Mk淇帶左我黎一個公園。
 
呢個公園入夜後真係好靜,範圍咁大只係可以見到幾個人,我望一望手機,原來已經差唔多7.30,當然啦,呢個時間家家戶戶都係度享梗天倫之樂,又正值Dse既高峯期,個個都係度搏殺,唔少平時鍾意坐公園傾心事既學生都係自修室。所以呢度真係好靜,淨低寮寮可數既人大多係老人家或者情侶。
 
屌真係好撚尷尬。
 
我望住mk淇,問:邊度坐?
 
Mk淇笑一笑,答我:識坐一定係坐個邊,佢一邊講一邊指住前方,流露出令人不解既神情。
 


我露出一個好疑惑既樣,媽呀我真係唔夠膽話佢知我連呢個公園都未黎過,更加唔知呢度既格局。
 
佢好似睇得穿我既心思咁,幫我解圍話:我帶路啦。
 
我連連點頭就跟住佢行。
 
/
 
我地行左上一個平臺度,由呢個位置望出去,係一個好大既池塘,上面有隻船,係人工整出黎,體積超龐大既木船,唔好問我佢點解會係度,因為我都唔知。
 


我同mk淇坐左係度,呢度係由木板搭建出黎,類似涼亭既地方,但冇木椅,我同佢就地而坐,肩膀同肩膀間既距離近到我從來都唔會想像 ,佢望住前方,不發一語,我都唔願意出聲打破呢刻既寧靜。
 
係我粒聲唔出食住自己既手抓餅(食不言呢個理由好似為我地而家呢個情況解畫)既時候,mk淇忽然望左過黎,饒有趣味咁問我:怕醜仔做乜唔講野既?
 
我心諗,好啦林逸峰你毒到真係冇得救,連一個新識既女仔都睇你唔起叫你怕醜仔。
 
我好想證明俾佢睇我只係小小毒,但絕對唔係毒到要驚俾佢flirt(事實上係超驚。。),於是我用肯定既語氣答佢:我個名叫林逸峰,2個木既林,一勞永逸個逸,山字邊個個峰,有名你嗌,可唔可以唔好叫我怕醜仔
 
佢用種好奇怪既眼神望住我:今時今日仲邊有人爆自己全名架,好柒呀你。
 


我真係想搵個窿捐落去,黑哂面咁講:ok fine,咁我走囉,廢事影衰你。講完之後我真係起身就走。
 
Mk淇拉住我衣角:o畏,我真係有野想同你講。唔好走好冇。
 
我個心當堂離左離,究竟佢想同我講咩。。?我冇好氣咁另轉頭望住佢,覺得自己真係好撚on9,竟然出黎陪個到而家連名都未知既人hea左咁耐,都唔去溫下我個幾科,仲有乜我好好玩咩,點解要flirt我。
 
屌,上面只係我廢嗡,因為我見到佢面上露出左一個好令人憐愛既神情,結果我無可奈何又要坐番低。
 
Mk淇仲未識驚,玩野咁話:你好呀,我叫黃淇,英文名係macy,好高興認識你。
 
我側開頭,完全唔想理佢。
停!佢頭先好似講左自己英文名,終於有位入,望翻佢。
 
我望住mk淇,露出一個勝利既微笑:你叫macy?
 


Mk淇點一點頭,好似仲未意識到自己有問題。但隔左幾秒之後,佢突然嗌左句:shit!爆響左口!
 
我望住佢驚慌失措既樣,心裏面一陣好笑,我問佢:究竟知你英文名有咩問題,其實macy都幾好聽呀。
 
Macy歎一歎氣:唉,算啦,skip topic .
 
接下來又係一片漫長既寧靜,都話我係topic ender架啦,死啦,究竟我吉傷左佢咩位呢,佢睇落好唔開心。
 
呢種氣氛真係難受到令人窒息。
 
係我難堪到真係好想走既時候,Mk淇突然間話:柒峰,你知唔知今日咩日子?
 
我望過去,同佢既視線對上,佢對眼水汪汪咁,真係好吸引我。我諗左好耐點答佢,今日唔係中文oral後2日?唔係仲有個幾月就考x1?唔通打機個邊有活動??????
屌,你想我答咩呀,我生活裹面根本冇一日係值得我去刻意重視,老實講,就算係我生日,我自己都有一年唔記得,因為我記得個日我由10點打機打到5點訓,訓醒已經係第二日既3點幾,而我既生日,就係打機同訓之間渡過左。
 


我緩緩開口:今日我淨係知係14號炸。
 
Mk淇話:14號,你又知唔知有咩意義?
 
我心諗,屌,你地呢d女人真係麻叉煩,求其點一個日子都係有意思咖啦,真係由得你嗡既姐,好好地地求求其其一日閒日你都講到個日係惟一一日咖啦。
 
我搖搖頭,等住睇佢講個唔合理既答案出黎。
 
Mk淇笑一笑,似係嘲笑我既愚蠢:今日係3月14,白色情人呀。
 
我呆一呆,係喎屌,毒撚唔知咩叫白色情人節是常識吧。
 
Mk淇見我冇講野,自言自語咁話:今日終於散到lu。
 
我嚇一嚇,問佢:你同呀軒散左?


 
Mk淇反問:你又知佢叫呀軒既?
 
我:我記得之前我一嘢撼左落你。。。。你咩咩度個時你叫自己做牙淇軒既。。
 
Mk淇冇回應到我,只係自言自語咁講左句:男人真係一樣好撚賤格既生物。
 
我心諗,屌,而家d mk妹真係成日都食飽飯冇屎柯,完全唔明咩心態,on9,你學人拍拖都算啦,又要拍散拖,仲要dse期間散,知唔知好影響學業咖屌。講真,我未拍過拖,但我唔覺得亂咁拍拖好過我,起碼我未傷過未煩過,你地邊度恨得黎。
 
雖然上面呢d野我真係好撚想講出黎屌9佢,但最尾我冇。我只係答佢一句:早知如此,何必當初。
 
Mk淇聽完我講之後d涙水湧哂出黎,不發一言,只係狂喊。我心諗,扺你死,真係冇得怪人。
 
Mk淇喊喊下停左。
 


我望住佢,佢望完我一眼之後突然間咬左落黎我手臂度。
 
我:呀!!!!!!!!!
 
Mk淇一臉沒好氣咁望住我:哇,男人老狗嗌到好似你咁大聲真係第一次見,果然柒峰就係柒峰。
 
我聽完佢講之後真係更加嬲,on9咖佢係咪狗黎咖。痴撚線咖乜咬人佢會爽d既咩,真係好撚痛呀屌你!
 
我望住佢,狠力睥住佢,佢用種好無辜既眼神回敬番我,我地對望左一陣間,最尾我決定投降,因為我隻眼真係好酸好澀。
 
Mk淇笑住望住我:乜真係好痛咩,sor9 lor。
講完之後佢拎起左我隻手,撫摸住我牙印個位,好似真係好悔疚咁。
 
我即刻縮手:屌你唔使貓哭老鼠啦。
(痴撚線,無端端掂人隻手,好熟咩而家,又想flirt我呢啲毒撚,雖然我真係好唔爭氣咁又面都紅哂。)
 
Mk淇望住我:你知唔知佢好鍾意俾我咬咖。。你可唔可以做幾日佢,我覺得你好有佢既影子。
 
Mk淇用左一個「佢」黎代替邊一個,我心裹有數,知得一清二楚。點解要搵我做住佢先?乜野叫做我有佢既影子呀屌,我叫林逸峰,英文名係Cyrus,究竟邊一個字可以同軒/hin扯得上關係?我就係我,性格係就係毒d,樣係就係衰d,但呢樣先代表冇。人。代。替。到。我!收兵都算啦,仲要講到咁白,係咪覺得我會sense唔到???係咪當我老親???
 
捱左咁耐既怨氣終於爆發我好嬲咁答佢(冇窒下窒下):屌你老尾,好撚熟呀而家,識得個唔夠2日又要人出黎又要聽你廢嗡,你以為自己好清高呀???你mk妹黎咖炸屌,憑咩可以收我做兵呀而家,我唔想做代替品,你要搵係mk搵飽佢,你大把frd又專屬乜乜又堅係乜乜又iamxxxxx咖啦,你要搵個好似佢咁既mk仔究竟有幾難???點解要搞著我呀??黃淇小姐?
 
我幾乎係嬲到面紅耳赤,講完即刻冇哂d銳氣,我同自己講:型d啦林逸峰。有乜野證明到你唔想做佢隻兵?就係而家,快d起身走!
 
我今次終於好灑脫咁走左。
 
/
 
Mk淇不斷咁打俾我。
 
我拎住電話,猶疑住好唔好同seven講頭先所發生既事。
 
Seven:峰?冇人應既?你又話唔開心想出黎隊酒既,做咩事究竟。
 
我聽番電話:seven,咁耐兄弟,真係你最知我心。
 
Seven:咁啦,我仲係灣仔,就放工,你預我10.00倒放,到時老地方見。記住唔好買我地上次個隻。
 
我望一望錶。
 
[8:52]
已有 0 人追稿