《我，就係踩單車跌落渠果個肥仔》: 8

「妳去左韓國旅行黎呀？手信！」

「你無聽過咩叫減肥架咩？」

有，我仲日日都想做呀。

「但都唔會咁誇張掛？」

「係呀？我係咪好靚女呀肥冬？」屌佢忽然間成個頭哄埋黎。



點解皮膚咁白滑架？點解以前既油頭味變左草莓洗頭水味架？

我本身係好怕同女仔相處果種人，以前同佢ＦＤ，係因為當佢男人。

而家同佢咁近距離，真係個心狂跳呀。

「下…下，係呀…」我真係比佢嚇到呆撚左。

「咁咪得囉！做咩呀見到姐姐怕羞呀？」講完之後佢又伸隻手黎搭住我。



癡線沐浴露咁香既？妳晨早起身沖涼呀？

如果以前早知佢有朝一日會變成而家咁既樣，我諗我會一早溝左佢。

「下，唔係呀。妳受左咩打擊呀？跌撚左落渠呀？」唉唔撚驚。

「仲識講粗口即係無野啦，咩跌左落渠呀？咁…咁我想換個形象嘛。」

「換妳個頭咩，癡線啦妳有無咁鍾意果個呀俊呀？」



呀俊，係格離班男神。

成績好，靚仔，有錢。

同呀汶一班，而且上年仲成日都傳出佢同呀汶有野。

唉又真係幾郎才女貌既……

之但係呀肥雪，唔係，而家係女神樣既呀雪好似暗戀左呢個呀俊足足三年。

原因好撚弱智，因為有次呀雪跌左個袋，呀俊幫佢執番。

唔知以為睇緊廣告。

而家仲要為左個俊變成一個女神。



俊，邊撚度俊呀？睇過？

「檢測宿主身體機能異常。心跳快速，定義為緊張。喂撚頭你鍾意呢個女仔呀？」

係呢個時候粗口ＶＥＮＵＳ把聲又係我耳邊響起。嚇撚到我差Ｄ大叫。

「喂唔好忽然間出現得唔得呀？」

「手機可以幫你溝女呀。」

「呢個係我兄弟呀，溝咩女呀。」

「你對住兄弟會怕羞同心頭加速？能成為密友大概總帶著愛？」



屌，部電話而自己播歌喇。