【渠底奇兵】《我，就係踩單車跌落渠果個肥仔》（已爛尾）: 12.5

「呢個呀池份人都幾正直喎！」今日又係我同呀汶一齊睇故既時間。 

我第一次啦咁想呢位西野巴打可以日日出文，出多Ｄ文！ 

因為佢出既文只係夠我同呀汶拉近距離五分鐘。 

「係囉，有食都唔食真係罪大惡極呀。」講真啦我今日下午已經睇左兩次。 

「呀冬你地男仔其實係咪咁想要果Ｄ野呀？」女神忽然進入左一臉不解既認真mode。 



「下……咁又唔係…既，我覺得好睇本身果人既性格既…」咁我唯有諗清楚先答佢。 

「係咩…咁如果呀冬你有女朋友，你會唔會想同佢咩架？」呀汶妳想問就問啦。 

想唔想同女朋友扑野呢Ｄ咁既問題簡直無聊，邊個會唔想？ 

「無啦啦妳做咩問Ｄ咁既問題呀？」 

「無呀好奇姐。」女神汶真係一個好奇寶寶。 



「ER…咁我又未拍過拖，我都唔係好清楚既…但係如果我既女朋友係唔想既話，咁我就點都唔會架啦！哈…不過我肥仔邊會有囡鍾意。」 

「哦……原來係咁樣呀。呀冬你唔好咁講啦，我記得你中二既時候都幾?架。減番少少咪靚仔曬囉。」女神都開始安慰我。 

屌妳啦咪又係因為妳我先會成為而家既肥冬。 

「嗯嗯！等我聽日體育堂跑多幾個圈先！」 

「係喎呀冬！聽日我地兩班一齊上體育堂喎。」 



同三大女神一齊上體育堂？！鳴啊。

我地學校係幾奇怪，會兩班合埋一齊上體育堂，而今年時間表編左我地兩班一齊上。 

呀汶果班多女仔，得５個男仔；而我地班就廿幾個男仔，十個女仔。 

可能係拉番個平衡咁啦。 

不過其實都係男仔有一個老師，女仔有一個老師，唔會一齊教。 

不過聽日可以離遠望下呀汶做運動個靚樣都唔錯喎！