放學。
「哇屌！終於有得見Miss Cheung！」阿南表現得好興奮。
其實今日阿南要返工架，但一聽到有得見Miss Cheung，佢就即刻扮病仆左過黎，正一仆街仔黎。
Btw其實我都未同佢講我拎左Miss Cheung電話號碼件事，硬係唔知點開口好。
去到幼稚園，Miss Cheung見到阿南好驚訝，阿南就好似狗公咁痴住Miss Cheung，問長問短。
「呀！怪叔叔！」突然，有人咁樣大嗌。
呢把咁尖銳既聲線，我認得！係今朝個「十四巴港女」既後人！
佢紮住兩條孖辮仔彈下彈下咁彈到我面前，後面仲有兩個細路女跟住佢，一肥一瘦。
「乜原來你就係小貞其中一個爸爸啦？」佢指住我恥笑道。
佢身後兩個隨從就細細聲講：「兩個爸爸呀……」然後大大聲咁笑。
屌！呢啲正宗仆街格，唔屌唔鬆化！
好明顯就係呢班仆街細路帶頭笑小貞！
「我知，你地羨慕小貞眼大大好可愛姐。」我揶揄佢地。
個大小姐聽到我咁講，即刻嬲到紅都臉哂，鼓埋泡腮，但一啲都唔可愛咁大嗌：「你夠膽話我唔可愛！我要話俾媽咪知！」
佢一嗌，Miss Cheung走左過黎，了解過咩事之後，指責左大小姐幾句，要大小姐同小貞道歉。
大小姐梗係唔肯啦，於是小貞就扯一扯我衫袖，好似想走既意思。
阿南亦走左過黎，班細路一見到阿南，即刻眼貶貶咁望住佢，然後一個二個塊臉慢慢咁紅緊，「好靚仔呀……」
哦，原來係俾男神電到。
「乖既細路係唔可以蝦人架，快啲同人道歉啦。」阿南對住班細路單一單眼。
屌！好撚嘔心呀。
班細路暈哂大浪，即刻走過去同小貞講左句對唔住，小貞就好似好尷尬咁，企定定唔識回應。
「小貞，咁你原唔原諒佢地呀？」Miss Cheung踎低好溫柔咁問小貞。
小貞點點頭。
「原諒既話你要同佢地講聲架喎，如果唔係人地唔知架。」Miss Cheung道。
於是小貞走左過去，有少少怕羞咁講：「我原諒你。」
班細路即刻開心到拍哂手掌咁，然後衝過去攬住阿南隻腳，問：「哥哥，咁我地係咪好乖呀？」
哇屌！你地知唔知醜架？
「嗯，咁就乖啦，以後都唔好蝦人啦。」阿南摸摸佢地既頭講。
「哇！好開心呀！」佢地開心到手拉手咁轉圈。
哈，如果俾佢地知道阿南就係幅畫到既第二個爸爸，會唔會當場激死呀嗱？
我拖住小貞走出幼稚園，小貞見到阿南車尾到放左盆梅花，佢笑瞇瞇咁指住盆花望住我，似乎係想問我咩黎架。
「我地拎返屋企種囉？」我道。
「好呀！」小貞大大力咁點頭回應。
老母又煮左飯，我同小貞過去食完之後就好爽快咁返左屋企啦，因為我地都好心急，心急將盆花安置好。
我將成盆花捧起，仆街阿南話淨係會送到我地樓下，唔會幫手，咁我唯有自己捧返屋企，而小貞就係個盆底下托住托住咁，其實佢無乜力，托唔托都無乜分別，不過見佢好努力既樣，我又覺得好好笑。
托左入升降機到，再托返屋企，最後從門口托到入露台，終於大功告成！我出左一身汗，背脊同件衫都濕哂，好撚臭，於是我故意哄埋去小貞到，要佢聞下啲臭汗味。
小貞即刻掩住個鼻逃走，佢走出廳我就跟佢走出廳，佢走入房我又走入房，佢走去廁所我又走去廁所，佢一邊掩住個鼻又一邊笑住咁大叫：「救命呀！好臭呀！」
佢跑到攰啦，就氣喘喘咁坐左係梳化到，我又跟埋去坐左係佢隔離，慢慢慢慢咁哄個身埋去佢到，佢好攰，走唔到，唯有掩實個鼻，但又忍唔住大笑。
我玩到攰啦，就大字形咁攤左係梳化到。
「好污糟呀！」雖然小貞口到咁樣投訴著，但佢都依舊坐左係梳化到。
佢見我抖哂大氣咁，於是就哄埋黎。
「你唔係話臭咩？」我問佢。
佢擰擰頭回應。
然後我就用力起勢咁吱佢條腰仔，佢又笑到格格聲咁嗌救命。
「比卡超！！！！！！！！！」
今次我唔洗開口，佢就自動自覺扮比卡超，真係笑死我！
玩完輪之後我真係攰啦，郁都唔想都，然後小貞就用兩隻小手噤住我對膊頭，輕輕力咁樣一收一放。
唔通小貞想幫我按摩？
「Miss Cheung今日話，爸爸媽媽做野好辛苦，要幫佢地按…按……」佢側一側個頭咁諗左陣，「呀！我記得！係按摩呀！」
嗚哇，Miss Cheung你真係功德無量呀！
「好啦，咁你繼續按啦，哥哥好舒服呀！」
「好呀！」小貞笑瞇瞇咁答。
「不過要大力啲。」
「知道！」
收到命令之後小貞出盡全力咁噤，差啲成個身都要噤埋落去咁。除左噤，小貞仲起勢咁搥，兩隻小手用力咁握實然後搥搥搥，搥搥下又會哄埋你塊臉到問你：「舒唔舒服呀？」、「夠未呀？」咁。
按左幾個字，我見佢都好攰啦，所以就放過佢啦。為左賞勵佢咁乖，我又輕輕咁係佢個額頭仔到錫左啖，佢又呆左呆，紅都臉哂咁，今次仲要用手掩埋左對眼，唔敢望我。
我覺得好得意，於是輕輕咁拉開左佢隻手，點知一拉開，佢就飛快咁哄埋我個嘴到，一啖咁樣咀埋黎。
我輕輕咁感受到小貞小小嘴唇既柔軟同濕潤，嗚哇！！！呢個係小貞主動俾我既第一個吻呀！！！！！！！！！！！！！！！！！！！
「Miss Cheung話今日既功課係要同爸爸媽媽錫錫！」小貞塊臉紅卜卜咁。
嗚哇！Miss Cheung！你呢份功課真係安排得好好呀！！！
靈光一閃，我諗起早幾日想做運動既時候係youtube睇到段片，教人做掌上壓嗰陣時，叫個女朋友訓係下面，一落既時候就錫啖女朋友，好鬼過癮。
雖然我攰，但我決定同小貞咁樣做，應該會好好玩！
我拖左塊軟墊出黎，叫小貞面向前面咁攤係到，我就開始係佢身上做掌上壓，我未錫住，但小貞唔知我想做乜，只係勁緊張咁樣望住我。
做左幾下之後，我掌握到個力度同位置啦，於是一哄埋去，對準小貞塊嘴唇。
「嗯呀！」
一啖咁錫左落去再上升返。
小貞先呆左幾秒，然後格格聲咁笑，又怕羞但又想繼續咁。
我放膽玩多幾下，每次錫完佢又格格笑，好鬼趣緻。
玩左十幾下之後真係攰啦，我索性攤左係到休息，小貞依然係笑緊，笑個不停，真係好驚佢會笑到牙臼都甩埋出黎！