樓下有喪屍: Act 33 史詩式的大錯
「流主！！！」求撚奇和Brandy十分驚喜
「求撚奇？Brandy？點解．．．搵個安全地方先再講！」我說
成功逃出喪屍包圍的我們立刻跟著阿健回到安全的員工通道。
「你條撚樣！！我都估到你實無事架啦！！」求撚奇高興地說
「點解你地會喺度嘅？你地唔係．．．？」我問
「我邊有咁撚易拉柴呀！但係我有無事都唔係最撚緊要，最撚緊要係呂晨無事呀嘛！」求撚奇說
我們都看著呂晨，然而呂晨卻竟然若無其事，一副難得久別重逢的樣子．．．
「流主！！你無事就太好啦！！」呂晨說
我一時間不懂如何回答，所有被呂晨出賣的片段又再浮現眼前．．．如果我沒有猜錯，看求撚奇和Brandy的反應，他們應該甚麼都不知道。
「流主？做乜鳩呀？呂晨無事喎！你唔開心咩？佢係你．．．」求撚奇說著，Brandy卻拉了一下他的衣服，示意他不要再說下去
「妳就係呂晨啦？流主有同我提過妳。」華女突然上前說，這我才想起，我確實有告訴過她有關呂晨的事
「．．．妳係？」呂晨一臉疑惑
「我係華女，流主女朋友。」華女說，呂晨的眼神立即出現了一剎那的動搖
「吓？流主你．．．」求撚奇正想說話，卻又被Brandy制止了
「流主，發生左咩事？點解你地會喺度嘅？我聽呂晨講話你同佢兩個人離開左碼頭之後就失散左．．．」Brandy問
「．．．．．．係呀，財神死左．．．之後我同呂晨離開碼頭，就失散左．．．」現左情況未明，我還是先附和呂晨的謊言
「．．．．．．唉．．．」求撚奇聽到財神的死訊，不禁嘆了一口氣
「之後我就遇到華女仲有幾個朋友，然後喺青衣一間學校度坐直昇機過嚟．．．後來就得返我同華女。」我說
這時，一個一直跟在求撚奇他們身後，素未謀面、手執一台相機的短髮女子走上前．．．
「學校坐直昇機？？？你係咪識得康師傅？？」短髮女子緊張地問
「妳係．．．？妳都識得康師傅？？」我說
「我係記者嚟，我叫阿凝。康師傅係我朋友，佢宜家喺邊？？」她看看我們說
「妳點解會識佢嘅？？妳搵佢咩事？？」我說
「康師傅手上有有關今次喪屍爆發事件嘅資料，早幾日仲聯絡到佢嗰陣，佢話會坐直昇機嚟依度。」阿凝說
「吓．．．．．．」我和華女既驚訝，又無奈地互相對望
「佢．．．．．．死左．．．」我說
「．．．．．．」阿凝聽到康師傅的死訊，臉上立即流露出一點點驚訝和哀傷
「．．．．．．對唔住．．．」我說
「．．．咁子誠呢？？你係咪都識得佢？康師傅話以防萬一，啲資料已經複製左兩份，入左落兩隻手指度。一隻喺佢身上，一隻比左子誠。佢話如果佢有咩不測，我都可以搵子誠。」阿凝問
「．．．．．．妳唔係玩呀．．．？」我頓時面色發青
「．．．子誠都死埋？？？」阿凝說
「．．．．．．．．．嗯．．．」我無奈地點一點頭，我此刻突然感到自己是不是犯下了一個影響著住全世界、史詩式的大錯．．．
「．．．咁隻手指呢？？佢死喺邊度？？？」阿凝十分緊張說
「就喺依個商場G樓．．．．．．但係．．．」我說
阿凝聽到後二話不說立即轉身離開！
「喂喂喂．．．妳諗住即刻落去呀？係落都唔係妳自己一個啦！」Brandy拉著阿凝說
「啲資料好重要，我一定要將佢公諸於世。」阿凝堅定地說
「屌，緊係我地同妳一鳩去啦！」求撚奇說
「唔得！．．．唔好去．．．」我說
「．．．點解？」阿凝說
「嗰度．．．迫滿左幾千隻喪屍．．．．．．」我說
大家也呆住了．．．
「．．．其實不如咁啦．．．」阿健插話說「我大概知發生緊咩事，不如我地返左去休息室先，大家再從長計議諗下點做啦。」
「你係？」Brandy 問
「我係阿健，係港鐵員工。我地仲有其他生還者，或者，其他人都可以幫手呢。」阿健說
於是，我們一大伙人跟著阿健回到休息室。
「阿健你真係出親去都帶一大棚人返嚟個喎．．．」盧Sir笑說
「好彩你地有拎嘢食返嚟，如果唔係就真係唔夠食啦。」梅姨說
「所以事情就係咁啦，我覺得我地有必要幫阿凝手拎啲資料。」阿健說
「我讚成，但係流主話嗰度有幾千隻喪屍．．．你地諗住點做？」盧Sir說
「依樣就真係未諗到．．．」我說
「既然未諗到，有啲嘢我想你地幫幫手先，襯宜家人多好辦事。我想你地搵人去晶石店等生還者，同埋搵人巡一巡站，確認下有無咩地方有危險。」盧Sir說
「啊？平時巡站唔係都係由盧Sir你去嘅咩？」阿健疑問
「．．．我有啲嘢想跟一跟先。人手你地自己分配，我出去先，你地自己睇時間返嚟食飯。梅姨同王太，辛苦妳地煮多啲飯啦。」盧Sir說
「．．．咁好啦，巡站就一定係我去架啦，我最熟路。我邊個想幫我手？」阿健問
「我啦，我同你去啦，我一直都想參觀下車站！」呂晨說
「．．．流主，你呢？」阿健問
「．．．．．．我同華女去晶石店等生還者。」我說
「我都同你地去。」阿凝說「如果有生還者，我諗我唔可以錯過依啲畫面。」
「．．．．．．呂晨，我同妳一鳩去。妳呢八婆？」求撚奇問Brandy
「唔去，你自己去啦。我坐下抖下算數。」Brandy說，她好像不太介意求撚奇對她不禮貌的稱呼
於是，我們分成兩隊，各自執行自己的任務。
「係呢，件事發生咁多日，妳一直都有影低晒？」我問阿凝
「嗯，我地做記者嘅，幾時都係行喺最前面，一定要將真相報導出去。」阿凝說
「但係香港搞成咁，啲報館都執晒啦，仲可以點報導？」我問
Brandy插話說：「唔係淨係得香港有報紙架嘛。」
「妳又做咩跟埋嚟．．．唔係話坐下嘅咩．．．」我說
「你理得我呀。」Brandy說
「咁阿凝妳諗住將啲資料賣去外國呀？」華女問
「唔係，雖然香港已經淪陷左，但係我地報館總編輯無事，佢自然會有人脈。」阿凝說
「講開又講，妳話康師傅有關於喪屍爆發嘅資料．．．係點解會有嘅？」我問