明明早該放手 但有眼看不到: 第五十集
you've got a new whatsapp message
是她..她回覆了
vic : 仲玩緊?
我 : 係呀
vic : 上黎你度?
我 : 嗯
覆完佢..點解會咁遲先覆我呢?佢今日去左邊咩?真係好多野想問
聲 : 搞咩呀我見你成日望住部電話
我 : 無呀...呀淇話佢而家上黎
琪 : 哦...原來你一路等緊佢
文 : 原來我無睇錯..你地都係有路
什麼嘛?!!
過左一陣
『叮噹』~~~又有人按鍾
我諗唔會係送錯外賣掛..
我走去開門
係呀淇..終於見到佢...
可惜已經過左十二點...無得同佢一齊倒數
我 : 做咩咁遲呀
淇 : 唔好問..好肚餓
估唔到佢今日第一句同我講既野係
唔好問..好肚餓?!!!
講完佢就好快行左入去同屋入面既人打個招呼
之後就走左去廚房...
vicki : 張樂晨,點解無出前一丁既???!!!
我 : 有架妳搵真d啦
vicki : 搵到喇
跟住再走番出黎
vicki : 你地食唔食?
佢地幾個好似石化左咁O曬咀
再另頭
我 : 我食呀..仲有唔該妳記得落麻油呀
vicki : 知啦
原來佢同呀欣一樣真係好影響到我心情..
聲..文..琪第三次指住我 : 哦~~~~~~~~
文 : 所以真係有路
琪 : 咁熟你屋企既佢
聲 : 秘密同居?!你點樣收埋佢唔比人見到架?
欣 : 係囉點解?
洗唔洗咁樣望住我呀你地幾個
雖然我而家心情唔錯但係我都怕羞架喎
話佢地知呀淇上過黎一次仲係得我地兩個
抽水都抽到我乾啦
我 : 咁其實係咁既....
文 : 點啊?
我 : 我都唔知
琪 : 扯
唔想佢地問落去..我決定先發制人
我 : 不如講個故仔比你地聽...不過有d粗俗你地介唔介意
咁呀欣同呀yan都話無問題,我就講啦
我 : 從前有一隻青蛙佢住係井底...
佢咩都唔識既...一出世就住係度
咁有一日...有一隻雀仔飛過見到青蛙
雀仔就問青蛙 : 你知唔知雀仔係咩野黎架?
青蛙話唔知
雀仔就話 : 雀仔咪雀仔囉你都on9既
到左第二日...有一隻燕子飛過又見到青蛙
燕子又問青蛙 : 你知唔知燕子係咩野黎架?
青蛙話唔知
燕子又話 : 燕子咪燕子囉你都on9既
去到第三日...一個挽歌之聲經過啦
係呢你地知唔知挽歌之聲係咩野先?
佢地另曬頭
我 : 挽歌之聲咪挽歌之聲囉你地都on9既
....
....
....
X : 張樂晨!!!!!
依個故仔真係要慎用
正當我就快比人打既時候
呀淇就煮完面行出黎
vic : 搞咩呀你地
咁有個咁好既機會脫身我緊係唔會放過
我 : 食野先食野先..一陣先玩
咁佢地放過左我...我就行左去食野啦..而佢地就吹水打機
我 : 好淋呀妳煮左幾耐
淇 : 下.....我唔記得喇...
我 : 今日點解咁遲先黎既?
淇 : 我...有d野做囉
我 : 做咩呀?
淇 : 唔好問啦..
佢而家既語氣又唔似岩岩入屋既時候咁開心...
我一早覺得有d怪
我一開門比佢既時候...
佢笑得唔係好似平時咁自然...
好似強顏歡笑咁..
佢應該有野唔開心喇...
係因為d咩呢??? 老葉...
照計老葉佢而家應該係機場...
佢岩岩見完老葉之後黎??
我諗都係唔好估估下喇...
既然問佢佢唔想講...咁就算喇
我 : 今次記得落麻油喇喎妳
vicki : 呵...緊係啦..
『她臉上的笑 是很勉強的』
見到佢咁既樣我都知佢今日實係有d唔開心既事喇
食完個面...
琪 : 喂人齊喇不如玩多次true of dare
唔好話悶...上一次玩已經係兩個月既事...
今次老葉唔係度不過就多左呀聲
岩喇..呀聲實知好多秘密
我望一望vicki...依然係笑到好似咩事都無咁..
我 : 妳岩岩到..妳轉先啦
vicki : 好呀
一轉就中左我..洗唔洗咁夠運
佢諗左一諗...
vicki : 你鍾意周杰倫多d定林峰多d?
哇今次仆街鳥...
望一望呀欣...再望一望呀淇
我 : 周杰倫
vicki : 唔係林峰咩?
我 : 妳問左一個問題喇..好到我轉...好野轉到呀聲
我 : 呀睎鍾唔鍾意錢汱多
聲 : 仲以為你問我d野
我 : 你有咩好比我問~
聲 : 車...好似都有d好感架...不過未追到囉
呀聲轉中左vicki
聲 : 係班上面比妳搵一個男仔做男朋友妳會搵邊個.?.中文全名唔該
vicki : 佢
她指我...啊?
睇呀淇個樣又好若無其事咁...雖然我都知係有可能簡我...因為老葉..
聲 : 呀晨?
vicki : 係啊..又到我轉喇
佢轉中左呀欣..
vicki : 係屋入面比妳搵一個男仔做男朋友妳會搵邊個?中文全名唔該
妳心情唔好姐...居然無忘記要玩我
呀欣似乎對依條問題有d錯愕
欣 : 佢囉
都話中文全名...妳地指我都無用架
文 : 走得啦你玩曬~~~~~
琪 : 都話你一腳踏兩船
我 : 踏你個頭啦
屌你..真係有苦自己知
老葉唔係度.........先指我咋
屋入面同我最熟.......先指我咋
跟住問既問題我已經唔記得...因為唔重要
啤酒都飲左幾鑵...兩點鳥...係時候散場
呀琪就住呀欣附近所以佢地同路我唔洗送
呀文就可以送呀yan (這些機會終於是他的了)
呀聲就閃得啦~
我 : 番到屋企打比我又或者sms我
欣 : 嗯..byebye~~