【渠底奇兵】《我，就係踩單車跌落渠果個肥仔》（已爛尾）: 06

第二朝起身呀汶已經出左門口。 

我諗呀汶應該係唔想同我一齊出門口比人見到。 

「叮噹！」有人按鐘喎，居然係呀汶。 

「呀冬早晨呀！我買左早餐比你食呀。」 

哇！女神幫我買早餐？！ 



「我？早餐？」 

「係呀～」 

「姨姨話去打牌呀，今晚我地兩個人食飯喎。」 

同女神兩個人單獨食飯？點解幸運可以黎得咁快既？ 

但係一諗起聽日要幫個靚女向第二個男仔表白我又有Ｄ唔開心。 



係喎呀汶同果個呀俊同班架喎，問下都好。 

「係呢呀汶…你識唔識…陳俊逸呀？」 

「呀俊？點解咁問，我識呀。」 

「佢份人係點架？」 

「嗯…都幾好架，讀書好好，同幾有風度囉。」 



「咁係咪好多女仔都鍾意佢架？」 

「下……我…我諗係掛…」 

呢個時候ＶＥＮＵＳ居然又出聲 

「檢測鍾智汶身體機能異常。心跳快速，定義為緊張。」 

「即係點呀？佢唔舒服呀？」 

屌妳唔撚係下話…妳意思即係…… 

「傻仔，人地都鍾意陳俊逸呀！」 

俊？邊撚到俊呀？！！！！！ 



我按捺住自己既怒氣，同汶繼續對話。 

「係呀…咁佢又真係幾靚仔既，可？」 

「嗯………」 

我有預感，呢個呀俊，會係我中學生涯中最大既敵人！ 

到左夜晚，我都開始肚仔餓，所以就諗住問下一路溫緊習既呀汶食咩啦。 

「呀汶妳想出去食？…定係落街食呀？」 

「你傻左呀阿冬？出去食咪即係落街食囉。」呀汶笑起上黎對眼有臥蠶架。 



「呀…又係喎…哈哈。」始終第一次同女神咁近，真係好易講錯野。 

「不如我煮野比你食啦！」 

？！？！？！？！ 

「妳…妳煮食比我食？」咁大個仔唔係講笑，除左男人版本呀雪同呀媽之外，真係無第二個女仔會煮野比我食。 

「係呀…以前呢我都好鍾意煮野食架，成日煮比媽咪試架！」唔知係咪提係左佢媽媽，我感覺到佢語氣又開始沉左落黎… 

「好呀！妳放心啦我一定會食曬佢架。」癡線，肥仔最叻係咩呀？食囉屌你。

「任務觸發：吃光今天晚上鍾智汶所煮的食物，積分加五。」 

屌，咁即係咩意思？即係好難食啦。五分？喂幫呀雪溝仔咁難既事都只係得十分。 



而家食餐飯都五分，到底可以有幾難食呀？ 

說時遲那時快呀汶已經行左入廚房。 

迎接住我既，到底係咩野暗黑料理？ 


當我坐係度望住呀汶拎住菜心炒牛肉，火腿炒蛋出黎既時候，我就知道成件事到底有幾伏。 

其實我坐左咁耐，已經聞到有唔妥。 

要我形容下果兩碟野，其實無咩問題，至少個樣係菜心、牛肉、火腿同蛋。 

或者其實唔係好伏呢，都好似放到落口。 



「呀冬，食得喇。」 

呀汶一臉笑容可掬咁望住我，似乎好期待我食左之後可以比到Ｄ世界級既評價。 

唉濕撚曬都唔撚驚，我會怕妳煮既野？ 

但當我放左條菜心入口之後，我就知道呢個世界原來係有咁難食既野。 

好甜…甜到好似同時食緊二十粒牛奶糖咁甜。都唔係問題，但係點解會有一股哈利波特怪味糖果種臭雞蛋味？ 

再試試牛肉，我一咬落去，喂入口即溶，屌妳正呀喂。 

但係味道，就好似含緊一千條花旗參咁… 

都唔緊要，食下火腿炒蛋，火腿無問題，但係蛋………係嘔吐物味… 

大佬呀，無限栗米湯係條女自己食番自己既野，但係而家我就好似要食人地既嘔吐物咁。 

望住半水既滑蛋，我終於明白點解係會加五積分。 

「好唔好食呀？」當呀汶一臉真誠咁望住我，我唯有微笑點頭。 

於是佢自己都起筷。 

咪住先，點解佢可以食得咁快咁滋味？佢無味覺無嗅覺架？！？！？！ 

「粗口VENUS！點解會咁？點解咁難食呀汶都可以食得咁高興？」 

「邊個話難食呀？」 

「下，咁都唔難食？」 

「只不過係手機改變左你本身既感官，你先會覺得難食。正常黎講佢煮得有幾好，你放落口就會有幾難食。」 

我諗我真係需要考慮買個電話耳機防塵塞對付一下VENUS.(電話耳機防塵塞用黎屌佢)