明明早該放手 但有眼看不到: 第五十一集
送左佢地落去再揮個手告別
就得番我同呀淇兩個人
淇 : 好細心咁喎
我 : 可以話比我知...妳今日做咩事未呢?
我 : 仲有...咪再笑啦唔想笑就
她果然不開心..
vicki : 我今日見到佢
我 : 嗯
果然...我估既無錯..真係同老葉有關
我 : 哦...咁妳做咩唔開心?
vicki : 我無唔開心
我 : 無?
vicki : 無喎...只不過睇清楚一d野...而家有d唔慣姐
話屌妳講緊咩點解我唔明???
以前一直都以為佢係一個好開朗好樂觀既女仔...但係原來一個咁樣既女仔都會有咁低落...咁灰心既一面
我 : 睇清楚?
vicki : 原來一個咁樣既人...係唔值得我去鍾意
葉文晨係一個好優秀既...無可否認...我覺得自己好多好多方面都比唔上佢
但係我覺得自己同佢唔同既係....我可能會同時間對好多個女仔有好感...鍾意幾個女仔
但係我絕對唔會同時間去追幾個女仔...又或者佢唔係追...而係同時間同幾個女仔keep住曖昧既關係
相信之前佢同vicki拍拖既時候...完全無避忌過...完全無理過自己女朋友係咩感受
一直同來者不拒咁同其他女仔來往.
我覺得...對自己女朋友....唔講其他...最基本最基本都應該做到專一掛?
我地行左去公園坐係度...
我都係第一次咁夜係依個公園...周圍都無人..
有路燈....但係好安靜
唔知點解...係微弱既光線下既呀淇
變得唔似平時咁...堅強...又或者係開朗..佢都只不過係一個想人對佢好...想人對佢專一既女仔
入夜之後...溫度又低左幾度...連我都覺得有少少既寒意
我 : 涷唔涷?
淇 : 唔涷呀
我捉住左佢隻手...好涷...
當然只不過係睇下佢涷唔涷...而唔係拖佢..我好快就放番開隻手
我 : 隻手涷到咁都仲話唔涷?
我除左自己件外套比佢...
雖然我都好涷...但係我更加唔捨得佢涷
佢都無講其他野...任由我件外套披係佢身上
淇 : 點解你咁好...佢都唔鍾意你?
呵...我好嗎?大概是妳感覺到而她感覺不到吧?
有樣野叫左價值失衡...當你對一個人無止境地好既時候...無錯佢一開始可能會覺得你唔錯
但係漸漸...佢就會覺得你既好係理所當然既事....之後就唔會再有咩感激既心態
呀欣可能知道我對佢好...但係我諗佢從來都無諗過要點樣對番我好
所以話...佢鍾意你既話..你唔做任何野佢都會覺得你好好
佢唔鍾意你既話...你為佢自殺佢都唔會望你一眼
好似...你約一個人....次次都係你約佢...而佢從來只有搵你幫手先會搵你
好多時候我地都知道事實就係咁...但係我地總係會心軟咁一次又一次對人好..一次又一次咁幫人
有時我地希望習慣一個人既所以野....但係果個人就唔習慣我地既存在
好似....你同一個人whatsapp...日日都同佢sd...希望佢養成左習慣...習慣電話入面有你既存在
開始既時候佢可能覆你好多....但一直落去
佢會從一段....變成一句....從一句..變成幾個字.....從幾個字....變成一個嗯或者一個哦...
再從一個字變成一個表情符號....最後你會發覺...對方連覆你都懶得覆
因為佢知道...佢一搵你..你就會即刻覆得佢...佢就算覆唔覆...你依然會sd一大段野同佢講
可以肯定唔會係因為你講錯左d咩... 又或者你太煩...
只不過係...太習慣性地對一個人好...為一個人付出真心..
你就會變得卑微..無人會識得珍惜你有幾好
我 : 呵...感情既野邊有點解架...咪住呀...好似我問緊妳野喎淇姐
她按了按電話....再把電話給了我
看到的是葉文晨的照片...
正確黎講係拖著另外一個女仔的照片....
果個女仔..係梓盈??呀聲唔係話佢鍾意...錢汱多既咩?
佢地應該係比人偷拍到....但係幾時影既呢...
老葉唔係想追呀yan咩??點解會...咁既?
我正想開口問..
vicki : 係上年我同佢拍拖既時候影到...但係偏偏我今日先得...
我一直以為佢只係好多女仔埋身...但係無諗過原來佢同我拍緊拖既時候
仲同梓盈..我一直以為佢只不過係同好多女仔熟...但係估唔到...佢會一腳踏兩船
我覺得自己好傻...鍾意個咁既人...分左手之後仲要成日掛住佢...
根本就唔值得
老葉...今次你又真係仆街左d
vicki : 我今日見到張相...sms問佢...雖然已經分左手..但係我都想搞清楚左...
佢話都過左去就算..仲話對唔住
但係我真係接受唔到原來自己一直係因為個咁既人傷心...更加有諗過不如同佢復合...
呵呵.....
佢講到紅都眼曬....眼都紅曬...見到面前既佢..我真係好有衝動攬住佢
不過我知道...無論係身份定係我地既關係..都唔允許我咁樣
我無講任何野...只係慢慢聽住佢講
vicki : 其實到左而家我對佢已經淡左好多好多...但係直到今日知道依件事我又好唔開心
不過我諗我依家已經可以放低佢喇....以為一直都放低唔到
我諗今次係一個好好既機會...
我 : 嗯....
而家就好似當時呀欣話有人同佢表白咁..我實在諗唔到可以同佢講d咩...
照計佢話放低左老葉...我應該好開心至係...但係佢一愁容...我實在開心唔到
不過我又相信佢今次應該真係放得低...
vicki : 對唔住呀張樂晨
下???做咩無啦啦同我講對唔住..
我 : 下?
vicki : 講好左陪你倒數...但係我過左12點先到...因為我果陣時既心情...我怕比人睇得出我唔開心
我 : 呵呵...唔緊要
vicki : 我都已經等到無咩野先過黎..不過都係比你睇得出...點會咁架?!
她的話有回了一點點的活潑
我 : 我觀察力好囉...拿今次就信住你先啦...下次唔好喇
vicki : 嗯
我從她的面上找回了很甜的笑容
我相信她是因為這樣才遲到...也信她是真的放下老葉...
但除下他手信後...我已得到妳沒有? http://soundcloud.com/sing-to-say/gqlhwxrce9ap自唱慎開
vicki : 點呀你...今年開心啦...有呀欣陪你倒數喎...上年..
你 : 妳仲提上年喎
vicki : 上年既唔開心應該無曬啦
講真我覺得已經慢慢一點一點咁放低呀欣...雖然都係好開心佢今年陪住我倒數
但係我發覺...我成個晚上...雖然我都係會注意住呀欣...
但係諗得更多既係...點解眼前既呀淇仲未到...
雖然....
我 : 嗯!
沒錯...今年比上年開心...因為呀欣...更加係因為妳
vicki : 佢真係好...你對佢咁好
做咩個話題又比妳講番番黎架
我 : 有d人覺得好...有d人覺得唔好...唔係個個都鍾意人地對自己咁好
vicki : 你講緊咩呀...點會唔鍾意人地對自己好呀...我都不知道幾想有多d人對我好
我 : 其實好多人都對妳好好架
vicki : 係咩
我 : 例如我囉
我都好想可以以妳男朋友既身份去對妳好..不過...
vicki : 扯
搞錯啊扯我...而家對妳唔好咩
我 : 仲有呀文佢地...個個都好好架~~.....我覺得只要妳對人好...人地就會對妳好
傻啦我點會真係咁覺得...係要講正面d比佢聽姐...我對人好無人稀罕既
vicki : 多謝你...雖然我地識左唔算耐...但係你成日同我傾計又開解我
唔似得有d男仔最後都只係想追我又或者點...真係好開心有你依個朋友
...好人卡夾住左張朋友卡送比我....當堂成個人灰曬...唉...其實我咪又係一樣
我都鍾意妳...只不過方式比較溫和?同埋無新鮮感?...原來去到最尾都係咩機會都無??
我 : 呵呵...好朋友就係要交個心出黎架啦
vicki : 多謝你啊..張樂晨
呵呵....原來..還是不行...
=========================================================================
http://www.youtube.com/watch?v=YKe6gvx8N3g (亢帥克 "十年未晚")
第一次覺得atv正常...睇到有d想喊...可能係共鳴