樓下有喪屍: Act 5 殺入朗豪坊
「唔．．．一係我地去另一邊後門入，即係七仔嗰邊個入口，應該無咁多喪屍。」我說
「我諗都無得我地揀啦．．．」呂晨苦著面說
我們沿著大馬路走，繞過路面的車輛到達朗豪坊的後門。果然，這裡的喪屍比較少，不過雖然如此，門外還是有數隻喪屍呆著．．．一次對付數隻喪屍．．．我信心不大．．．
此時，突然有一個紙球掉到我頭上，我嚇得彈跳起來立即轉身，但是卻沒有看到甚麼．．．只有也被嚇了一跳的呂晨在我身後．．．
「邊度掟過嚟架？？」呂晨很不安說
我打開紙球，原來是一張宣傳單張。
「健身中心？？」我說
我立即轉身向就在背後大廈二樓的健身中心看上去，果然有一個男子向我們揮手！
「有其他生還者！！」我驚喜說
我和呂晨想也不想立即走向該大廈。突然，有數隻喪屍從旁邊的餐館破窗而出！呂晨嚇得跌在地上！
「哇！！！」呂晨大叫
被呂晨的叫聲吸引，附近十數隻喪屍立即湧向我們，最接近的一隻更飛撲向呂晨把她按在地上！！我立即揮動鐵撬攻擊喪屍，但一時間未能替呂晨解圍！
「哇！！救命！！救．．．快啲啦你！！！哇！！！」呂晨不斷掙扎
我拔出二十磅大槌，如打高爾夫球般全力向喪屍揮擊，成功把它打飛！我立即扶起呂晨向大廈跑過去，並沿著大廈樓梯直接跑上二樓。我們一到達便看到那男子已經開門迎接了！我們二話不說跑進去，那男子也立即把門關上並牢牢鎖上。
「嗄．．．嗄．．．嗄．．．唔該晒．．．」我上氣不接下氣
「我仲諗住全部人都已經死晒．．．你地喺下面做咩．．．」那男子說，現在才發現他滿身肌肉，十分強壯！！
「我地諗住入朗豪坊．．．但係時裝店嗰邊迫滿晒喪屍．．．咪諗住入佢後門囉．．．點知就比你掟啦。」我說
「朗豪坊應該都好多喪屍下喎．．．點解要入去．．．」男子說
「我地諗裡面應該會有好多嘢食．．．同埋酒店有地方比我地瞓．．．」呂晨說
「聽你地咁講．．．又好似好吸引喎．．．不如．．．預埋我啦．．．」男子說
「好呀！多一個人，多一個希望！係呢，我叫流主，佢係呂晨，你叫咩名？你喺度做嘢架？」我歡喜地說
「我叫阿立，不過唔係喺度返工，我係學員嚟嘅。本身係一個救生員，尋日諗住嚟做GYM，點知一出港鐵站就見到四圍係喪屍，我咪係咁衝衝上嚟．．．點知班導師同學員都已經變晒喪屍．．．我．．．」男子低下頭說
「嗯．．．我明白嘅．．．無論如何，宜家情況未必適合即刻過去朗豪坊，我地要計劃一下。」我說
「我好肚餓．．．」呂晨蹲在地上說
「我地依度有好多公仔麵，妳食唔食？」阿立問
「好呀好呀！！！」呂晨立即走過去說
「不過．．．水喉水．．．會唔會有毒，食完變喪屍架．．．」我疑慮說
「我又無諗過喎．．．仆街尋日我已經食左幾個麵．．．」阿立說
「咁應該無問題啦，你都無變喪屍，快啲煮啦，好肚餓呀！」呂晨推著阿立說
阿立去煮公仔麵給我們．．．但是，才剛認識阿立而已，怎麼呂晨好像已經跟他打成一片了．．．感覺有點不爽．．．．．．雖說我知道這不是什麼意思．．．
我們一邊吃麵，一邊討論要怎樣進入朗豪坊．．．
「即係聲音可以引開佢地？咁我地咪整啲聲引走佢地囉。」阿立說
「講係咁講．．．但係要點整？如果喺窗口掟嘢出去，你依度無幾多嘢可以掟．．．」我說
「一係．．．你地落去殺晒啲喪屍先．．．？」呂晨說
「一兩隻就話啫．．．咁多點殺呀．．．」我無奈說
「我有辦法！我地依度有套Hi-Fi，我地拎埋遙控落樓，落到去匿埋咁著佢，咪可以引走啲喪屍囉！」阿立說
「都好喎，咁襯天仲光快啲行動！」我說
阿立把公仔麵帶上，還有一支裝上了5公斤鉛塊的鋼條作武器。我們坐言起行，小心翼翼地走到樓下，確認大廈出口處沒有喪屍，便悄悄地躲到一旁．．．
「準備好啦，隨時撳得！一撳，我地就跑去嗰度玻璃門！」我指著朗豪坊的後門說
「好．．．一．．．二．．．三！」阿立數了三聲便按下搖控
我們立即跑上前．．．慢著，Hi-Fi怎麼沒有反應的！？
「點解無聲嘅．．．唔通遠得滯？」呂晨緊張說
「無可能．．．二十米都無喎．．．」阿立不斷按著搖控說
此時，四周的喪屍發現了我們！
「點算呀？？？」呂晨捉住我的手臂
我想也沒想，立即跑前！
「屌你班撚樣！有種追鳩我！！」我大叫著並向大街跑
我跑向大街上其中一台棄置車輛，果然車門沒有上鎖，連車匙都依然插在車上！我嘗試開動車輛，但是它沒有反應，可能是撞壞了，又或是沒有足夠電壓開動．．．我沒有太多思考和犯錯的餘地，我立即轉身嘗試開動另一輛，可是結果依然一樣．．．
我接二連三嘗試不同的車輛，喪屍也愈來愈近，遠處看到阿立和兩隻喪屍作戰．．．這時，終於有一輛成功開動了！我立即跳進車內把它的音響開到最大，幸好車內有數張唱片，我隨便放了一張進去便立即離開車輛。此時，後坐突然有一隻喪屍撲前捉著我！我一時間掙脫不了，眼看倒後鏡，喪屍群愈來愈接近，而且因為音響的聲音，連時裝店那一群也慢慢走過來！
我不斷掙扎，如果不是要兩隻手推著它，我已經拿出鐵撬把它殺了．．．這時，我碰到車輛的變速桿，才想起車輛是開動了的！我立即快手轉向後檔，猛力踏下油門，汽車立即急速向後撞，喪屍同時飛向前坐，撞向擋風玻璃！暫時脫險了的我立即下車，回頭一看，喪屍群也已經到了！我轉身繞過車輛，全速跑回呂晨處，原來阿立也成功殺死那兩隻喪屍了。
「玩到咁大嘅你！」阿立說
「哈．．．使乜講！」其實我害怕得很
我們立即進入朗豪坊，但是由於我正在播放的音響非常嘈吵，連商場內的喪屍都聽得到！剛好有數隻喪屍來到後門，我和阿立只有強行作戰，我用鐵撬把最近我的一隻喪屍打死，阿立則對付餘下的喪屍。
「喂！落下面先啦！」阿立說
我們立即跟著他沿著往下層地牢的電梯跑下去，但是地牢的喪屍也不少，而且都正向我們走過來！我們只有轉身再往另一條通往地牢二樓的電梯跑，豈料情況並沒有變得輕鬆，這裡的喪屍比剛才還多！我們此刻前無去路，後有追兵！！