~四年前~ 

我想同大家分享一下我間大學既宿舍。我間大學係規定咗所有係校內範圍既宿舍都必須係俾新生入住.

換然之,當你升上大學二年級既時候,你都要向外申請地方住。當然,為了保障嗰啲升上二年級既學生有地方住,大學係學校範圍外都有自己既building 租出去俾學生住.
 

我住嗰間hall 一共有三層. 從正門進入你會見到張乒乓波枱,跟住就係一條走廊,而右手邊就係一條迴轉型既樓梯一直通往三樓. 我咁啱就住係第一層,而Crystal,佢就住係第二層.  

好多時第一層都唔會俾女生住,所以第一層既走廊都充滿住一陣濃濃既男人味. 而同第一層唔同既係,第二同第三層總共有三條走廊係可以俾男生既房間安置在女生既房間隔離.



試想下,如果每日早上都有個女仔同你say個 hi,你既人生會係幾咁美好啊. 況且,住係我間hall既女仔啲質素都真係唔差. 當然,這個包括咗Crystal.

因為她的性格和樣貌,唔少hall 入面既人都曾經暗戀過佢. 競爭越大,我反而冇太大把握去追求佢.

有少少內向既我,可以做既就係默默地暗戀佢.
 我間hall 周不時都有gatherings, 正常既gatherings. 去海灘Bonfire, 睇戲,行outlet呢啲都係唔少得既活動. 二樓既自修室就係我地好多時用嚟吹水既地方.  

Crystal: "Ming, 你平時鍾意邊個歌手架?" 

我:"我平時都係聽開廣東歌㗎喎.你識咩?" 



C: "我有啲cousins 都聽廣東歌㗎. 所以佢地有時都介紹我聽邊個邊個.咁Joey 同Eason 都一定識啦. 但我中學時就超鍾意Joey!" 

我:"估唔到你會聽廣東歌喎. 咁我平時都聽好多歌,所以都冇一啲特別喜愛既歌手. 如果問我邊個聽得最多,我諗我會話係Eason 囉." 

C:"咁你可唔可以唱首比我聽呀?" 

我:"吓?我唔係好識唱歌㗎喎.你唱歌咁好聽,不如你唱首俾我聽先啦." 

C: "咁算啦." 



我:"我近期又聽返首Joey 既歌,我覺得幾好聽㗎.不如我播俾你聽呀?" 

C: "哦. 好呀." 

"陪著你你都不會知
凝視你背影一輩子..." 

我播了一陣子後,Crystal 就話呢首歌冇Joey 以前嗰啲咁好聽. 然後,佢就執齊啲野返入房. 其實我本身對Joey 啲歌都嘛嘛地,但唯獨是這一首. 我喜歡這一首歌既原因並唔係因為佢既旋律,而係佢啲歌詞.  

"...地上最遠的只怕是 同場
也不看我一次

牆紙一般貼在門牆是我
填充畫面那內容 無權伴你躺臥
想知這角碎花


只裝飾你的 堂皇神殿麼
可曾被你欣賞過..." 
已有 0 人追稿