樓下有喪屍: Act 6 同伴
「流主！你睇下！！」呂晨拍著我的肩膀
我看過去，呂晨指著我們旁邊的超級市場，裡面竟然有其他生還者！我們互相對望了一下，二話不說便立即跑過去。眼看他們有男有女，但是只有一個衣著十分「MK」的男子手持著一支鐵管在戰鬥著，其他的人都在混亂走避．．．我和阿立馬上上前把追著他們的數隻喪屍殺死！
「咦？仲有其他人？你地係．．．」一個帶眼鏡，身材略胖的少年問
「唔好講咁多，殺晒啲喪屍先！！」我邊說邊戰
我沒有數清楚我們有多少人，但是能戰鬥的暫時只有三人，包括我，我們只能邊戰邊退
「痾撚炒粉！！班冚家剷殺極都殺唔撚柒晒！！」MK說
「嗰邊有道門呀！」呂晨指著不遠處的門說
我們只有慢慢邊戰邊移向那邊，但是喪屍真的殺之不盡，眼下已經殺了十數隻，但是它們的後方還是有喪屍不斷湧出！
「道門鎖住左呀！！」帶眼鏡的少年一邊推著門說
「我我我有鎖匙！！」一個穿著西裝的女子從裙袋中拿出一串鎖匙，但是鎖匙串上有十數條看似一樣的鎖匙！
「快撚啲啦！！」MK愈戰愈著急
西裝女子不斷嘗試，喪屍們也愈迫愈近！！
「得啦！！！」西裝女子把門打開立即衝進去
可是，一隻喪屍卻從裡面撲出，剛好撲向西裝女子，更把她按在地上！我們未及反應，喪屍已經一口咬向西裝女子的臉部，把她的面皮給扯下來！！！西裝女子痛得尖叫，使喪屍們好像發瘋了般湧前來！我們只有掉下西裝女子衝進門後把門關上．．．而門後，依然不斷傳來她的慘叫聲和喪屍咀嚼的聲音．．．．．．
大家都呆住了．．．呂晨也嚇得六神無主．．．阿立和MK乏力坐在地上．．．其他人都呆呆地站著．．．
「點．．．點算．．．」阿立問
「唔．．．搵嘢擋住道門先啦．．．」我說著並觀看四周
原來這裡是一個處理鮮肉的廚房，牆上有一個很大的窗口可以看到外面的貨架。MK把一個架子搬到門前，我和阿立隨便拿起數條毛巾把窗口掩蓋住．．．
「咁．．．宜家點算．．．」阿立再問
「唔．．．我都唔知．．．唯有喺度等．．．等啲喪屍走．．．」我無奈地說
「等？等撚到幾時呀？佢地無腦個喎！」MK激動說
「唔係點呀？殺出去呀？」我反問
「唔．．．仆街！」MK十分無奈
「話時話．．．你地點解會喺度嘅．．．？」帶眼鏡的少年問
「我都唔知點解釋．．．我地諗住嚟朗豪坊有得食有得瞓．．．所以咪嚟搏下囉．．．」我說
「我地喺樓上一間鞋舖度匿左成晚．．．啱啱因為無水無野食．．．就諗住落超市另一邊嗰間Café搵嘢食．．．開頭唔係好多喪屍．．．點知搞搞下愈嚟愈多．．．之後就一路殺到過嚟．．．」帶眼鏡的少年說
「啊．．．係呢，我叫流主，係一個學生．．．你地呢？」我說
「我叫阿立，係救生員。」阿立說
「我叫呂晨．．．唔．．．無讀書無做嘢．．．」呂晨有點不好意思說
「．．．我係阿德．．．學生，朋友通常叫我勤力德．．．」帶眼鏡的少年說
「我係阿奇，通常啲人叫我求撚奇，收數仔。」MK說
「點解會叫求撚奇嘅．．．」呂晨問
「點叫都係一句啦．．．有西所謂咩．．．求撚其啦．．．」求撚奇點起香煙說
「原來係咁．．．」我和阿立異口同聲說
「我叫阿強，做Sales。」一個不起眼的男人說
「啊．．．咁．．．頭先個．．．女人呢．．．？」我不好意思問
「佢係依度嘅工作人員．．．做information個啲．．．叫芳芳．．．」阿強說
「咁．．．不如搵啲嘢食先，我見佢有雪櫃，可能會有嘢食。」我試著扭轉一下氣氛
「哇，好撚大底三文魚呀屌你老味！」求撚奇打開冰箱說
大家都十分驚喜，求撚奇立即把三文魚肉拿出來，隨手拿起一把肉刀，隨便地砍出數塊肉並分給大家，想不到他原來是個滿友善的人呢。大家接過魚生便大口大口地吃，看來大家都餓壞了．．．
「其實．．．有無人知發生左咩事．．．」勤力德問
我們都靜了下來。
「我．．．唔知．．．我發現嘅時候已經．．．」我突然回想起父親．．．心裡不由得痛了一下
「新聞好似講過下，話有幾單喺羅湖火車站人咬人嘅襲擊案．．．我估有啲關係。」阿強說
「啊！我上網睇都見有人講，好似話政府撳得好緊．．．其實已經有幾十宗．．．」勤力德說
「我就收撚到風，有班兄弟喺新世紀廣場比人郁，我咪即刻過去囉，點撚知喺港鐵站過去嗰陣已經四圍亂鳩晒，我即刻求撚其搵個出口走囉，咁就入撚左嚟朗豪坊啦．．．」求撚奇說
「唔．．．即係無人知．．．咁下一步都唔知應該點好．．．」我苦惱著
「有部電視仔喺度，不如睇下有無嘢睇咯！」呂晨說著並開啟電視，不過卻只有雪花
「我諗都唔會有咩嘢睇．．．我地不如計劃下下一步點做仲好．．．」我說
「最目前要解決嘅係食同瞓．．．好似係．．．」勤力德說
「講得啱．．．我地本身係打算去朗豪酒店，咁就可以解決瞓嘅問題，如果有辦法清場同做好防守，喺個度會好安全。嘢食嘅話，酒店本身有廚房，行出嚟又有Food Court，仲有．．．依個超級市場。」我說
「咁就咁決定啦，宜家諗下點去酒店。」阿強說
「依個就係問題．．．」阿立說
「我．．．可唔可以食多舊三文魚．．．」呂晨突然插咀問
「食囉．．．」我無奈說
「我諗門口嗰班喪屍有排都唔走．．．我地可以點出去？」勤力德說
「屌，殺晒佢地老母臭西咪得囉！」求撚奇說
「講就易．．．」阿立說
「唔．．．如果有辦法整啲聲出嚟，就可以引開佢地．．．」我說
「點引．．．？」阿強問
「唔．．．例如有一舊可以發出好大聲浪嘅嘢，開著佢，打開個窗，掟出去，就可以引開佢地．．．我試過好幾次．．．好work。」我說
「咁有咩可以發聲呢．．．？」阿強問
「電視咪得囉。」呂晨一邊吃魚生一邊說
「都得喎！」阿立說
他立即走過去抱起電視，但因為手指不小心按下了電視機的按鈕，電影機不斷轉台．．．
「咪住！！有一個台有嘢睇！！好似係！！」勤力德說
阿立放下電視並不停轉台，果然真的有一個台有反應！！！