《我，就係踩單車跌落渠果個肥仔》: 9

我就唔理粗口VENUS，同番呀雪講野。

「咁妳而家靚女左啦，咪去馬囉，一定得架！」

唔知點解明明係我自己講既野，自己聽落都覺得自己有Ｄ酸。

「肥冬你……係…係呀？咁我要點先引起到佢注意？」

屌妳咩，妳而家行步路都成大班厹望住啦，仲洗咩引人注意呀？



「哦好容易架姐，妳到時見到佢，扮跌多次書咪得囉。」

呢一該我覺得自己係一個智者。

「…得唔得架？」

點解以前咁豪氣既女仔，而家講野會怕怕羞羞咁架？！

「實得既，妳睇下妳而家幾靚？一定得！」



長澤正美喎，仲要係全盛時期果隻。

「你真係覺得靚……？咁…下個星期試下，你陪住我，好唔好呀？」點解佢以前講野無咁溫柔既呢？

………

任務觸發：「幫助李曉雪成功與陳俊逸交往，積分加十。」

屌！妳要我幫個自己有好感既女仔追第二個男仔？



「呀VENUS姐，點解會有個咁既任務呢？」

「無呀，見到你鍾意佢又死唔認，咪玩鳩你囉，正唔正呀？」

「如果電話有個泂，我一定大大力屌妳呀！」

「耳機果個囉，我諗同你都差唔多大細，你試下啦，最多到時我比Ｄ聲你聽下啦。」

實係上網搵呻吟聲啦！

「……」

我咁大個人都未試過憎一部電話。

「肥雪，妳真係鍾意呢個呀俊？」我望住佢雙眼。



「咩肥雪呀死肥冬，人地而家已經唔肥架喇，應該叫靚女。」

「係唔係真係鍾意果個呀俊。」

「……下……係……係呀……」

既然呀雪鍾意…咁我就…一定要幫到佢同呢個呀俊一齊！

因為佢係我最好最好既朋友。

…應該係