DSE點令我由一個毒撚變做player: 8.

[7:03]
 
唉，出到黎先真係覺得好恐懼，我望住人來人往既西灣河站，真係覺得好想走，其實我真係好怕面對女仔，仲要係單對單，究竟一個我連佢名都未知既女仔係點逼到我出黎，唔好問我，因為我都唔知自己做咩事。
 
我見時候都唔早，於是wtsapp mk淇：我到咗啦，係出閘位，你到話我知咩出口。
 
唔知你地知唔知，西灣河地鐵站其實好細，出口唔多，而出閘位都係得一個，所以係度等佢係最好既選擇。
我望住身上面件衫同嬲同埋對鞋真係灰到。
 
我諗番起頭先我係屋企打開衣櫃，但係入面瘋狂抄左好耐都唔知著咩衫真係覺得自己好毒。


 
我身上呢件衫就係之前oral個時著既，而我為免mk淇認得我冇衫著到要著同一件衫出黎見佢，我係外出面粒左件運動外套，亦即係我全屋唯一一件運動外套。下身就係之前新年係bossini大減價買既牛仔褲，普通到冇得再普通，腳上就著住左Adidas既高筒波鞋，好在我生得高，彌補翻小小身上陣毒味，如果唔係咁樣襯分分鐘真係會嚇走mk淇。
 
以唔係喎，都已經7:23，mk淇仲未覆wtsapp，唔知佢係咪仲搞梗手頭上d野呢。
 
我一路好有耐性咁等，亦都冇再wtsapp過佢同催過佢，等佢搵我。
 
/
 
都唔知等左幾耐，我對腳都開始酸哂，褲袋入面既電話無端端震，我即刻攞出黎，見到係mk淇，即刻欣喜若狂，差在未手舞足蹈起上黎。


 
我一聽，mk淇把聲細左好多，老實講，聽落去勁似高潮完d聲，好過把mk聲多多聲，我較左speaker都係好細聲，mk淇：你係邊呀？
 
我：我係出閘機等梗啦。
 
Mk淇：我都係喎
 
我：你今日著咩衫。。？
 
Mk淇：米住先，我好似見到你啦。


 
我拎住部手機，好似傻仔咁嗌：下，冇呀，hihihihihihihihihihi ？？？
 
身後右邊膊頭俾人大大力拍左野。
 
我另去後面，再另番去前面，原來mk淇又fake我，見到佢個樣放得好大，不過。。佢好似矮左咁既？
 
我微一微笑，當頭先俾人fake到呢件咁柒既事冇發生過，由細到大，我都唔係d玩得既人，唔介意樣衰更係冇可能做到，我都係較正經既人。
 
Mk淇嘟一嘟嘴：唔好玩既超。
 
我有啲唔好意思，因為個氣氛俾我搞到沉同靜哂，我拿拿林轉話題：去邊個出口呀？
 
佢抬高頭終於可以睇清佢個樣，五官清秀，冇化粧（應該係落左或者我睇唔出），不過對眼腫哂（賭100蚊係喊完黎），只見佢個嘴微微開合：我想去太安樓呀，全日冇食過野。
 


我地一路行都係佢引導我講嘢，話題發起者竟然係女仔真係搞到我好難堪同大壓力。
 
好不容易捱過呢段路，雖然好短，終於都可以入到去買野食。
 
我企係門口，問mk淇：你想食咩呀？
Mk淇笑一笑，不置可否咁答我：我冇野想食，因為我最想佢陪我食既人唔係度。
 
佢究竟暗示梗d咩？？？我呆一呆望住佢，屌，佢對眼又濕濕地，我嚇一嚇問佢：你做乜又好似想喊咁。。
 
Mk淇索一索鼻，咬實嘴唇，答我：冇呀，我眼訓打喊路流眼水姐。
 
我望住佢，佢講完之後露出左一個乏力既微笑，真係睇見都有小小心痛。
老實講，個時我根本冇得簡，惟有相信佢呢個咁無理既解釋。我冇接觸過女仔，亦唔知原來佢地好多野都係口是心非，所以我當時只係俾左一個ok手勢，問佢：咁。。咁同你去食手抓餅好冇？呢度有間手抓餅唔錯架，反正你都好餓。。
 
Mk淇已經心力交悴到唔想再開口，佢望一望我，輕輕咁點一點頭。


 
於是我帶咗佢去一間手抓餅鋪頭面前，佢好似好食得辣，剔左要辣粉之外，仲要叫老闆多辣粉，我真係覺得佢想辣死自己。
 
而我其實都係好食得辣既人黎，所以我都跟佢剔左要辣粉，料就叫左蛋，煙鴨胸同肥牛再加沙津醬。
 
唔知大家有冇去過太安樓呢，去過應該知個度好多鋪頭都冇枱同椅，但我地拎住新鮮煎起既手抓餅真係幾狼狽下，因為都好辣手架。
 
我望住佢，佢好似因為d沙律醬「知」左出黎，整污糟左佢隻手而扁梗嘴，無可否認，佢唔講粗口咁mk既話都幾q，係我肆無忌憚，專心望住佢蠢下蠢下個樣既時候，佢好似察覺到我望住佢，又望翻我，我即刻避佢視線，唉，我又係睇得太明顯既。
 
佢露出虎牙同我講：你望梗咩呀，諗下去邊坐低食野好過啦。
 
我心諗，屌，真係好柒好樣衰。死啦我個樣會唔會好飢渴。
 
我因為仲係好怕醜，求其應左佢一句：是但啦。。。
 


佢應該睇得出我好懢尬，於是主動提出去附近公園，不過我因為我冇乜反應（仲係好怕醜）我呆立左係原地。
Mk淇捉一捉我隻手：行啦仲發夢
媽呀 捉住我隻手呢個行為都夠令我心臟病發。