自從同左mk淇一齊左之後,我既生活起左翻天覆地既變化。
 
為左佢,我戒左丁亦打小左好多機。其實o岩既,打機呢d本身就應該考完dse先再做。而戒丁呢樣野,唔係mk淇叫我戒,而係當我擁有左佢之後,我覺得無論咩人妻,學生,都已經再吸引唔到我。你可能會話屌你啦,講到有女咁撚神奇,一定係流既。
 
我只可以話你地冇女既根本酸唔嚟。
 
而我最想講既係,Mk淇開始係我心入面佔據左一個好重要既位置。唔知係咪我天真呢,我仲係a0個時成日都覺得初戀可以拍到成世,而我就認定佢係可以同我長久落去。
 
/
 


講乜撚野經。今日係我地14日炸。
 
我望住枱上既時鐘,已經踏正左0000。
我拎住電話,靜候佢響起。自從有拖拍之後,我同mk淇每晚都會傾電話,個日有見既傾,冇見更要傾,柯屎唔出都會講一餐,簡單黎講,真係好撚痴纏。
 
唔知佢記唔記得今日係我地第14日呢?
 
我記得上次第七日個時,我好柒咁同佢興奮(其實淨係我好興奮)咁倒數,踏正12點個時同佢講7日快樂!個時,佢仲笑9我:而家頭七咩,七日使乜慶祝咖。
 
當時我有d為自己既過度興奮尷尬:咁我冇拍過拖唔知嘛。


 
Mk淇係電話另一邊笑到收唔到聲:mk仔你不如一日慶祝一次啦屌,日日係facebook宣佈一次。
我從來都冇預過會俾mk淇笑翻我mk,好諷刺呀。
 
我當時仲惱羞成怒咁話:好囉,我以後唔記日子啦。
 
/
 
「愛你 不是因為你的美而已」我新set既電話鈴聲將我從回憶中喚醒。
 


我心頭一喜,即刻接聽,耳中盡是mk淇把好大且毫不溫柔既聲:「柒頭14日快樂呀!!!唔好以為我唔記得呀,我特登踏正call你咖,surprise???」
 
我心裹一甜,不過口氣依然強硬,我懶冷漠咁話:哦,係今日咩,係又點,唔值得慶祝喎。
 
Mk淇即刻發動姣功嗲我(佢自從同我拍左拖之後就變左另一個人咁):BB~(佢一發姣講野就有尾音,未拍拖個時聽到會起雞皮覺得佢好做作,但拍左拖之後真係覺得好冧)我知你唔會唔記得既~明明咁值得慶祝,我地去邊好姐BB~
 
我都俾佢冧到心軟哂:你最叻mk咖啦,聽日晏就落mk啦好冇?
 
Mk淇嗲聲嗲氣咁話:好呀~我要同你影貼同黑白。
已有 0 人追稿