《妳做咩將成碗譚仔倒落我個頭上面！？》: 副章一 : 芷翹視角篇

 
( 副章一 )
 
芷翹視角篇
 
        食完SUBWAY之後，我就同珞仔拖住手咁係中環海旁散步。
 
        我地緩緩走到一張長凳上面坐低，然後欣賞著眼前一大片橘紅色的落霞。
 
        依家呢個景色，真係好靚、好完美。


 
        或者，我同珞仔之間既感情依家就好似呢個景色咁，美麗得像一個童話故事。
 
        但係好可惜，
 
        「夕陽無限好，卻是近黃昏。」
 
        無論眼前既風景再優美都好，最終也必定不能一生一世。
 
        最終，紅霞仍是會不敵黑夜的降臨。


 
        而我同珞仔之間既感情......最後是否亦都會好似咁樣，在美好過後就是分手？
 
        即係話......珞仔係將來就要離我而去......？
 
「珞仔，呢個景色真係好靚啊可？」我嘆了一口氣。「但有時我會係到諗，一件事太美好，其實係咪唔好架呢？」
 
「就好似夕陽咁，佢雖然美，但亦好短暫 ; 又或者好似黃昏咁，佢雖然好靚，但之後迎接佢既會係一片空虛既漆黑。」
 
        「芷翹......」珞仔一臉苦澀咁望住我。「其實你係咪有d咩想同我講？」


 
        哈哈......果然係我體貼既男朋友呀下，咩野都瞞唔過佢既......
 
        「嗯。」我內心既愁悶不斷咁溢出。「我有時係到諗，我地之間好似太美好咁。」
 
「當然啦我好享受呢種感覺，亦都好想繼續咁樣落去。」
 
「之但係世事從來都唔會咁得償所願架麻！或者……呢個咁美好既情景，只會好似陳奕迅既歌詞一樣，『夕陽無限好 卻是近黃昏。』」
 
「所以……我好驚我地之間既感情……」講到呢到，我竟然已經哭不成聲，說不下去。
 
我緊握拳頭、一臉不安咁望住珞仔。
 
        只見珞仔先係一臉驚訝咁望住我，但之後好快就轉變為一個堅定既眼神。
 


        突然間珞仔一手扯左我埋去攬住我！
 
        佢係我耳邊輕聲咁講 : 「芷翹，你唔好唔記得，黑夜之後，又會係一個美好既清晨。」
 
        「我地兩個唔係已經經歷過幾個黑夜架喇咩？阿娜個件事，情人節個件事，仲有你生日個件事。」
 
        「但係我地最後都一一捱過左。」
 
        「每一次捱過後，我地都會再次見到清晨既太陽。」
 
        「呢一個個既太陽，唔係就已經係我地感情之間最好既證明喇咩？」
 
        「所以，我地無需要去害怕未來既事，因為未來係無人知曉架。」
 
        「我地可以做既，就係珍惜現在，緊握對方既手。」


 
        「相信我啊芷翹，我一定可以俾到安全感你，令你不再擔驚受怕。」我將芷翹擁得更實。
 
        珞仔既體溫好暖好暖，令我不安既內心頓時消失得無影無蹤。
 
        無錯喇......其實正如珞仔所講咁，未來係點無人會知。
 
        所以我應該相信珞仔，相信自己，勇敢咁迎接我地既未來！
 
        「珞仔……」我沙聲咁講。「好多謝你……」
 
        珞仔，我愛你！
 
        ***
 


        終於都黎到今日喇！
 
        今日，係珞仔去尖沙咀見亞瑟伯伯既大日子！
 
        希望珞仔能夠成功啦！
 
        如果真係得左既話，我就可以同珞仔去法國喇，嘻嘻~~~
 
        苦等左成個下晝之後，珞仔終於打俾我！
 
        「喂，芷翹呀？我仲未走得呀！」珞仔一打黎就好攰咁講。「不過一陣間就會有結果架喇！所以我想約你今晚7點鐘係你樓下等，到時講個結果俾你聽！」
 
        乜珞仔佢咁識搞氣氛架，搞到我鬼死咁期待！
 
        「車，懶神秘咁，電話講唔得架咩！」我笑住咁講。「不過算啦，一於就7點鐘準時係我樓下等啦！」


 
        「我到時會等你既好消息架！」
 
        「嗯，好啦！」珞仔好開心咁講。「一陣見！」
 
        收左線之後，我就不停咁係屋企到搵野做分散注意力，廢事依家就緊張到心臟病發。
 
        我望一望窗出面既景色。
 
        「嗯......就落雨喇喎......」
 
        去到六點幾，我就攞住把遮落街，諗住周圍行下先之後再直接去地鐵站搵珞仔俾個驚喜佢。
 
        一落到樓下我個電話就響起。
 
        唔通係珞仔搵我？
 
        我攞出手機一望，咦，係阿娜喎！
 
        「喂，阿娜~~~？打俾我做咩呀！」我一路接聽電話，一路行過去韆鞦附近既位置。
 
        「芷翹......求下你......俾阿珞留係我身邊啦，好無？」電話既對面傳來阿娜酸澀既聲音。
 
        我聽完之後，呆左咁企係條路上，腦海中不停地回想起當日與阿娜既比賽約定。
 
        阿娜......點解你要講呢番說話？
 
        你明知咁樣係犯規架......
 
        此時，天空開始下起滂沱大雨。
 
        ***
 
        同阿娜傾完電話之後，我無視著雨水既洗禮，獨自站在路上。
 
        雖然我真係好唔想珞仔離開我，之但係阿娜依家相比於我的確更加需要珞仔......
 
        所以，我唔可以咁自私，唔幫阿娜架。
 
        此時珞仔走到我面前，然後同我僵持左一陣。
 
        唔可以再係咁架喇！再係咁既話，我怕我會反口唔俾珞仔走......
 
        無錯喇，我，要做得再決絕一d。
 
        我用盡身心上所有既力氣，對住珞仔講 :
 
        「我地......分手啦。」
 
        ***
 
        分手之後，我拖著濕透既身體番到屋企，然後直接躺在床上。
 
        係床上面，我攬住張被一路喊、一路喊。
 
        「珞仔......珞仔......」我不停痛哭地叫著珞仔既名字。
 
        點算呀......我依家已經好掛住珞仔......
 
        珞仔，請你原諒我既絕情啦......
 
        在一片哭泣聲中，我漸漸睡著。
 
        「芷翹......」突然有一把聲音在叫喚著我。
 
        於是乎我就想張開雙眼望啦，點知竟然攰到開唔到。
 
        然後我就從身體既觸感中勉強feel到自己正在被人背起。
 
        「芷翹......你唔好有事啊......」那個背著我既人不斷地哭泣著，並且不斷地叫喚我著的名字。
 
        一陣熟悉既體味不斷從前面背著我既人身上發出，然後傳進我的鼻子裡。
 
        佢......係珞仔......
 
        「我好愛你啊，芷翹！」珞仔已經哭不成聲。
 
        聽著他的聲音，嗅著他的味道，令我多麼想張開眼望一下他。
 
        「我都好愛你啊，珞仔......」我用盡身上所有氣力道出呢番說話，然後就再次睡下去。
 
        大概，我呢番說話應該微弱到珞仔佢唔會聽到。
 
***
 
        日子就好似沙漏裡面既沙咁，一點一滴隨時間流走。
 
        唔經唔覺，我同珞仔已經分左手幾個月。
 
        係呢幾個月黎，我每一日都扮演住開朗既角色。
 
        我好想呃人地，好想呃珞仔，好想呃自己，去同大家講我已經無晒事。
 
        但其實我心知，我自己只係希望藉此掩飾內心對珞仔既記掛。
 
        今日媽咪去左打牌，所以只有我一個人係屋企。
 
        「珞仔聽日就要同阿娜去法國喇......」一諗到呢到，我就好想喊咁抱住枕頭。
 
        不過，要流既淚早就流乾，所以我喊唔出。
 
        究竟我去唔去送珞仔機好呢？
 
        我真係好想好想送，但係又怕自己會忍唔住講晒所有野出黎，唉......
 
        諗下諗下，我竟然訓著左，一訓就訓到下晝。
 
        「嘩，已經成7點架喇？！」起身之後我望住手機驚訝咁講。
 
        於是乎我就走左去梳洗。
 
        「叮噹！」突然間門鈴響左起黎。
 
        「唔通媽咪無帶鎖匙？」我用毛巾抹住個頭咁去開門。
 
        「小姐你好，請問你係咪歐陽芷翹？」打開門之後出現係我眼前既係一個速遞員小子。
 
        「嗯啊。」我馬上放低條毛巾。
 
        「呢到有一份急件，請小姐你簽收。」講完之後小子就指一指佢身旁既一個大紙皮箱。
 
        呢個箱唔講得笑架，高度有成一米！
 
        「咁大份文件？！」我有d驚咁講。「請問你知唔知裡面係咩黎，而佢又係邊個送既？」
 
        「呢兩條問題我都唔知道，因為我地要遵守私隱條例，sorry！」小子R住個頭咁講。
 
        「嗯，咁好啦唔該晒。」我都廢事再阻住人喇，所以直接簽左。
 
        「唔洗唔該，byebye！」小子向我道別。
 
        於是乎我就攞住個大紙皮箱番入屋。
 
        老實講，個箱裡面d野又硬又重......
 
        「究竟係咩黎架！」我諗都無諗一野就「界」開左個箱。
 
        打開左之後我發現箱裡面有幾樣野。
 
        一支用袋藏好既結他、一個拆左件既畫架、一幅卷埋左既畫布。
 
        仲有，一封用純白色信封藏好既信。
 
        我直接抽左封信出黎睇。
 
        原來d野......係阿修寄俾我......致 芷翹 : 
        睇完之後，我呆左咁企係到。
 
        呢d野......係阿珞想送俾我既？
 
        我望住個結他，腦海中突然浮起一段久違既記憶。
 
        係個個男仔彈唱完幾首英文情歌之後，我陶醉咁對住珞仔講 : 「其實男仔識彈住結他唱歌真係好有型！如果第時我既男朋友可以望住我自彈自唱就好lu~~~」
 
        我緩緩重新砌好畫架，然後將畫布釘上去。
 
        「珞仔......」望住眼前呢幅畫，我既淚再不乾涸。
 
        因為我呢d，唔係傷心既淚水，而係感動既淚水。
 
        「《我的兩個小孩》嗎......」望一望畫布背面寫住既畫名。「珞仔正一大傻瓜......」 
 
        此時內心突然有一股暖流急速流動全身，最後化為一種無比既推動力。 
 
        呢種力量話俾我知，我一定要係珞仔去法國之前見一見佢，然後向佢表明自己既心意。 
 
        於是乎我立即將所有野搬晒入自己間房既衣櫃旁邊。 
 
        「等我啊！」臨走前我回眸一眼咁望幅畫，然後就馬上穿起鞋子，向珞仔屋企進發。
 
***
 
        「珞仔佢今日一早就出左街喇喎！」珞仔老豆講。「一係你入黎等佢囉！」
 
        「唔洗喇uncle！」我笑住咁拒絕。「我自己去搵佢得喇！」
 
        你問我點解唔入去等？
 
        試問一個已經浪費左3個月時間既人，又點會願意再浪費多一分一秒黎望天打掛等運氣到？
 
        道別之後我就落番樓下。
 
        係呢個時候，我既電話響起左。
 
        我打開一睇......係阿娜......
 
        究竟佢搵我做咩？唔通......阿娜想同我講佢同珞仔一齊番？
 
        我害怕咁按下接聽鍵，然後將手機放係耳邊。
 
        「喂......」我首先開聲。
 
        「喂？芷翹？」阿娜既聲音聽起上黎好似係想請求我原諒咁。「我有樣野，好想係去法國之前同你講......」
 
        唔通......真係俾我估中左？......
 
        「嗯......你講啦......」我已經無力再說話，惟有靜靜咁挨左係牆邊。
 
        「芷翹，我好想同你講......」阿娜深呼吸左一下。「我已經決定左，唔會再要求阿珞陪伴係我身邊。」
 
        「下？！」我如夢初醒咁企直左個人。「點解咁突然架？！你唔係好愛珞仔架咩？！」
 
        「的確，我係好愛阿珞。」阿娜嘆左一口氣。「不過已經係以前既事。」
 
        「自從老豆走左之後，我對阿珞既愛已經變左質。」
 
        「我諗，我依家只不過係單純咁需要阿珞，需要一個熟悉既人陪伴係我身邊。」
 
        「所以，我唔可以再為左一個咁自私既理由而抹殺你同阿珞之間既感情。」
 
        「當初，係因為我既幼稚，令到你同阿珞要被迫分開。」
 
        「所以依家，好應該由我黎道歉，親手補救。」
 
        「我之前已經講晒所有野俾阿珞聽架喇，而我都知道佢一定會追番你。」
 
        「芷翹，求下你，到時候一定要勇敢D向阿珞表明心意呀！」阿娜沙啞咁講。
 
        「阿娜......」我既情緒不禁變得波動起上黎。「我一定會架！」
 
        收左線之後，我就開始準備人肉搜尋。
 
        由珞仔家樓下開始起步，去到旁邊既足球場，再到apm，再到商場，再到自己屋企樓下既韆鞦，我一一都搵過晒。
 
        可惜，都係唔見珞仔既身影。
 
        「我唔會放棄架！」我向天大叫左一聲，然後繼續前行。
 
        突然間，我聽到身後既譚仔裡面傳出一陣陣既熱鬧聲音。
 
        無錯喇，我都仲未搵過呢到！
 
        點解我會咁蠢架！
 
        「珞仔，你一定要係到啊......」我心裡暗自祈求著，然後一步步往譚仔走去。
 
「喂，佢係咪痴線架，咁樣倒自己都有既？」
        「依家d香港人大壓力呀，所以咪多左d痴線佬囉！」
        「哈哈，佢好撚on9！」
 
        一句又一句刺耳既聲線不斷係譚仔傳出。
 
        我走到入去，發現聲線既方向都係對住一個人。
 
        呢個人全身濕透咁企左係譚仔既當眼位，低頭哭著。
 
        望住佢，我既心就好似被溶化了一樣。
 
        「男人老狗係到喊，係咪on9架！」一個mk仔道。
 
        「咪臭係！」旁邊一個師奶和議。
 
        「呼......」我深吸了一啖空氣，然後裝著恥笑咁對著「他」說 :
 
        「哈哈~~~其實我真係好想知道，點解你會自己倒自己咁蠢架？」
 
        你想見我姐......都唔洗倒自己咁蠢架麻......
 
        珞仔。