[教畜]私補通常都會補上床: 4.15

「喂 傻妹 」

「小姐 聽到我講野嗎 」「邊個害到我乖女咁......」

「女呀 你點解咁傻 」「Uncle...... 我諗有樣野你地應該要知道 」

讓我一直睡吧。

「呀Pat 我係Tracy呀 Kenny 比人炒左 係咪開心到彈起呢 」



「傻妹 你幾時醒」「佢仲昏迷緊 應該聽唔到」

好不想去面對這個世界。

「就係呢個o靚妹著紅裙自殺呀」「好恐佈 真係陰公 希望佢無事啦」

「喂 傻妹丫 我又黎探你啦」

我只想見到Hanson 一個。



「快D 起身啦」「呀Sir 拉到個衰人未」

還是，捨不得你阿。

「傻妹 無人蝦你架啦」

「係佢電話同電腦搵到證據」「等位小姐醒左要錄口供」

「Patricia！」



身處於白濛濛的病房之中，嗅到了醫院獨有的味道。

感謝主。

我沒有死。

還能感受到自己的心跳與呼吸。

坐在床上，看著護士為其他病人量血壓，病人之間聊天閒談。生活好像又回到了平靜的時刻。舒適的床，寧靜的房間，美麗的斜陽。其實我也想多活在這世界久一點，沒想到躺在病床上反而更讓人安心。

剛好有醫生巡房，見我醒了，便簡單做了一些檢查。然後吩咐護士替我拔出喉管。我不發一語，看著護士辛勤工作的臉。

呆望著天花，不知道自己睡了多久。翹了好幾天課吧，要是有分組project 那我死定了。

一個身穿制服的女警走了過來。



「小姐，你做咩事睇唔開要自殺？」女警問。

是阿，我為什麼要自殺呢？

明明錯不在我。

我可沒做過傷天害理的事。

我在逃避什麼呢？

「聽講你係著紅裙自殺，你一定好委屈先會咁做。」

我委屈嗎？那是恨意，我恨死了他。



「既然你連死都唔怕，咁你仲有咩顧慮呢？」

恨透了，那個毀掉我一切的男人。

「我......嗚......」本以為已經平伏了。沒想到一開口，淚又掉了下來。

女警坐在床邊，抱著我的頭，在我耳邊輕聲說：「唔洗驚，呢度無人會傷害你。」

我把雙腳合攏拉到身旁，慢慢向女警說出事情的來龍去脈。

「嗯，大致上我都明白，你可以放鬆D 先。」女警收起記事簿，然後輕輕搭著我的手。

原來我全程也緊緊握著被子的一角，手汗也讓被角沾濕了。

「我係咪好污糟......」



「污糟既係個衰人，你依然係純潔無瑕既女仔。姐姐一定會幫你教訓個衰人。」

女警摸一摸我的頭，然後離開病房。

我不想Hanson 接手我這個二手貨，我這個污穢的女人。

也許該打個電話給爸爸媽媽了，他們一定很惦記著我。

「爸爸。」

「呀女醒返啦？」

「係......爸爸，我......」聽到父親的聲音，又哭了起來。



「你既事，我同媽咪都知道左架啦。我地一定會幫你討回公道。唔好做傻事啦，我地得你一粒女，你出事我地都好唔開心架。好彩呢幾日Hanson 一直陪住你，又幫我地處理警察果邊既野......」

「爸爸，我唔想再見到Hanson。」

「下？」

「我唔想見到佢。」

「點解呢？佢明明係你......」

「總之我唔想啦！」不小心大叫了出來。

「好好好，你唔好咁激動，休息多d。聽朝我同媽咪黎探你呀下。」

掛上電話。我好想念Hanson 。

我也不知為何不想見他，總之就是不想見到他。我不要他看到我現在這個模樣。

但我真的好想再見他......好想撲進他的懷中......

我已經不是那個只屬於他的女人了。

我覺得自己不乾淨......

又睡了兩天。Hanson 果然沒有來，有點可惜。不知道我爸是怎麼讓他不要來的。這也不錯，就讓他慢慢放下我吧。終於醫生說我可以出院了。

「等媽咪拎啦d 野，爸爸出去截車先啦。」媽媽幫我提著袋，爸爸在馬路旁截了一輛的士。

「呀女慢慢行啦，我一早叫左的士係出面等啦。」

坐上的士，好久沒有與雙親這樣一起相聚了。

「過幾日你身體好D 既話，爸爸陪你去落份詳細口供。」爸爸說。

媽媽緊握著我的手。我眼凝著淚，忍住不哭。

「Hanson 都真係幾好仔，一直等你醒......」

「我同hanson 講話呀女早兩日出左院之後即刻去左另一個親戚到住，佢就無再黎過啦。不過有時好似係樓下望到佢。」

實在忍不住了。想到Hanson 一個人坐在樓下，只為見我一面，心就有點難過。

「如果唔係佢發現件事......我諗我地兩個仲咩都唔知。」

「呀女，你要勇敢D 呀。」

「好彩得佢。」

「係，真係好男仔。」

正因為他是個好男孩，我才配不上他。