唔係掛，我竟然去左2025年！？: 第十二話

「ER...龜...姐係你地依加既公安大哥，我地快Ｄ去搵地方食野啦！」 

　　凌晨時分，在街上跟啊璇小心翼翼的避開檢查人員的注意下，最後終於找到一間較偏僻的小食店。雖然食物價錢昂貴，但店內全是上了年紀的香港人，那當然一句普通話也聽不到，這餐廳應該是我在2025聽到最多廣東話的地方。隨便點過一些我平日愛吃的食物後，我就跟啊璇說起學業上的問題，不過其實只是沒話題可聊，避免尷尬而己。 

「點呀，畢左業之後想讀書定返工？」 

「其實，我有一個夢」 

「嗯？咩野夢？」 





「我既夢想，就係團結所有好似啊豪你咁既香港人，團結一致拎返屬於我地既野！」 

「下？哦，食下呢個雞串先啦，好正喎」我把剛遞來的食物放進她的碟去 

「啊豪！？唔通你覺得香港唔可以變返以前咁？！點解你聽到好似咩反應都無咁嫁！」啊璇激動的說道 

「我信嫁，2015果陣我都估唔到十年後香港變成咁啦，有行動call我啦，我實支持你」我邊吃邊道 

「好！為左香港，為左香港人，我地要堅守信念，要努力！」 





「好，努力！奮鬥！」唉，真是天真的小女孩 

「係啦啊豪，聽日我約左一班好似你咁既有志之士出黎食飯，你有冇興趣跟我黎？」 

「唔洗預我啦，我近排好多野做」其實我根本不想去 

「哦...咁好啦...」

　　吃過宵夜後已經是凌晨三時左右，這時天空突然下起毛毛細雨，而且雨勢還愈來愈大。於是我把啊璇送回家中後，就借了一把傘給我回校。到達的士站後，由於沒有的士和雨勢愈來愈大，我便站在一個帳篷下面避雨，好讓自己不再狂風暴雨下把身體弄濕。看著這場突如其來的暴雨，不知怎樣自然想起第一天來到2025年的時候... 





「轟隆！！」 

　　突然，一股強大的雷聲傳到我的雙耳中，這情況就像2015年的3月11日...等等...暴雨，雷電，升降機...難道當天乘坐升降機的時候，因為雷電擊中升降機，所以意外的把我送到2025年？現在想起來，好像所有事情都在離開升降機之後發生，上五樓的時候更有燈光閃爍了數下，難道我就在那時起就穿越了！？如果，再一次在狂風暴雨之下在那裡乘坐多一次升降機，我能夠回去2015嗎...？ 

　　兩天之後，在學校上課的時候，我仍然不斷用電話更新接下來一個星期的天氣報告。如果事情真的如我想像中似的，那這應該就是最能令我回到2015年的辦法。既然不知道自己如何能來到2025年，那就暫時向這個方法下手。希望一切都是跟我想像的一模一樣。 

「喂啊豪，做咩偷玩電話呀？你玩左好耐啦喎？」啊璇在旁說道

「做緊正經野呀...」我一邊按著電話邊說 

「係咩？係喎，我咪話琴晚約左班同我地一樣有共同目標既人出黎既。佢地入面有一個人又係叫啊豪，講野同你一樣都係咁大膽嫁！而且仲好仔細講左2014年佔領運動D野比我地聽！下次你黎唔黎呀？你唔係好想知道當年發生咩野事嫁咩？我地暫時約左星期六見面呀！」 

「唔洗啦，我諗天文台同氣象局幫到我多Ｄ」我隨口的答道 

「姐係你唔黎...？好啦，再約啦...」 





　　不斷更新天氣預測的時候，觀察到坐在旁邊的啊璇一副沒精打采的模樣，我就知道剛才的拒絕太過直接。既然暫時認定只有行雷的方法令我能夠回去2015年，那就先待著這裡一會吧。等到有狂暴雨的時候，就能夠證明那輛升降機是否能幫助我穿越時空。 

「喂，唔開心呀？對唔住囉，岩岩其實有緊要野做，所以我態度差左少少」我向啊璇說道 

「唔緊要啦...你都係有野做先咁姐...」 

「係啦，今日放學你得唔得閒？不如同我一齊出街行下？」我立即轉換話題 

「今日放學唔得呀...我約左琴日識果個啊豪出黎飲野。不如後日啦」 

「聽日你唔得咩？你知我一個人放左學好悶嫁啦，我係香港得你一個朋友嫁昨」我笑著道 

「車，你咪有焯叔囉！古古怪怪！聽日我要去禮堂幫話劇做綵排呀，一係你到時黎幫下手！跟住夜晚我地兩個去食飯！」啊璇笑著道 





「好，一言為定！」