幸好數件外套加起來夠厚...Apple沒有被咬傷...
 
「好彩無事咋...」我抱著Apple說
 
「嗚哇!!後面都有呀!!!」Apple捉著我叫喊
 
我回頭一看...天啊...地上的屍體都爬起來了...
 
「下次唔好亂摷人地褲袋啦...出事架嘛...」我扶起Apple說
 




我立即一腳踢開最接近的一隻喪屍,並拉著Apple跑出教員室!但卻想不到連門外都有不少喪屍!
 
「一定係頭先妳大嗌吸引晒佢地埋嚟...」我說
 
「咁...咁點算呀...」Apple捉著我說
 
「打住走啦!」我說著立即跟Apple向主樓外跑
 
我邊跑邊殺,以一敵眾,十分吃力!終於我們跑出主樓外了,正當我鬆了半口氣,突然一隻喪屍從草叢撲出來捉著我!一時間我也掙脫不了!
 




「嗚...呀!!」Apple竟然向喪屍的頭部開槍!!
 
喪屍立即倒下...但我也被嚇得呆了...如果她射偏兩寸...死的便是我了...
 
「走啦!!」Apple拉著我跑
 
不知不覺,我們身後已經有一批喪屍追上來了!我們不斷跑,終於來到教師車位了,我按下防盜器開關,這次十分順利便找到一輛車!我們立即跑上車,就在開門之時,車底下竟然有一隻喪屍爬出來捉住我的腳!
 
「哇!!屌!!」我不斷想甩開它,但它也死不放手
 




「我...仆街啦你!!」我使力一腳踏向它的頭顱
 
它的頭顱竟然爆裂了!還流出很多深紅色的血!!我沒有想太多,立即爬上車發動引擎...太好了!這輛車正常運作!!我還一直擔心車輛這次會不會又有甚麼阻滯...還好,目前為止一切算是順利,我立即駕車離開學校。
 
「頭先好險呀...」Apple鬆口氣說
 
「下次妳唔好亂嗌啦...仲有唔好亂開槍...佢地聽到聲就會攻擊架啦...」我說
 
「係嘅咩...我...盡量啦...但係我唔用槍...都唔知點殺喪屍...我又無你咁大力...」Apple說
 
「...我個袋有把肉刀,妳用佢啦。不過小心啲,好利架...」我說
 
「啊...搵到...好啦...」Apple說
 
雖然我們找到車了,但是這輛車原來都快沒電油了,我只有特地走到油站加油。不用數分鐘,我們便來到了。我看看四周都沒有喪屍,便把車停泊在入油的位置...




 
「頂呀...原來無電入唔到油架...」我發現原來入油的機器是要用電的...
 
「咁點算呀...」Apple說
 
「可能舖頭入面有筒裝,順便我地都拎啲水同嘢食走。」我說
 
我把門推開,卻突然有人用槍指著我!!
 
「講嘢!如果唔係我就開槍!!」一個穿著警察制服的男子說
 
「你想我講咩呀阿SIR!」一看到警察我便感到不耐煩
 
「呼...對唔住...我唔知你係人定喪屍...」男子放下槍說
 




「哼,你都唔係第一個差佬用槍指過我。」我說
 
「你地嚟做咩...?」男子說
 
「我地架車無油,想入油咁啫。」我說
 
「你唔好咁嘅態度啦...」Apple捉住我說
 
「你地有車?咁就啱啦!我地有人病左,有車嘅話行動就方便啦!」男子說
 
「咪住先,點解我地要幫你?」我說
 
「吓...宜家咁嘅環境...互相幫助好正常呀...」男子驚訝說
 
「一啲都唔正常,我地食物有限,架車亦坐唔到你地,而且你朋友如果係比喪屍咬傷左嘅,佢好快就會死,救嚟都無用。」我說




 
「佢無比人咬架!求下你地幫手啦!」男子緊張說
 
「我點解要信你?你話唔埋係想借機搶晒我地嘅嘢,唔好以為差佬我就會落搭。」我說
 
「你一定要信我...咁啦,你地過嚟自己睇下...」男子帶我們到他身後的職員室
 
裡面坐著一個看起來很健壯,抽著香煙的老人,還有一個女子抱著另一個躺著的女子坐左地上,看來躺著的便是病人,或許這個男子沒有說謊。
 
「你睇到啦?我地真係需要幫忙...求下你...」男子說
 
「我架車坐唔晒,我都無法。」我說
 
「流主呀...」Apple捉著我說
 




「哼,我唔走,你夠位啦。」老人咬著煙說
 
「點可以呀?我唔會放棄任何一個人!」男子說
 
「車我地再諗辦法啦,我係護士嚟,比我睇下病人先!」Apple說
 
「Apple...」我阻止說
 
「人地有個病人,你都睇到架。而且,我覺得佢地信得過...」Apple說
 
「但係...」我說
 
「我知你緊張...但係你就信我今次啦。」Apple說
 
算了,就依Apple說的,如果有什麼不尋常,最多...殺了他們...又不是第一次了...
 
「多謝妳呀!妳叫Apple呀呵?我叫寶妮呀,佢係我個妹,我地都叫佢華女,請妳一定要救佢!!」女子捉著Apple的手說
 
「放心,我一定會盡我所能!」Apple說
 
「多謝你地!你係流主呀嘛,啱啱聽到Apple叫你。我叫子誠,佢係阿康,我地都叫佢康師傅。」男子指著老人說
 
「你地係咩人?點解會喺度?」我說
 
「我其實係機動部隊嚟嘅,但係今次事件我地駐守間差館都淪陷左,而且收到消息所有過海途徑都比政府封鎖晒,我唯有走出嚟再諗辦法過海,中途就遇到佢地。之後因為華女病得太緊要,我地咪入嚟避一避先...」子誠說
 
「咁妳地呢?」我對著寶妮說
 
「我同我妹都係喺青衣城行緊街,見人逃走我地咪又逃走囉...但係我地跟住嗰班人突然有人發顛亂咬人,我地咪又走囉...之後就遇到康師傅...」寶妮說
 
「我無咩好講。」康師傅把煙掉在地上並踏熄說
 
「即係大家都無方法過海啦?」我說
 
「依樣你可以放心,我已經通知左我九龍嗰邊嘅伙計,佢會揸直昇機接我地過港島。」子誠說
 
「你講真架!?」我驚喜說
 
「係呀,我地約左喺附近一間中學等,因為嗰度個露天操場夠大降落。」子誠說
 
「你唔係講緊嗰間佛教中學下話?」我說
 
「係呀!你又知嘅?」子誠說
 
「頂呀...我啱啱先喺嗰邊過嚟...」我說
 
「華女發緊燒,不過佢只係凍親啫,無咩嘅,我比左啲特效退燒藥佢,休息一陣,好快就會退燒。」Apple說
 
「可唔可以比我同佢上車先?我想比華女瞓底休息下...」寶妮說
 
「好呀,我同妳地上車先。」Apple說
 
我沒有反對,也不打算反對。Apple說得沒錯,他們應該不是壞人。看著他們有病人為由,應該可以相信他們沒有不當企圖,再者他們有直昇機救援,我真的想不到反對的理由。