「肥冬今日食左咩呀?」番到課室呀雪已經係度喇。 

「唔記得喇,妳呢?」 

「食左街口新開果間餐廳呀!好好食架!個飯既配菜仲有燒茄子呀。」 

如果比你見到長澤正美咁興奮地同你講佢下午食左D咩,你會比咩反應? 

緊係野都唔講,打番個茄輪先啦。 



諗就威,做就雞。 

「我都唔食茄子既。」 

「你真係唔識食呀肥冬!!」 

我諗之所以呀雪會咁開心,並唔係因為食左咩,而係因為同邊個食姐… 

「點呀?同個呀俊做左朋友未呀?」 



「嗯嗯!我同佢交換左電話喇!」即係果晚真係同呀俊狂whatsapp啦… 

「咁咪幾好囉。」 

「咁我跟住要點做呀肥冬?」呀雪又扯住我隻手係度搖。 

妳知唔知我真係好想出一條屎橋比妳,令到妳連朋友都同佢做唔到呀!! 

唉…呀雪份人率直天真,我只係希望佢唔會比人蝦同呃…… 



「拿,講野唔好講曬全部內容,大概六成就夠,要有神秘感先得,另外whatsapp唔好有規律咁覆,同一定要慢過佢。」 

唔好以為我好叻,我只不過係睇高登故學番黎…… 

「跟住呢?」 

「跟住妳自己鍾意啦…保護好自己呀唔該。」 

「知啦,你當我傻架咩?」 

唔係當,而妳真係低低地能咁。 

叫我如何不擔心? 

----------------------- 



「粗口妹。」我伏係度用個心召喚venus。 

「做咩呀肥撚。」哈哈,唔知點解我開始覺得有親切感喇… 

「妳話如果我幫呀雪到呢個呀俊一齊,佢會唔會好開心?呀俊係咪好人黎?」 

「邊個同自己鍾意既人一齊會唔撚開心架?至於陳俊逸好唔好人喇喎,我點撚知呀?!」 

雖然VENUS次次比我既答案都係垃圾,但係往往會比到信心我去堅持一D野。 

呀雪………等我加把勁幫妳啦……

今日好早已經番到屋企,一邊開住個高登故睇一邊同VENUS吹水。 



唔講得笑,我真係好似玩緊love plus咁。開住聲講仲過癮! 

「喂粗口妹,我想問任務可唔可以取消架?」 

雖然我話就話幫呀雪,但係我又點會心甘情願? 

「你死撚左咪取消到囉。」 

「如果妳有一日唔講粗口,妳會唔會輕機?」 

「對住你真係好難唔講粗口架喎肥哥哥。」 

「你鍾意咩公仔?」 

「做咩呀?」 



「不如史迪仔啦,我見妳係mon入面成日著史迪仔。」 

「咩呀?」 

「買電話耳機位防塵塞呀,唔係點屌妳呀,到時叫大聲D呀知唔知?」 

「任務觸發:取得歌唱比賽第一,加五分。(失敗者倒扣積分。)」 

「下?」 

「任務觸發:設法於明日與李曉雪共進午餐,加三分。(失敗者倒扣積分。)」」 

「咩話?」 



「任務觸發:與鍾智汶身體接觸長達五分鍾,加三分。(限時一星期,失敗者倒扣積分。)」 

「對唔住呀粗口妹,呀唔係!對唔住呀女神venus,妳放過我啦。」 

「你岩岩話要買咩比我呀?死肥冬?」 

「無呀我話我想去買個史迪仔手機套,同埋買張磨沙mon貼,好好保護妳,妳知妳對我有幾重要架啦。」 

「任務觸發:購買史迪仔手機套與磨沙貼,加三分。(限時五天,違者倒扣積分。)」 

「屌屌屌屌屌妳!屌屌屌屌屌屌屌屌妳! 屌妳! 屌屌! 屌屌! 屌妳! ………」今次我真係嬲到拔萃校歌都唱埋出黎! 

「任務觸……」 

「對唔住呀我唔敢喇,妳放過我啦。但係點解要倒扣呀,之前都唔洗架?!」 

「因為本少姐心情唔好。」

正當我同VENUS姐傾得興起既時候,呀汶已經番到黎喇。 

「呀冬你做咩自己同自己講野呀?」頂,我次次見無人既時候都係會開聲同VENUS傾計,點知今次比呀汶撞正。 

「無呀無呀,我練朗誦呀,夕陽度西嶺, 群壑倏已暝。松月生夜涼, 風泉滿清聽……」 

「呀冬你有參加朗誦比賽架?」 

「下無呀~~我尋日聽到隻歌係呢首詞,咁咪想詳細了解下囉。係咁既,隻歌係一個高登仔填既……」 

於是我咁就帶左佢遊花園。 

屌,我而家咁撚多任務要做。 

不過得番7分,做下任務都好既…… 

但係…歌唱比賽?唔好話唱歌啦,多人少少我連講野都淆淆地呀屌。 

搵呀雪食飯就易啦;但係我點有可能同呀汶拖到三分鍾手呀?!! 

唔通同佢講:呀汶比隻手黎。 

咁呀? 

又或者同呀汶係一星期之內成為好到不得之了既朋友。 

屌好朋友都唔會拖手啦。 

至於溝佢做女朋友更加唔洗講,我呢個肥毒撚有可能咩?
已有 0 人追稿