【渠底奇兵】《我，就係踩單車跌落渠果個肥仔》（已爛尾）: 26

星期日我一起身就唔見左呀汶，而我就打機打到訓覺～ 

說時遲那時快就到星期二既放學。 

「我地一陣４點見喇肥仔～」 

其實我放學前果堂係空堂，不嬲都無咩野做，所以就落左去canteen飲朱古力奶。 

點知一落到去就見到約左我既馬家晞。 



「肥仔你都走堂既？」 

「我空堂呀！妳都係呀？」 

「唔係呀～我想飲朱奶咪落黎囉！」佢講完仲要貶一貶眼，好鬼得意。 

不過份人就有少少古怪囉。 

「妳鍾意飲朱奶架？」 



「係呀，你都鍾意？」 

「係呀勁鍾意！」 

諗起以為最鍾意就係同呀雪兩個係空堂走落去canteen飲朱奶…但係今日空堂既佢都唔知去左邊。 

「請你飲丫肥仔，不過唔好飲太多，肥死你。」馬家晞掉左盒朱奶比我。 

「哇點解妳買兩盒咁得意既？」 



「你唔覺得飲一盒唔夠咩肥仔？」 

呢條女真係short short地架！！不過佢一路好認真啜緊盒野既時候真係好可愛。 

「行喇肥仔～」 

於是我地就一人拎住一盒朱奶啜住行上音樂室。 

行到音樂室門口唔知點解我聽到一把熟悉既聲音。 

而馬家晞已經推門而入，佢真係好鍾意推門。 

入面既人，係一對男女。 

呀雪，同埋呀俊。



我飲緊朱奶既口馬上Ｏ左。 

「肥冬，點解你會係度既？」呀雪即該走過黎同我打招呼。 

順手拎左我盒朱奶去飲曬。Hi妳我飲左一半都未有。 

「下………我經過姐………」 

佢同呀俊兩個人，係度做咩野？去殘廁會唔會好少少？都係多幾步路姐。 

「我同呀俊係度試緊歌唱比賽唱咩歌呀！」佢用眼神表示比我知佢好高興 

馬家晞反而望住左呀俊，開左聲。 



「我同肥仔book左4點至6點既音樂室，你可以走喇。」果種語氣cool過粗口妹。 

而呢個時候呀雪錯愕咁望住我。 

「唔好意思。呀雪我地去第二度啦。」呀俊好順攤回應。 

而我都親眼望住呀雪，伴隨住呀俊既身影消失。

「馬…馬家晞，做咩事呀？」我唯有問呢個忽然間變cool既馬家晞。 

「都話叫我呀晞得囉～～肥仔，我請你飲既朱奶你做咩比左人地飲呀？！」語氣又變番之前咁玩味。 

「下……下……我…」 

「呢個就係肥仔你鍾意既女仔呀？」 



「下…下……唔…唔係呀，好朋友黎。」 

「我幫你手追到佢，好唔好！？」 

「下…下……？」 

「下咩野呀肥仔？」 

「點解妳頭先咁cool既？！」我真係好想知佢岩岩做咩。 

「無呀，我純粹睇果個呀俊唔順眼囉～～」 

「點解呀？」 



「肥仔你咁逗趣既，睇唔順眼都要點解？你唔覺得條友成日以為自己好靚仔咁，自己係神，人地係屎咩？我最憎呢Ｄ人。點啊肥仔，我幫你手追岩岩果個女仔，好唔好呀？」馬家晞忽然間搭住我。 

其實佢講得無錯，呢個呀俊的確有一種優越感，令人有少少反感。 

「癡…癡線既妳都。」 

「唔要就算～我地夾下歌啦肥仔。」 

呢個馬家晞唱歌好向左走向右走好聽，至少好聽過super girls個yanny多多聲。 

都唔知做咩要搵我呢個肥仔合唱。佢到底諗緊咩架？！ 

最後我地決定左要唱好心好報，最Ｋ既一隻歌。不過佢個樣咁似stephy同yanny，我扮個肥小方都唔錯。 

「肥仔要做下運動練下氣喇知唔知呀，上次睇你咪跑得幾快。」 

咪住先，妳明明係Ｄ班，點解會睇到我跑步架？ 

「下？妳點會睇到架？」 

「果陣我岩岩係canteen飲緊朱奶，覺得你好有趣。明明一開始都無諗住要跑，但係後尾又傻更更咁衝左上去，仲過埋果條呀俊。」 

即是其實我既Seven跑同時比全form４大女神見證住暈倒既一刻。 

「………」 

「不過你咁渣架肥仔，一跑完就暈低，笑死人咩。」 

「呢個就係妳黎搵我合唱既原因呀？」 

「咪就係囉～～睇下你會唔會創造奇蹟嘛～」 

Hi妳啦原來妳覺得我贏左係奇蹟。 

不過我有VENUS BB，有咩奇蹟創造唔到！！！ 

「肥向左走向右走，你唔好再叫我做ＢＢ得唔得？」