當呀思收線之後我就準備去沖涼,我抱住要改變既心態企入左花灑低享受住水珠打落身上果種感覺。我比起平時更加仔細咁沖洗我啲頭髮,我撥一撥頭髮 見證左香港首次落雪既一瞬間 然後我就情不自禁唱起李克勤既飛花
「綿綿頭上飛花 散聚了無牽掛」

平時我都唔會介意身上有啲咩異味,但係今日開始我會喇。
我拎起漱口水淋落個身到,我記得漱口水係可以殺菌同抗菌而異味就係細菌搞出黎。
沖身果一瞬間 敏感位置超冰涼~ 超爽~ 搞到我個身唔自主咁震左幾次。

我真係天才 我沖完之後異味消除左而有一股綠茶既氣味沖擊我嗅覺,因為我係用綠茶味漱口水,我老豆老母就岩岩見我係浴室出黎就叫我食飯。

當我仲諗緊今日係食腐乳撈飯定係豬油撈飯既時候我見飯枱上有乳豬又有大閘蟹我就R哂頭。




我就問我老母
「今日咩日子 做咩咁好餸 中左六合彩?」

老母就葸葸縮縮咁講
「無...」

老豆一到食住乳豬咁插把嘴埋黎
「今日有收買佬上左黎 佢見到你檯面上面有個公仔佢用10萬收 我地唔通唔賣咩」

我心諗唔會掛 之後我就沖左入房發現 我個冰火版真天魔透明公仔唔見左





我走返去我老豆老母面前諗住理論之前我老豆就拎出一疊銀紙
「拎去喇 依到五萬」

我一手接住果五萬笑住咁(哼)左一聲

唉佢地話哂都係自己父母都廢事嘈更何況個公仔我本身都想放 不過就係搵唔到渠道去放 所以我都唔講咁多就開開心心咁同父母食依餐飯。

我同老豆老母食完飯之後機都唔打就準備去訓 訓之前我偷左老母一塊護舒寶





我係護舒寶上面開左個窿用黎呼吸 因為我睇廣告佢吸野吸得好快所以我拎左黎吸我啲面油,正所謂 一秒瞬吸自信Stand up
今日實在太攰喇都係早睡早起身體好 之後我一攤上床就訓著左。
已有 0 人追稿