明明早該放手 但有眼看不到: 第七集
成日一番到屋企手提電話就會響
但係我唔明點番到屋企同手提電話響有咩關係
我:喂邊個李致良搵我呀?
良: fuck
我:點,係咪有咩搞作?
良:睇戲
我:咩戲?
良:咪理.錢我比.
我:有我so喎,ok!
星期六...我晨早就出左mk搵佢
我:喂,又話睇戲?去邊間?睇咩姐?
良:跟住我啦~
跟住我地去左朗豪間戲院,不過我而家唔記得左當時係睇咩戲了
入到戲院,我問:做咩無啦啦人品大爆發請我睇戲呀?
良不置可否,等了一會,我見到...呀欣?KOEY?呀朗?三人行?
佢地三個係我地前一行,所以睇我地兩個唔到
呀欣介紹過,KOEY都係我地既朋友,而呀朗我比較唔熟,只係知佢係一個人緣唔錯既男仔
我:你咩料?
良:KOEY話呀朗想追呀欣,咁身為兄弟既我緊係要搵埋你出來'睇戲'
良係唯一一個知道我向呀欣表過白既人
聽到這驚人的消息,我也來了興趣
我:咁做咩三人行?
良:聽講係呀欣唔肯兩個人去,要KOEY都去佢先肯去
聽完我個心都定D,原來我還是會緊張她的..
跟住成場戲我都無睇過,一直睇住前面的三人(準確點來說是兩人)
條友做咩係呀欣耳邊講野,條友做咩坐到咁埋..
我完全focus唔到落套戲度 (唔知有無巴打試過)
所以我唔記得左戲名係好合理既
直到套野完左,我地一個唔小心比呀朗見到
朗:張樂晨?仲有李致良,你地都泥左睇戲呀?
屌你仲廢過我問人係唔係食糖水
良:係呀,不過我地廢事阻住你地,咪無叫到你地囉
我:無呀,佢話想睇戲又無女陪,咪搵我出泥請我睇囉
講完我望一望呀欣,佢就擰轉面,同佢打招呼都唔應
我問良:呀欣咩事?
良:唔記得拿?你自己激嬲人地架喎
下?!成個禮拜都仲嬲緊?!
呀朗:係呢,你地食左飯未,不如一齊?
相信佢認為我地兩個唔會好意思做電燈膽,所以先咁問
良:好呀,我好肚餓
我心裡暗笑
一行人走去food court度食野,呀良同Koey吹水,呀朗溝呀欣,而我..無人理
成餐飯,呀欣一句野都無同我講過
我心諗,妳唔係咁小氣呀話?!
行去食野既時候...
我:呀欣,妳想食咩?
欣:.....
我:呀欣,最近有無聽eason?
欣:.....
我:呀欣,今朝出門口有無擦牙?
欣:.....
我好似個傻仔咁同佢講野但係佢一d反應都無,反而同其他人有講有笑..
心諗,難道我成了厹?既然人地唔想理我,我都無謂用自己既熱臉貼人地既冷屁股
於是我便收拾心情,一言不發
食完..係時候番屋企
搭緊車電話一震
呀欣(SMS):做咩唔理我?
fuck我邊有唔理妳.擺明係妳而家十問九唔應
我(SMS):無呀
呀欣(SMS):仲話無?食飯緊時你都唔講野
我(SMS):我feel到妳唔想理我
講到e到我都真係有d火,明明妳自己無視人仲問人點解唔理妳?!
呀欣(SMS):無呀
我(SMS):其實妳嬲d咩?
呀欣(SMS):我無嬲呀
我(SMS):無就唔會見到我就擰轉面同無視我啦
呀欣(SMS):呀朗想追我
咩料.話題幾時轉得咁快架?
唔知巴打同女仔sd sms有無類似情況,佢地轉話題真係唔洗通知人架
我(SMS):係咩?
我可以比既反應就只係咁
後來佢就無覆過我...
有時真係唔明d女仔諗緊咩..佢明知我鍾意佢但係仲話我知佢有人追?
但係以前表白過,佢又無反應,應該係唔鍾意我架...定係佢想收兵?
原諒我未拍過拖,愛情零分,唔明佢想點..
唔想諗咁多既我決定小睡一陣
卻好似夢見以前既情形
=========================================================================
當天我們一起去了看電影,完場後天已暗了
二人並肩走向不遠的巴士站
欣:其實你會唔會想拍拖?
我:會既,D人唔係話中學一定要拍下拖既咩?
欣:但係咁你唔會無曬d時間咩,我地又要考DSE.
我:咁我諗我唔打機都應該有好多時間用既,做咩?有人追妳咩?
欣:係...
我:哈哈妳都有人鍾意?!邊個咁醒目呀?
欣:其實我識左佢都唔係好耐架咋
唉..當時既我仲未明白到打鐵要趁熱既重要性..
當一段關係被定義為友情,隨住感情愈來愈深厚,就會愈難變做愛情
最後只會把好感塵封於過去的記憶之中..
所以我地平時成日都會聽到人話太熟做唔到情侶,可能係藉口 ,也可能真的
我:咁姐係幾耐?點識架?
其實每講一次違心既說話,心便會酸一次.但無奈當天的我無法不這麼說
欣:補習識既
我力壓心底激動,其實有時真係會諗,難道幾年的感情,比不上別人笑兩笑,sms幾個月?(後來我先知真係)
我:哦..咁妳接受左未~?
欣:未呀...
我:咁妳鍾唔鍾意人先?
欣:唔知呀..
其後佢講既都係無棱兩可既廢話,但我記得..
那晚座在巴士上,我是抬高頭的,生怕一不小心,眼淚便滴下來
不是我眼淺,而是聽著自己喜歡的女生在問自己接不接受別人的表白..那種感覺,很難受
我當時還露出了微笑,我笑而不語..因為我的說話..不會是客觀的
更重要的是..我生怕她會看出我的不自然...
聽歌: http://www.youtube.com/watch?v=8afd_p6I_Zc (周柏豪 Pakho - Smiley Face)