明明早該放手 但有眼看不到: 第六集
好快已經過左一個星期
我已經漸漸習慣左新既生活
VICKI同馮芷欣都係果種好比心機讀書既女仔,令到坐佢地附近既我都感受到學業既緊張
VICKI既電腦係佢最差既一科,所以好多時間我地都會一齊做下功課,等我幫下佢
所以短短幾日我地已經熟絡左好多
而我更加發覺有咁多厹鍾意佢既原因其實不單單是因為佢係氣質美女
而係因為佢對人好好,而且不拘小節,所以我都好樂意係佢唔明excel點用既時候幫佢一把
至於馮芷欣,因為佢份人比較文靜,所以我同佢既交流唔多
星期五既一個上午既一個小息,當我好悠閒咁拎住盒朱奶入課室既時候
發覺,我寶座比人坐左 ,而且果個人我仲要係無見過既,心諗一個小息姐,拖捨比你坐一陣,又唔係小學雞,無所謂啦
點知,果條友從我的寶座起來了,向我走了過來
條友:你就係新同學?,唔介意同我調個位呀可?
只見條友有米八,又幾令仔喎,語氣講到我好似一定要同佢調咁,令我心有不爽
把目光投向與我做了幾天鄰座的VICKI,只見她不置可否,我心諗.they have road
既然落花同流水都有意,咁我都廢事阻住人.這些機會始終不是屬於我的
到左電腦堂,我又同番VICKI坐~
我:今日同我調位果個係?
VIC:佢叫葉文晨,好多女仔都鍾意佢架
btw又係叫呀晨
我:係咩?
VIC:佢屋企份人幾好..成績唔錯,拉小提琴仲好好聽架
我 IC,咁點解早幾日唔見佢既?
VIC:佢話佢同屋企人去左日本玩遲左番喎
心諗,高大令仔多金有學識=型英帥令正...這種只會出現在TVB膠劇的'白馬王子'居然在現實中都有?
一個毒撚既自信無曬喇..我諗我都係溝唔到女架喇,btw而家仲未有target
我:咁妳呢?妳都鍾意佢架?
佢REATION TIME好似長左幾秒咁,等左陣先有反應
VIC:無囉,唔好亂講野
我:我睇你兩個有d野喎,如果唔係佢點會搶走左朕既寶座?
VIC:都話無囉,你好煩呀
第一次見佢咁勞氣
既然人地話無咁我咪信囉,反正又唔關我事
正所謂番學等放學;放學飲可樂,當我聽到放學鐘,諗住去買可樂既時候
VIC:張樂晨,一齊走丫
聽到佢咁講,我當堂 左,點解會無啦啦叫我一齊走呢?佢有咩陰謀?難道想溝本少爺 ?
當然毒撚最忌有自信,這念頭我只想了半秒便不敢再想鳥
DEAD左幾秒後
我:好丫~
於是二人便在陳梓文等人的驚訝下踏出了課室
我:做咩無啦啦會同我一齊放學既?
VIC:我地住同一區ma,一齊走好正常姐,以後無野做就一齊行啦
雖然唔知點解佢會無啦啦有咁既提議,不過日日有個令女陪自己放學
都不失為一件樂事
我:好,反正一個人行真係幾悶架
VIC:係呢,你一陣有無野做?
我:無呀,做咩~?
VIC:陪我食甜品!
查實我由細到大同甜品e樣野都唔係好熟,因為我好少食甜野,
不過本住人人為我,我為人人,再加上令女叫到,我唯命是從了
唔知大家有冇覺得呢,當同一個未係話好熟既女仔係條街到行
但係兩個人都唔講野果種感覺真係好怪好唔舒服架(未溝過女係咁架)
又會驚對方覺得自己悶,所以以前我都好少同女仔單獨去街
二人到了學校附近的一間商場的甜品店
一入去就見到熟人...馮芷欣...還有葉文晨 [shocking] [shocking]
我:咁岩既,食糖水呀?
廢話?我竟然係甜品店問人係咪食糖水
有錢仔卻不以為然,看來是要保持其風度
葉:係呀,你地又係呀?不如一齊坐
講完條友望左VICKI一眼
我見VICKI又好似無咩反應
我:好丫
結果食左半個鍾,葉文晨一直同馮芷欣傾計,而我同VICKI無講過野
最後仲要係有錢仔話新同學所以請食糖水,雖然佢係我眼中仲假過好假的肥仔.
不過有人比錢,我又無所謂
我諗葉文晨應該係對馮芷欣有興趣,今次陳梓文既對手真係唔簡單(雖然我唔佢係咪真係想溝馮芷欣)
而且馮芷欣好似對葉文晨無咩反感,居然會肯同佢食糖水,不過這並不是我能關心的問題了
食完糖水,有錢仔就話要送馮芷欣番屋企,於是我同VICKI就一齊行番屋企~
奇怪既係,行左十分幾鍾,佢咩都無講過,我諗其實佢應該係鍾意葉文晨..唉令仔果然多人鍾意
所以話,你的樣子如何,你的日子也必如何
我:做咩一見到佢兩個妳就唔出聲呀?
VIC:無呀,同平時差唔多姐
佢依然係滿懷心事既樣子
我:係呢?妳住邊頭架?
VIC:我住XX樓架~
我:下我都係喎, 但係點解我以前無見過妳既?!
VIC:你眼殘
睇泥佢心情唔多好喎
又行左一陣,dead左一陣.
我:其實我覺得,妳有心事.
VIC:邊有?以為自己好醒咩你
她的態度也變差了不少
我: 妳.鍾.意.葉文晨!
VIC:佢係我男朋友
下?!
我load左陣,心諗果頭妳先話完無鍾意佢,無啦啦變左男朋友?
唔知點解聽到佢話有男朋友,我好似有d失落咁
可能毒撚見到令女有男友都係會咁
我不怕死地問:咁佢做咩會同馮芷欣食甜品既?
VIC:我地分左手
我:咁就係前男友啦
VIC:嗯...
岩岩仲好似嬲爆爆既佢好似又變番沉默咁
我嘗試把語氣放得更溫柔點.
我:咁...點解會分手既?
我認我係一條八掛仔,不過識左佢一個星期,熟悉左佢,平時大家咩都會講下~
所以先敢問
VIC:係我話分手既,同佢一齊好辛苦,好似個個女仔都鍾意佢咁,
但係佢又好似來者不拒咁..又話唔想公開我地拍拖既事
我心諗自己無睇錯,有錢仔的的確係呃蝦條既...唔知VICKI....
我:妳對自己無自信?
VIC:嗯...
其實佢又有氣質,對人又好,照計應該唔會咁無自信架..而且佢令過好多女仔啦....我覺得
計我話,有個咁好既女朋友已經好好,點解仲要溝其他女?可能我唔係有錢仔又唔係令仔,唔明白佢地心態
我:咁今日條友話要調位妳又好似好想咁?
VIC:我邊有好想?我都無出聲
我承認自己有d掛住係佢身邊既寶座
我:妳...仲鍾意佢?
過左一陣..VIC:嗯
真係問世間情是何物,太多無知少女
之後我地兩個都無再出聲...
番到去屋企樓下發覺原來佢住一座..我係二座
但係明明兩棟野係格離,點解我對佢無印象既呢?
可能毒撚行路真係唔會'岳'高頭望野....又何況係望令女?