就係咁又過左幾日,黎到星期五。 

「肥冬今日有無野做呀?;-) 」呀雪空堂少有地留左係課室。 

「咩無野做喎,妳唔洗搵呀俊咩?#ng# 」 

「嘿咁我都要理下朋友ma~:D 」原來妳知我係妳朋友既。 

「下話?xx( 」 



「係呢………點解果日你會同馬家晞一齊入黎音樂室既?你地識架咩?」?_? ?_? 

「算係啦。」:P 

「肥冬你而家唔識人喇!同曬D女神做朋友喇!!」呀雪故怒言。:-[ 

「咁妳自己呢?自從同呀俊熟左之後,有幾多日係同我地一齊食飯?同我講野十句說話入面有幾多句係唔關俊事?妳話我同其他人做朋友,但係妳又有無放番時間去理妳既朋友?」 

唔知點解,我既情緒智商好似一下子降到去零咁。 



「肥冬…對唔住啊…」可能佢都無意料到我會對佢一句講笑既說話有如此激烈既回應。 

聽到佢講對唔住,我即刻清醒番,拍一拍自己個頭。 

「無事!係我岩岩激動左姐,咁妳有鍾意既人,想親近佢多D都係好正常既姐。;-) 」 

其實我到底係咩身分,有咩資格講呢番說話?就好似一個失去左重視既小朋友咁,發脾氣問人地點解唔重視佢。 

「我知開學之後,我冷落左你地好多…對唔住呀…不如咁丫一陣我地放學去食豬仔糖水啦!!#cn# 」 



「………」 

「肥冬我地去食糖水啦!!:D 」 

「……」 

「最多我唔偷食你果碗啦……:) 」 

諗起次次同呀雪去食豬仔糖水,我果半碗一定會比佢偷食左。 

都唔明點解我仲係會咁肥。 

「……嗯」 

「我見到肥冬你笑喇!唔準嬲我喇!:D :D 」 



唉,以前妳係肥妹仔既時候都嬲妳唔落,妳而家咁既樣,我仲點會有抵抗力?:-(

就係我同呀雪係呢個無人既課室入面勁吹既時候,馬家晞又亂入黎。 

「肥仔!我黎搵你喇~~去飲朱奶咯好唔好呀?;-) 」語調真係好向左走向右走輕鬆。 

呀雪望一望佢,再望一望我,都呆左一呆。 

「妳真係唔洗上堂架?:O 」 

「咁人地想飲朱奶,咪走堂難~~好正常姐。:) 」 

真係唔知點解佢可以無限走堂都無事,比著我走堂,死左都唔知咩事。 



不過聽講佢成績係全級都有頭十。同呀汶不相上下。 

癡向左走向右走線既妳地靚女已經夠啦,仲要成績好,咁其他人點算好? 

「行啦肥仔!我地落去啦~~最多我請你喇。:D 」馬家晞真係完全無視左我身邊既呀雪。 

而我都仲係呆緊。 

「一陣肥冬要同我去食糖水呀,佢唔飲朱奶架喇!:-[ 」 

呀雪妳做乜勁呀????? 

「肥仔你去食糖水呀??_? 」馬家晞一臉新奇咁望住我。 

「係…係呀?」呢條係唯一一條正常既問題。 



「咁,肥仔你帶埋我去得唔得呀?#bye# 」佢指一指自己。 

今次唔止我,連呀雪都呆向左走向右走埋。 

「馬家晞………我……我地………都係識左一個星期姐……#cn# 」 

「都話我呀晞!要講幾多次呀肥仔~唔熟既話見到幾次咁咪熟囉!!;-) 」 

「呀…呀晞,咁妳同呀雪又唔識……#cn# 」 

「點會唔識啊~~陳俊逸既好朋友喎。:-] 」馬家晞用古怪既眼神望向呀雪。 

「………」 



「你地又唔係男女朋友~帶埋我去都唔會阻住你地既姐~~係咪啊?」 

「………」 

「我會阻住你地兩個二人世界呀,下?」 

「唔會!咁咪一齊去囉,肥冬你話係唔係呀?!:-] 」 

到底係咩野劇情發展黎架?佢地兩個仲要對上左,癡向左走向右走線。 

我完全搵唔到原因,有無人話我人知發生緊咩事呀? 

三個人就係咁坐左係豬仔糖水。 

「肥仔你鍾意食咩糖水架??_? ?_? 」 

「肥冬鍾意食芝麻糊架,呀姐唔該一碗涷芝麻糊!;-) 」 

我就係咁向左走向右走傳統,不過特別在鍾意食涷。 

「妳又知肥仔今日想食芝麻糊?#no# 」 

「佢次次都要食芝麻糊架!:-[ 」 

唉靚女係咪真係會天生唔鍾意靚女? 

但係我睇呀汶又唔會架喎。 

汶女神對人友善到不得之了呀! 

「肥仔你諗咩野呀又!?_? 」馬家晞推左我一推。 

「無,我諗緊呀汶點解…」Hi講左出心入面諗既野出黎。 

「肥冬你同我食糖水都諗住B班女神,咁過分架!仲話唔係鍾意人?:-[ 」呀雪即刻抽我水。 

「哇原來肥仔你又鍾意佢又鍾意鍾智汶架?肥仔你好花心呀!#good# 」馬家晞口中既佢即是呀雪。 

Hi,妳係咪覺得我唔夠煩? 

而呢個時候呀雪都呆左一呆。 

「馬家晞妳亂講D咩呀,我同肥冬係好兄弟黎架!#hoho# 」 

「鍾唔鍾意就肥仔自己先知喇,不過妳唔係鍾意陳俊逸咩?」 

我真係有少少後悔同埋馬家晞黎食糖水。 

「妳……妳又亂講咩野,我都呀俊……都係朋友黎咋嘛!#cn# #cn# 」 

「鍾唔鍾意就妳自己先知喇,肥仔可?你話係唔係呀?;-) ;-) 」 

一諗起呀雪鍾意呀俊我就心煩,見到呀雪比馬家晞串,我居然有少少想點頭認同。 

「好喇食糖水啦好唔好呀兩位大小姐?:-( 」真幸運呢個時候糖水到左。

呀雪食芒果唔知咩西米露,我而馬家晞居然係食熱芝麻糊,有品味呀Hi妳。#good# 

「肥仔,比碗野我試啖!:P 」食食下馬家晞就從我碗中偷左一啖。 

「妳自己咪都係食芝麻糊囉,做咩要食肥冬果D姐?:-] 」 

「嘻~咁我未試過涷咪試下囉,肥仔你唔會咁小氣架可?#ng# 」 

「唔……唔會。」 

Hi妳啦,有個靚女無向左走向右走啦啦走黎食我口水尾,我小咩野氣呀? 

而呀雪睇落好似嬲嬲豬咁,應該因為佢今日自己講左唔偷食我既芝麻糊。 

而家見到人地食,所以深深不忿。 

「肥冬,你要唔要試下芒果西米露呀?:) 」 

佢自己第一啖都仲未食。 

做咩事呀大佬,同妳食左幾年糖水,次次都係妳食完自己果碗,跟手偷食我果碗。 

今日做咩事一反常態呀? 

「下…咩話?:O 」 

「試下丫,好好食架。#love# 」跟手佢已經拎左我支匙羹,隊左入佢碗西米露度勺起左一羹。 

今日咩野日子,個個都搶住要食我口水尾既?????? 

但係食完又唔向左走向右走見妳地聽話! 

「食啦…啊~:) 」餵到埋黎,無理由唔食咁唔俾面。 

Hi………好恐怖既質感呀!!!!!!一粒粒野咁好向左走向右走噁心呀!! 

無錯我係由細到大都唔食西米露既,因為我真係好怕果種質感!

「肥仔飲唔飲水呀?^3^ 」就係我忍辱地吞左呢啖食之後,馬家晞又忽然間遞左杯水比我。 

點解我會比佢睇得出我唔鍾意西米露? 

「唔該曬!」 

一啖飲野杯水! 

「肥仔你唔食西米露架?:) 」佢仲要加多左一句驚我唔死咁。 

「……肥冬?」 

「唔係呀我岩岩啃親呀唔小心。」Hi我自己啦,食西米露啃親既機會仲細向左走向右走過食叉燒包啃死呀! 

短短食糖水既呢大半個鍾,我就係佢兩個既刀光劍影之下苟延殘喘。 

番到屋企食完飯,我仲係諗緊西米露果種恐怖既質感。 

不過有汶女神陪我睇故都算係治療既一種 

「呀冬點解呢個西野七瀨兩日先出一次故架!好想知呀白同智詩最後點呀!:-( 」 

「係囉佢又真係有少少慢既,你睇隔離個故《我,就係踩單車跌落渠果個肥仔》,果個作者日日出架。#good# 」 

「係?講咩架個故仔。?_? 」 

「………講個肥仔想溝曬學校D靚女。#cn# 」 

「你地男仔真係個個都咁花心架。:-[ 」 

「嘿………故事姐故事姐。#hoho# 」 

「係呢呀冬啊,不如我地一陣落去食糖水咯,好唔好呀?:) 」 

「好就緊係好啦,不過岩岩先食完飯……妳怕唔怕肥呀?[sosad] 」 

「又係喎,不過今日星期五,聽日做下運動咪得囉,況且呀冬你最近都瘦左咁多。:) 」 

「真係?!」 

「係呀,你自己唔覺得咩?」 

我瘦左好多?! 

即刻走去照鏡,Hi都唔係既,塊面咪一樣咁向左走向右走多肉? 

唉估唔到都係要去食糖水。 

「呀冬你鍾意食咩野糖水架?」?_? ?_? 

「我鍾意…食涷芝麻糊…」Hi我最向左走向右走憎食糖水。 

不過汶女神咁正,真係唔食,就咁望係佢都夠曬。 

唔似得今日下午果兩條女好恐怖呀! 

「咁我地一陣食完買埋比Auntie好唔好呀?」呀汶對住我一笑。 

Hi妳連我老母都照顧埋,我好想直接求婚呀!!! 

於是我地就又去到今日已經食過既豬仔糖水。 

「咁呀汶妳又鍾意食糖水呀?:) 」今日我要請客! 

「我無話特別鍾意食咩架,呀冬你有無好提議啊?一個我怕食唔曬啊,同你share小小好唔好呀?」 

「我都無所謂呀,我次次落黎都係食同一樣野既,哈哈…」:P :P 

「呀冬你又幾長情架喎…」而家汶女神間唔中都會同我開下玩笑咁。 

對住佢真係愈來愈輕鬆自在呀! 

「緊係啦!」 

「咁呀…不如試下芒果西米露好唔好啊?我見張相影得好似幾好食咁!」呀汶真係變得愈來愈可愛呀。 

咪住?咩野話?佢岩岩講咩話?我聽到咩野話? 

芒果……芒果西…西……西米露?!@_@ @_@ @_@ @_@ @_@ @_@ @_@ @_@ @_@ @_@

「做咩啊呀冬?你唔食西米露架??_? ?_? 」呀汶見到我面有難色,開口問我… 

「啊……係…係啊…:-( 」 

「咁我地叫一碗合桃糊,一碗芝麻糊啦,兩溝好好食架你有無試過啊?:) 」 

「未呀!好,而家叫先,伙記唔該。」 

呢個時候都唔算多人,好快就有人行到過黎落單。 

「咦靚仔又係你呀?一日食兩次糖水咁捧場?呀…啊……哦……明既明既,靚仔好福氣呀下! 」 

個中年佬望到呀汶,仲要懶係心照既好樣同我打曬眼色,呢獲真係多得你唔少。 

亞太區有一天成為亞太區你個街,我個樣有無咁向左走向右走易認呀? 

「呀冬…你今日食左糖水呀?!!?_? 」 

「呀…哈哈……呀……哈係呀……今日放學既時候比人拉左去食糖水……:~( 」 

都比條Hi Hi踢爆左,點都要認啦。 

唔通同佢講,唔係呀唔係呀,你認錯人喇,今日下午黎食糖水果個唔係我呀! 

咁咩? 

「呀冬你份人真係傻,你食左既話可以唔洗陪我食架。:) 」估唔到呀汶居然係忍俊不禁,笑勁我。 

「啊…唔係呀,其實我都想食架,今日下午果陣食得果半碗咋。xx( 」 

我就緊係要打完場啦!

「半碗?呀冬同邊個一齊黎食啊??_? 」呀汶一臉疑惑望住我。 

無錯,比馬家晞個癡線妹食左我大半碗! 

「無呀,同呀雪同埋馬家晞咋嘛…#cn# 」 

我都係唔勁UP喇,因為睇黎今日都係講咩都無運行。 

「估唔到呀冬身邊都有咁多女仔啊。:) :) 」呀汶語氣上又唔係咩野負面既感覺喎。 

「……係……係掛。」 

「糖水到喇~~黎啦我地溝埋呢兩碗丫!:D 」估唔到呀汶居然又唔再追問~應該係碗糖水威力大! 

話真係估唔向左走向右走到,溝埋左之後係咁好食架?! 

細滑而又香濃,Hi!我咁多年黎真係唔向左走向右走識食呀。 

「點啊呀冬,好唔好食??_? 」 

「好正啊,點解呀汶妳會識樣食既?!#good# #good# #good# 」 

「以前我同媽咪次次食糖水都會咁樣食……:-( 」 

我真係向左走向右走想打爆自己個咀呀!!!!!!!!!!!!!!!! 

「呀汶!以後我地個個星期五都落黎食個糖水,再兩溝好唔好呀?!:D 」 

「嗯!」 

我真係好想守護好,呀汶既笑容。
已有 0 人追稿