我諗返起套衫,我今日拎左返黎之後我放左入房,所以我就入房拎俾呀思當生日禮物。

我拎果一套衫出黎,俾左呀思。

由於我買果套唔係愛莉既校服而係愛莉既街衫。所以應該唔會俾我老豆老母知

俾果一刻好地地,我老豆老母無發現有咩問題。

不過...





呀思話想試下著上身果下出事

呀思拎左入厠所換。呀思行開左之後我老母就問我。

「你狗人老狗去買女仔衫有無俾人當變態...」

我老豆果一刻幫我講說話
「咁你就唔好逼我幫你買衛生巾喇 藥房啲仆街真係當我變態 個仔錫條女咪買套衫俾條女囉」

我心低認同老豆但係講唔出口 因為我老豆真係變態...我依稀記得我細細個佢拎錯左我條底褲當係老母條底褲咁索 果一刻我已經... 都係無野喇 





當呀思換好衫出黎果一刻。我老豆個樣無拿拿變得好愕然

「依個咪愛...」

「係啊 係充滿愛選擇出黎既衫」
我打斷左我老豆

由於我老豆都係影片鑑賞家,就岩岩佢講左個愛字之後我已經知道佢都係同道中人。
我唔知佢幾時開始由歐美變左睇動漫,不過應該都有佢既苦衷。





點知呀思唔知係唔係天然呆定咩佢唔知我岩岩幫佢打圓場
「嘿~ 係啊 世伯 係愛莉啊 」

我老豆單手搭一搭我膊頭然之後就對我會心微笑
「仔 你都得喇 我幫手開枱食飯先 你慢慢愛莉一下!」

佢就拖左我老母入廚房 拎岩岩買既飯盒出黎食飯 但我老母一直都好迷惘,應該都唔知果一套係咩黎。
已有 0 人追稿