DSE點令我由一個毒撚變做player: 20.

我約左seven係銅鑼灣間咖啡弄食飯。
 
眾所周知，咖啡弄一般都要排好耐隊，尤其係夜晚呢d黃金時段，為表我既誠意，我約就約seven7點半係個度等，但其實我6點半已經去到拎位。
 
終於等到7.30，seven準時咁出現係我面前：哇好多人呀。。起碼9點先食到啦。。不如我地去食其他野啦。
 
我揚一揚手中既號碼紙：仲有幾張到我地啦，放心，你翻夜工2點嘛，一定食得切。
 
Seven笑一笑望住我：Sorry呀之前呃左你添。你唔會嬲咖可？
 


我答佢：傻啦，我都明你用心良苦既。我個時唔知仲咁冷淡對你係我唔o岩就真。
 
佢企係我執邊：所以琴日係你地第一日記念日啦？
 
我咧嘴微笑：係呀。
 
佢見我冇乜點多講琴日既經過，於是轉個話題：拍拖咪好囉，難為我仲單身寡佬一個。
 
我好奇地問佢：其實你點會冇女追呀，係你眼角高姐。
 


佢苦笑：媾女你估唔使錢咩，我就黎連呀媽都養唔掂，點媾得起女呀。
 
我答佢：又係既，不過唔係個個都港女黎既。我琴日同mk淇食豪大大雞排都係佢請咖。
 
Seven見我咁得意就挖苦我話：佢未港女姐，第時咩pandora，地圖袋都玩撚死你呀。
 
我笑一笑：佢唔會既。
 
/
 


我同seven經過餐飯之後就好似變翻之前咁，完全冇隔膜。
 
而天真既我當時真係諗兄弟情，有乜可能俾女沖得散呀。