一個被MK妹改變既毒撚: 緣

「係邊到死嫁... 邊個殺架... 原因呢...」

呀思開始低頭用雙手掩住塊面係到顫抖 我只好輕輕掃背
「果時 呀哥出左去打比賽陪唔到佢去長洲 果時計埋佢女朋友只有三個女仔 所以被個強盜睇中左... 係夜晚既時間俾佢洗劫 殺死既 但係最後個強盜都自殺...」

長洲? 強盜? 唔通... 兇殺現場就係我地之前租果間房...唔會掛...

「思... 你呀哥個女朋友係唔係死係小築果邊 」

呀思個樣好驚訝...



「吓... 勤你點知嫁...」

仆街 真係果間 估唔到隻鬼唔搞呀思，只係搞我一個...
「唔知你信唔信都好... 我地長洲租果間屋就係兇殺案現場」

呀思望實我

「你話果間就係... 杞姐姐死既地方... 我地仲係果地搞野...」



死喇點解釋好呢...
「我返左黎先知... 個屋主返左黎先同我講...」

咪住先...杞 個名咁熟... 啊 呀晴講過...隻鬼叫呀杞...