由德輔道西,到西邊街,然後般咸道,我搭住的士途經一間又一間既老店.

舊式既理髪店,當舖,文具店呢啲都令我聯想起以前既香港係如何充斥著豐厚既人情味. 遲下港鐵通車,西環仲會唔會保留住呢啲充滿情懐既小店呢?


經過英皇書院,我終於嚟到咗hku東閘. 去完global lounge 辦理所有手續後,我步行到我要住既宿舍.  

~ 一個月前 ~ 

我:"今日剛剛收到email通知我會住邊間宿舍. 佢地有冇派到去你間心水呀." 



Crystal:"吓?我好似仲末收到喎. 等我再check下先" 

過咗一陣... 

Crystal: "No way! 佢冇俾到宿舍我呀... 佢話得唐樓嗰邊有位渣⋯" 

~ 

K.Y.堂站立於蘋果店舖同Starbucks 既中間,可以話係走在潮流的尖端. 但事實上,有幾多住在K.Y.堂既真係咁好心日日幫襯呢兩間野. 佢地最多就係去 Su can度食個tea.  



當我跟ling姐辦好啲手續後,我好期待究竟係啲咩人做我roommate. 香港人,大陸人,定外國人?但我估唔到既係... 

Ling姐:"等我睇下你個室友係邊個先...哦,放心啦,佢間房唔係好大陣味㗎渣." 

我心諗:"咩叫做唔係好大陣味?" 

我聽嗰句説話之後其實都有啲脅脅地. 自己本身話哂都係幾企理既人. 如果要我同一個冇一啲衛生常識既人做同房既話我真係會接受唔到. 

Ling姐見到我面色一沉,她續說:"放心啦. 佢同其他巴基斯坦既係唔同㗎. 我行過佢間房都唔會聞到啲咩味. 你知喇,好多時啲東南亞人都有體臭㗎嘛." 



我拉著一個大篋嚟到我所住既樓層. 因為ocamp既原因,走廊都擺滿咗原本放在common area 既sofa 同桌椅. 我拓起咗個大篋,步步為營地走到我所屬既房間.  

我用ling姐俾我既鎖匙,打開咗我嚟緊三個月都會住係嗰度既房間.

入面一個人都冇,只係見到兩㢳床拍住係左邊既牆. 然後,我就見到檯同衣櫃都拍住係右邊既牆.

裡面既空間可能連一百呎都冇,但一分錢一分貨,五千幾蚊港紙住幾個月都算係咁. 而最重要既係,我間房係可以望到海. 用幾千蚊就可以同寶翠園分享同一個海景,其實真係物有所值.
 

當我準備執拾好我啲行李時,common area突然傳來一陣聲音. 我聽到一班人在狂駡對方既不是. 好奇之下,我走咗去望下發生咩事.

我見到既係兩排人在數大家有咩缺點,而身旁就有幾位大仙係度監督住. 講真,我到依家都唔係好明點解香港既ocamp 會係好似軍訓咁. 我仲好記得我在外國時去既ocamp 都係好friendly. 比起啲大仙們,外國會用一種鼓勵既方式去幫啲新生建立人際關係.

我記得之前係ocamp玩過一個遊戲就係所有人都要合埋對眼,負責ocamp既人就會輪流選三四個人出嚟. 跟住佢地就會講出一啲話題,例如'你覺得邊個有領導才能'之類,然後被選出嚟既就要輕輕拍一下佢地認為係有呢樣優點既人個膊頭.

呢個游戲係為咗令新生感受到被人認同既嗰種感覺. 相反地,香港用既方法就係奚落人地而取得一份優越感. 但其實究竟邊一個方法先會對新生有幫助呢?或者,香港既做法更加可以令新生感受到將來佢地行出去社會時會遇到既情形.



但其實作為一個大學生,係唔係應該先學識以禮相見,以誠相待呢?
 

當我轉身返房既時候,我發現一個同我一樣被噪音滋擾既四眼仔. 佢既身形比較瘦削,行路上嚟帶有些小寒背. 見到佢係我對面間房度停低,我就行埋去同佢打聲招呼.

交談之下,佢話佢叫路易士,嚟自法國,同樣係嚟香港交流一個學期. 嗰一日我仲認識咗佢既室友,一個嚟自瑞典既鬼佬. 就係咁,我認識咗在我留學時既兩個朋友.
 

返到房後,我繼續執拾我啲行李.拾拾下行李既我忽然間察覺到一個好特別既陶瓷娃娃擺咗係我同房既桌上.

隻娃娃特別在佢個姿勢係翹起個屁股,而在屁股既中間就有一個小洞. 當我再望清楚啲既時候,我發現隻娃娃係刻咗條正氣...
 
已有 0 人追稿