阿健也十分合作,不知道他從哪裡撿來一張紙皮,更在上面寫著Help字,然後在我身旁高舉著!
 
「...佢有反應啦,佢用望遠鏡望左一望我地......宜家又入返船入面......」阿凝說
 
我們都十分緊張地期待著...此時船上的人又走出來!
 
「......佢舉起左張牌......Pier...Before 0 am...佢意思應該係叫我地今晚12點前去到碼頭呀!」阿凝說
 
「好!咁我地就咋咋臨通知埋其他人一齊走啦!!」我說
 




「...依度距離太遠,對講機收唔到,我地返港鐵站先。」阿健說
 
我們得到了這個好消息,都急不及待回去告訴他們。我們跟著阿健穿過一段通道,回到了港鐵站的B1層。
 
「依度收到啦,我打比...」阿健說
 
就在阿健話未說完,突然我們眼前一黑!!什麼都看不見了!!整個車站都變得
漆黑一片,只剩下遠處數顆紅色的燈!!
 
「哇!!做咩呀!!」華女立即捉實我




 
「邊個閂燈呀??咩事呀?」我說
 
「...唔係呀...似係...車站停電...」阿健說
 
「唔係掛??」華女說
 
「後備電呢?咁大個車站無理由無後備電!」阿凝說
 
「後備電部發電機太細...只可以頂到局部停電同埋Keep住啲Emergency Light...個站咁大,唔係發電廠都推唔郁啦...宜家可能係發電廠停左...」阿健說




 
「咁點算呀?」華女說
 
「唔怕嘅,仲有啲紅燈,我地又有電筒。總之阿健聯絡佢地先。」我拿出電筒說
 
阿健立即用對講機聯絡盧Sir......
 
「無人應機...可能因為無電,個台停左,無左訊號...」阿健說
 
「唔係下話...硬係唔可以順順利利...」我說
 
「唔...最近我地嘅係站長室,我地過去搵細豪先,佢一直都係同盧Sir輪流睇站長室。」阿健說
 
由於整個港鐵站都建於地底之下,完全沒有日光滲透,現在我們能看到的就只有紅色的緊急照明燈和電筒所能照到的地方...我們小心翼翼地前進...這種黑暗的恐怖,還是頭一次感受到...
 




我們沿電梯走到B2,來到了一個大堂,老實說我本來就不太認得這邊的路,現在在完全黑暗的環境下,更加不知道自己所身處的位置...我們只有跟著阿健前進...
 
「咪住...」華女說
 
「做咩呀?」我說
 
「有...怪聲...」華女說
 
「唔係掛...又嚟?」我立即用電筒照向上方,不過什麼都沒有
 
「我肯定聽到啲嘢...」華女說
 
我們向前方照看,發現前方出現了數個人影!我們再看真一點...在我們面前的,竟然是喪屍!!!我和阿健立即一手電筒一手舉槍瞄準!!這裡為甚麼會忽然出現喪屍的!?
 
「咪住!!」華女說




 
「又咩事??」阿健說
 
「我地...我地比喪屍包圍左!!」華女說
 
我們四處照看,真的每一個方向都有喪屍!而且黑暗的環境下根本數不到它們的數量...我甚至因為不斷轉身,連方向都完全失去了!
 
「點算呀??」華女說
 
「唔通啲喪屍一直都匿埋左,宜家因為黑晒,所以比我地電筒啲光吸引左??」我說
 
「...唔理咁多啦,我地繼續前進啦,前面二十米左右就係去站長室嘅工作人員通道,大家跑啦!」阿健說
 
「咪住咪住!!邊度先係前呀!」我說
 




「依邊呀,快啦!!」阿健用電筒照向其中一個方向說
 
我們跟著阿健跑,而且邊跑邊開槍,但是大部份子彈都落空了,本來我們就不是專業槍手,現在要在黑暗中一邊跑一邊照明還要一邊開槍,根本就是浪費子彈!而且我連一下都不敢回頭看,只是一直跟在華女、阿凝和阿健後面跑,我怕一回頭又會迷失方向...幸運地,看來我們來到了通道的門,可是門卻是開著的!!
 
「小心!可能有喪屍入左去!」阿健說
 
我們走進一個丁字形的通道,因為通道不像大堂般廣闊,相對不容易失去方向。
 
「左邊盡頭就係站長室啦,快!」阿健說
 
阿健直接向左轉,我則向右邊先照看一下,果然如阿健所說,已經有喪屍進來了!不過這裡地方相對較為狹窄,要命中它們不難,眼前只有三隻喪屍,我沒有猶豫便向它們開槍,成功把它們擊殺。阿凝則立即把通道門關上,然後我們便跟著阿健來到站長室。但是,除了地上有數具喪屍的屍體便什麼都沒有了...
 
「唔通細豪走左??」阿健說
 
「有無人呀?細豪?盧Sir?」我說




 
「...阿健?」
 
「...細豪?」阿健立即便找到聲音來源
 
「你地無事就好啦...」細豪說
 
「發生咩事呀?你...你流好多血喎!」阿健說
 
「哼...仲會有咩事呀...車站停左電...所有電子門都開晒...啲喪屍已經入晒嚟啦...頭先盧Sir都喺度...我叫佢唔好理我,去休息室帶埋王生佢地走...你地追上去啦...我已經比喪屍咬到...我玩完架啦...」細豪面色蒼白說
 
「...點可以...」阿健無奈說
 
「唉...我都唔係第一個被咬嘅同事啦...我仲有兩個彈匣,你地拎埋走啦...最好拎埋我支電筒...」細豪說
 
「...多謝你,下世再做同事啦。」阿健說著便用槍指著細豪額頭
 
「再見啦。」細豪說著,阿健把電筒關上...
 
...
 
「行啦,我地去休息室救埋其他人走啦。」阿健說
 
我們折返到丁字走廊的另一邊,根據阿健所說,另一邊的盡頭就是回到B1休息室的昇降機。我們跟著阿健小心地前進,就在走到轉角之時,我們撞上了盧Sir和數隻喪屍!!
 
「盧Sir!!」我們立即舉槍,兩三下子便把喪屍處理掉
 
「你無事呀嗎??」我說
 
「流主...??」盧Sir說
 
「唔好講咁多啦,我地快啲上去叫埋王生佢地走啦!」我說
 
「走??走得去邊??」盧Sir說
 
「我地搵到碼頭有船接我地呀!」阿健說
 
「真架???咁就要快啦!!個站無左電!唔係淨係無燈咁簡單!連送風系統都停左啦!!」盧Sir說